દીદીને મળ્યા બાદ સુબ્રમણ્યમ સ્વામી બળવાના મૂડમાં, મોદી સરકાર ગણાવી દરેક મોરચે નિષ્ફળ

બીજેપી સાંસદ સુબ્રમણ્યમ સ્વામીએ કહ્યું કે મોદી સરકાર અર્થતંત્ર, સીમા સુરક્ષા, વિદેશ નીતિ, રાષ્ટ્રીય સુરક્ષા અને આંતરિક સુરક્ષા જેવા અનેક મહત્વના મુદ્દાઓ પર નિષ્ફળ રહી છે. સુબ્રમણ્યમ સ્વામીએ અફઘાનિસ્તાન સંકટનો સામનો કરવા માટે કેન્દ્ર સરકારના વલણને પણ 'નિષ્ફળ' ગણાવ્યું.

દીદીને મળ્યા બાદ સુબ્રમણ્યમ સ્વામી બળવાના મૂડમાં, મોદી સરકાર ગણાવી દરેક મોરચે નિષ્ફળ
Subramaniam Swamy (file photo)

ભારતીય જનતા પાર્ટી (BJP)ના રાજ્યસભા સાંસદ સુબ્રમણ્યમ સ્વામીએ (Subramanian Swamy) ગુરુવારે ફરી એકવાર કેન્દ્રની નરેન્દ્ર મોદી સરકાર (Modi Government) પર જોરદાર નિશાન સાધ્યું. પોતાની જ સરકારને સવાલ પૂછતા સ્વામીએ કહ્યું કે તે શાસનના લગભગ દરેક બાબતોમાં સરકાર નિષ્ફળ ગઈ છે. સુબ્રમણ્યમ સ્વામીનું નિવેદન પશ્ચિમ બંગાળના મુખ્યમંત્રી અને તૃણમૂલ કોંગ્રેસના વડા મમતા બેનર્જીને (Mamata Banerjee) મળ્યાના એક દિવસ બાદ સામે આવ્યું છે.

બીજેપી સાંસદ સુબ્રમણ્યમ સ્વામીએ કહ્યું કે મોદી સરકાર અર્થતંત્ર, સીમા સુરક્ષા, વિદેશ નીતિ, રાષ્ટ્રીય સુરક્ષા અને આંતરિક સુરક્ષા જેવા મુદ્દાઓ પર નિષ્ફળ રહી છે. તેમણે અફઘાનિસ્તાન કટોકટીનો સામનો કરવા માટે કેન્દ્ર સરકારના વલણને પણ “નિષ્ફળતા” ગણાવી હતી. આટલું જ નહીં, તેણે પેગાસસ ડેટા સુરક્ષા ભંગ માટે કેન્દ્રને જવાબદાર ઠેરવ્યું. આંતરિક સુરક્ષાના મુદ્દે, તેમણે કહ્યું કે વર્તમાન સરકાર હેઠળ કાશ્મીર “દુઃખદ” સ્થિતિમાં છે. તેમણે પૂછ્યું કે આ નિષ્ફળતાઓ માટે કોણ જવાબદાર છે.

સુબ્રમણ્યમ સ્વામી ગઈકાલે મમતાને મળ્યા હતા.
અગાઉ બુધવારે, સુબ્રમણ્યમ સ્વામી પશ્ચિમ બંગાળના મુખ્ય પ્રધાન મમતા બેનર્જીને મળ્યા હતા અને તેમની ઉગ્રતાથી પ્રશંસા કરી હતી અને તેમની સરખામણી જયપ્રકાશ નારાયણ, મોરારજી દેસાઈ, રાજીવ ગાંધી, ચંદ્રશેખર અને પીવી નરસિમ્હા રાવ જેવા રાજકીય દિગ્ગજો સાથે કરી હતી. તેણે ટ્વીટ કર્યું કે આ લોકોની વાત અને કામમાં કોઈ ફરક નથી. તેમણે કહ્યું કે ભારતીય રાજકારણમાં આ એક દુર્લભ ગુણ છે.

આ પણ વાંચોઃ

દેશમાં પહેલીવાર પૂરુષોની સામે મહિલાઓની સંખ્યા વધુ, નેશનલ ફેમિલી હેલ્થ સર્વેમાં સામે આવી વિગતો

આ પણ વાંચોઃ

Weird Law in Pakistan : ભૂલથી પણ અડી લીધો કોઇનો ફોન તો થઇ શકે છે સજા, આ છે પાકિસ્તાનના વિચિત્ર કાયદા

Click on your DTH Provider to Add TV9 Gujarati