Delta Plus Variant: દેશમાં ચિંતાજનક 40 કેસો આવ્યા સામે, મહારાષ્ટ્ર-કેરળમાં સૌથી વધુ કેસ નોંધાયા
ભારત એવા દસ દેશોમાંથી એક છે જ્યાં સુધી 'ડેલ્ટા પ્લસ' વેરિઅન્ટ મળી આવ્યા છે. તાજેતરમાં આવેલા અહેવાલો અનુસાર ભારતમાં 40 કેસ આ વેરિઅન્ટના મળી આવ્યા છે.
દેશમાં કોરોનાના નવા કેસ ઘટી રહ્યા છે. પરંતુ બીજી તરફ ડેલ્ટા પ્લસ વેરિઅન્ટને કારણે રાજ્ય સરકારોની ચિંતા વધી રહી છે. તાજેતરમાં આવેલા અહેવાલો અનુસાર દેશમાં ‘ડેલ્ટા પ્લસ’ વેરિઅન્ટના અત્યાર સુધી 40 કેસ થઇ ગયા છે. રાજ્યોની વાત કરીએ તો ‘ડેલ્ટા પ્લસ’ વેરિએન્ટના વધુ કેસો મહારાષ્ટ્ર, કેરળ, અને તામીલનાડુમાં જોવા મળ્યા છે. સાથે જ મધ્યપ્રદેશમાં પણ ઘણા કેસ જોવા મળ્યા છે.
તબીબી નિષ્ણાતો કહે છે કે ડેલ્ટા પ્લસ એ ‘વેરિઅન્ટ ઓફ કન્સર્ન’ છે. હાલમાં ડેલ્ટા પ્લસ વેરિઅન્ટના કેસો ફક્ત કેરળ, મહારાષ્ટ્ર અને મધ્યપ્રદેશના ત્રણ રાજ્યોમાં જ નથી. આ અન્ય રાજ્યોમાં પણ જોવા મળી રહ્યા છે, પરંતુ તે વેરવિખેર રીતે મળી રહ્યા છે. મહારાષ્ટ્રમાં અત્યાર સુધીમાં 21, મધ્યપ્રદેશમાં 6, કેરળમાં 3, પંજાબમાં 1, તમિળનાડુમાં 3 અને આંધ્રપ્રદેશ, જમ્મુ-કાશ્મીર અને પંજાબમાં 1-1 દર્દીઓ મળી આવ્યા છે.
ડેલ્ટા પ્લસ ચિંતાજનક વેરિઅન્ટ
ભારત એવા દસ દેશોમાંથી એક છે જ્યાં સુધી ‘ડેલ્ટા પ્લસ’ વેરિઅન્ટ મળી આવ્યા છે. જ્યારે ‘ડેલ્ટા વેરિઅન્ટ’ 80 દેશોમાં મળી આવ્યા છે. ભારતીય સાર્સ CoV-2 જેનોમિક્સ કન્સોર્ટિયમ (INSACOG) એ અહેવાલ આપ્યો છે કે ડેલ્ટા પ્લસ વેરિઅન્ટ હાલમાં ચિંતાજનક વેરિઅન્ટ (VOC) છે. આ વેરિઅન્ટ ઝડપી પ્રસાર થાય છે, અને ફેફસાની કોશિકાઓના રીસેપ્ટરને મજબૂત રીતે ચોંટી જાય છે. તેમજ ‘મોનોક્લોનલ એન્ટિબોડી’ માં સંભવિત ઘટાડો પણ થાય છે.
કયા કયા દેશમાં મળ્યો આ વેરિઅન્ટ
ભારત સિવાય અમેરિકા, બ્રિટન, પોર્ટુગલ, સ્વિટ્ઝર્લેન્ડ, જાપાન, પોલેન્ડ, નેપાળ, ચીન અને રશિયામાં કોરોના વાયરસનો ‘ડેલ્ટા પ્લસ’ વેરિઅન્ટ જોવા મળ્યો છે. ભારત સિવાય ડેલ્ટા પ્લસ વેરિયન્ટ વધુ નવ દેશોમાં મળી આવ્યો છે. આરોગ્ય મંત્રાલયે જાહેર આરોગ્ય પ્રતિસાદ અંગેની સલાહ આપી છે કે મહારાષ્ટ્ર, મધ્યપ્રદેશ અને કેરળએ આ મુદ્દે પહેલ શરૂ કરવી જોઈએ.
આ પણ વાંચો: UN માં પાકિસ્તાનની ઈજ્જતના કાંકરા, ભારતે પૂછ્યા એવા સવાલ જે તેણે સપનામાં પણ નહીં વિચાર્યું હોય
Latest News Updates
