Bihar: પટનામાં PFIના અનેક સ્થળો પર દરોડા, મિશન 2047 ષડયંત્ર કેસમાં દરોડા પાડવા 8 સભ્યોની ટીમ પહોંચી
પીએફઆઈના (PFI) મિશન 2047 ષડયંત્ર કેસમાં આ દરોડા પાડવામાં આવ્યા છે. પટનામાંથી પીએફઆઈના શકમંદોની ધરપકડ બાદથી પીએફઆઈના સ્થળો પર સતત દરોડા પાડવામાં આવી રહ્યા છે.
બિહારના (Bihar) પટનામાં PFIના અનેક સ્થળો પર દરોડા પાડવામાં આવ્યા છે. પીરબહોરમાં દરોડો પાડવા માટે 8 સભ્યોની ખાસ ટીમ આવી પહોંચી છે. પીએફઆઈના (PFI) મિશન 2047 ષડયંત્ર કેસમાં આ દરોડા પાડવામાં આવ્યા છે. પટનામાંથી પીએફઆઈના શકમંદોની ધરપકડ બાદથી પીએફઆઈના સ્થળો પર સતત દરોડા પાડવામાં આવી રહ્યા છે. એટીએસની ટીમે આજે ફરી એકવાર પટનામાં પીએફઆઈના સ્થળો પર દરોડા પાડ્યા છે. ATSની ટીમ આજે દરોડા માટે પીરબહોરના સબજીબાગ પહોંચી હતી. પીએફઆઈની ઓફિસ અહીં છે, જ્યાં એટીએસની 8 સભ્યોની ટીમે દરોડા પાડ્યા છે.
વર્ષ 2047 સુધીમાં ભારતને ઈસ્લામિક રાષ્ટ્ર બનાવવાના PFIના કાવતરાના ખુલાસા બાદ ATSની ટીમ સતત દરોડા પાડી રહી છે. જણાવી દઈએ કે પીએમ મોદીની મુલાકાતના એક દિવસ પહેલા પોલીસે PFI સાથે જોડાયેલા બે લોકોની ધરપકડ કરી હતી. આ પછી વધુ ત્રણ લોકો પણ પોલીસના હાથે ઝડપાઈ ગયા છે. પોલીસે ફુલવારી શરીફમાંથી અતહર અને જલાલુદ્દીનની ધરપકડ કર્યા બાદ શબીર મલિક, શમીમ અખ્તર અને તાહિરની પણ ધરપકડ કરવામાં આવી હતી. જો કે પોલીસે હજુ સુધી આ ત્રણની ધરપકડની પુષ્ટિ કરી નથી.
આતંકવાદીઓ પાસેથી ‘ઇન્ડિયા વિઝન 2047’નું વિઝન પેપર મળ્યું
એએસપી મનીષ કુમારે જણાવ્યું કે બંનેએ ફુલવારી શરીફના નવા ટોલા અહેમદ પેલેસને ટ્રેનિંગ કેમ્પ બનાવ્યો હતો. સાથે જ તે માર્શલ આર્ટની તાલીમના નામે દેશના વિવિધ રાજ્યોમાંથી ચોક્કસ સમુદાયના યુવાનોને બોલાવીને આતંકવાદી ગતિવિધિઓની તાલીમ આપતો હતો. છેલ્લા બે મહિનાથી આરોપીઓ પાસે અન્ય રાજ્યોના લોકો આવતા હતા. મુલાકાતીઓ ટિકિટ બુક કરાવતી વખતે અને હોટલોમાં રોકાઈને તેમના નામ બદલી રહ્યા હતા. બંને આતંકવાદીઓ પાસેથી 8 પાનાનું વિઝન પેપર પણ મળ્યું છે, જેમાં વર્ષ 2047 સુધીમાં ભારતને મુસ્લિમ રાષ્ટ્ર બનાવવાની વાત કહેવામાં આવી છે.
સંડોવાયેલા લોકોને શોધી કાઢવામાં આવી રહ્યા છે
એએસપી મનીષ કુમારે જણાવ્યું કે, સિમી પર પ્રતિબંધ બાદ વર્ષ 2002માં બોમ્બ બ્લાસ્ટ થયા હતા. આ કેસમાં અતહર પરવેઝના નાના ભાઈની ધરપકડ કરવામાં આવી હતી. તે ઘણા મહિનાઓથી જેલમાં હતો. પરત ફર્યા બાદ બંને ભાઈઓ એક ખાસ સમુદાયના લોકો માટે આતંકવાદી તાલીમ કેમ્પ ચલાવતા હતા. ASPએ જણાવ્યું કે તે SIMI અને PFIનું ગઠબંધન છે. આ જોડાણમાં સામેલ બાકીના લોકોને પણ શોધી કાઢવામાં આવી રહ્યા છે.
Latest News Updates
