પ્રદુષણને નાથવા BS3 અને BS4 ફોર વ્હીલર પર 13 જાન્યુઆરી સુધી આ રાજ્યમાં લાગ્યો પ્રતિબંધ
કમિશન ફોર એર ક્વોલિટી મેનેજમેન્ટ (CAQM) એ, પ્રદૂષણ વિરોધી પગલાંને સખત રીતે અમલમાં મૂકવાનો નિર્દેશ આપ્યો છે. જેથી કરીને શિયાળાની ઋતુમાં વધતા પ્રદુષણથી શહેરીજનોને મુક્તિ આપી શકાય.
દિલ્લીની હવા પ્રદુષણથી સતત બગડી રહી છે. બગડતી હવાને કારણે આજે મંગળવારથી લઈને આગામી શુક્રવાર સુધી BS-III પેટ્રોલ, BS-IV ડીઝલ ફોર વ્હીલર ચલાવવા પર પ્રતિબંધ મૂકવાનો નિર્ણય લેવામાં આવ્યો છે. આ નિર્ણયને પગલે ડીઝલ સંચાલિત BS-III પેટ્રોલ, BS-IV ડીઝલ ફોર-વ્હીલર્સ દિલ્લીમાં આજે મંગળવારથી લઈને આગામી શુક્રવાર સુધી રસ્તાઓ પર ચાલતા જોવા નહી મળે. દિલ્લી સરકારે પ્રદૂષણના સતત વધી રહેલા સ્તરને ધ્યાનમાં રાખીને આ નિર્ણય લીધો છે.
હવાની ગુણવત્તા “ગંભીર” શ્રેણીમાં
બદલાતા હવામાન વચ્ચે દિલ્લીની હવાની ગુણવત્તા “ગંભીર” શ્રેણીમાં નોંધવામાં આવી છે. કમિશન ફોર એર ક્વોલિટી મેનેજમેન્ટ (CAQM) ને પ્રદૂષણ વિરોધી પગલાંનો કડક અમલ કરવા માટે નિર્દેશ આપવામાં આવ્યો છે. આને ધ્યાનમાં રાખીને, દિલ્લી સરકારે મંગળવારથી શુક્રવાર સુધી BS-III પેટ્રોલ, BS-IV ડીઝલ 4-વ્હીલરના ચલાવવા પર પ્રતિબંધ મૂકવાનો નિર્ણય લીધો છે.
પરિસ્થિતિ વધુ ખરાબ થઈ રહી છે
દિલ્લીનો 24-કલાકનો સરેરાશ હવા ગુણવત્તા સૂચકાંક (AQI) સોમવારે સાંજે 4 વાગ્યે 434 હતો, જે રવિવારના 371 થી વધુ ખરાબ થયો છે. 201 અને 300 ની વચ્ચેનો AQI “નબળી”, 301 અને 400 “ખૂબ નબળી” અને 401 અને 500 વચ્ચે AQIને “ગંભીર” ગણવામાં આવે છે. વાયુ પ્રદૂષણમાં અચાનક થયેલા વધારાને ધ્યાનમાં રાખીને, એક તાકીદની સમીક્ષા બેઠક બાદ, હરિયાણા, ઉત્તર પ્રદેશ અને રાજસ્થાન સહિત દિલ્લી અને NCR રાજ્યોના અધિકારીઓને, તેમના પ્રદેશમાં ગ્રેડેડ રિસ્પોન્સ એક્શન પ્લાન (GRAP) ની જોગવાઈઓ લાગુ કરવા નિર્દેશ આપવામાં આવ્યો હતો. પ્રદૂષણ વિરોધી યોજનાના અમલીકરણની ખાતરી કરવા માટે પર્યાપ્ત નિરીક્ષણ ટીમો તૈનાત કરવાની જરૂરિયાત પર પણ ભાર મૂકવામાં આવ્યો હતો.
પ્રદૂષિત થઈ રહેલી યમુના ચિંતાનો વિષય
નેશનલ ગ્રીન ટ્રિબ્યુનલએ સોમવારે દિલ્લીમાં સંબંધિત અધિકારીઓની ઉચ્ચ-સ્તરીય સમિતિ ની રચના કરી હતી. જ્યાં યમુના પ્રદૂષણ અન્ય નદી બેસિન રાજ્યોની તુલનામાં વધારે (લગભગ 75 ટકા) છે. જસ્ટિસ આદર્શ કુમાર ગોયલની અધ્યક્ષતાવાળી બેંચે સોમવારે સમિતિની રચના કરતી વખતે દિલ્લીના લેફ્ટનન્ટ ગવર્નર ને પૂછ્યું કે, જેઓ દિલ્લી ડેવલપમેન્ટ ઓથોરિટીના અધ્યક્ષ છે.