કૃષિ કાયદા પર ખેડૂત સંગઠનો સાથે વાતચીત કરવા અંગે કૃષિ મંત્રીએ આપ્યું આ મોટું નિવેદન
દેશમાં કૃષિ કાયદા( Farm Laws)અંગે કેન્દ્રીય કૃષિ મંત્રી નરેન્દ્રસિંહ તોમર(Narendrasinh Tomar)નું મોટું નિવેદન આવ્યું છે.નરેન્દ્રસિંહ તોમરે કહ્યું છે કે, જો કોઈ ખેડૂત સંગઠન મધ્ય રાત્રિએ પણ ખેડૂત કાયદાની જોગવાઈ પર વાત કરવા માંગે છે તો સરકાર તેના માટે તૈયાર છે.
દેશમાં કૃષિ કાયદા( Farm Laws)અંગે સરકાર અને ખેડૂતો વચ્ચે થયેલી વાતચીત પર કેન્દ્રીય કૃષિ મંત્રી નરેન્દ્રસિંહ તોમર(Narendrasinh Tomar)નું મોટું નિવેદન આવ્યું છે. નરેન્દ્રસિંહ તોમરે કહ્યું છે કે, જો કોઈ ખેડૂત સંગઠન મધ્ય રાત્રિએ પણ ખેડૂત કાયદાની જોગવાઈ પર વાત કરવા માંગે છે તો સરકાર તેના માટે તૈયાર છે.
નરેન્દ્રસિંહ તોમરે(Narendrasinh Tomar) જણાવ્યું હતું કે, ખેડૂત સંગઠનો કૃષિ કાયદા( Farm Laws) ના અધિનિયમ વિશે વાત કરવા માંગતા હોય તો ખેડૂત અધિનિયમ પાછો ખેંચવા સિવાય સરકાર તેના માટે તૈયાર છે.
भारत सरकार नए कृषि कानूनों से संबंधित प्रावधानों पर किसी भी किसान संगठन से और कभी भी बात करने को तैयार है…हम उनका स्वागत करते हैं… pic.twitter.com/gv1FF9zU8i
— Narendra Singh Tomar (@nstomar) June 18, 2021
ગત અઠવાડિયે પણ કૃષિ મંત્રીએ કહ્યું હતું કે સરકાર વિરોધ કરી રહેલા ખેડૂતો સાથે ફરી વાતચીત શરૂ કરવા તૈયાર છે. જ્યારે તેમણે ખેડૂત સંગઠનોને ત્રણ કૃષિ કાયદા( Farm Laws) ઓની જોગવાઈઓ સામે વાંધો છે તેવા નક્કર તર્ક સાથે તેમનો દ્રષ્ટિકોણ સમજાવવા જણાવ્યું હતું.
22 જાન્યુઆરીએ સરકાર અને યુનિયનો વચ્ચે મડાગાંઠને સમાપ્ત કરવા 11માં રાઉન્ડની વાતચીત કરવામાં આવી હતી. તેની બાદ 26 જાન્યુઆરીના રોજ ખેડૂતોએ કૃષિ કાયદા વિરુદ્ધમાં નીકળેલી ટ્રેક્ટર રેલી દરમ્યાન વ્યાપક હિંસા પછી વાટાઘાટો અટકી ગઈ હતી.
ઉલ્લેખનીય છે કે, મુખ્યત્વે પંજાબ, હરિયાણા અને પશ્ચિમ ઉત્તર પ્રદેશના હજારો ખેડૂત આ ત્રણે કૃષિ કાયદાઓનો વિરોધ કરવા છ મહિનાથી વધુ સમયથી દિલ્હીની સરહદો પર પડાવ કરી રહ્યા છે. આ ખેડુતોને ડર છે કે નવા કૃષિ કાયદાના અમલ સાથે લઘુતમ ટેકાના ભાવે પાકની સરકારી ખરીદીનો અંત આવશે. સુપ્રીમ કોર્ટે આગામી આદેશો સુધી ત્રણ કૃષિ કાયદાના અમલીકરણ પર સ્ટે મુક્યો છે અને ઉકેલ લાવવ માટે એક સમિતિની રચના કરી છે.
Latest News Updates
