ઓગસ્ટથી ડિસેમ્બરની વચ્ચે ભારતમાં કોરોના વેક્સિનના 216 કરોડ ડોઝ ઉપલબ્ધ રહેશે: ડૉ. વીકે પોલ
નીતિ આયોગના (Niti Ayog)સભ્ય ડૉક્ટર વીકે પોલે (Dr VK Paul) જણાવ્યું કે ભારતમાં કોરોના વેક્સિનના (Corona Vaccine) લગભગ 18 કરોડ ડોઝ આપવામાં આવી ચૂક્યા છે. અમેરિકામાં આ સંખ્યા લગભગ 26 કરોડ છે, તેથી ભારત ત્રીજા સ્થાન પર છે.
નીતિ આયોગના (Niti Ayog)સભ્ય ડૉક્ટર વીકે પોલે (Dr VK Paul) જણાવ્યું કે ભારતમાં કોરોના વેક્સિનના (Corona Vaccine) લગભગ 18 કરોડ ડોઝ આપવામાં આવી ચૂક્યા છે. અમેરિકામાં આ સંખ્યા લગભગ 26 કરોડ છે, તેથી ભારત ત્રીજા સ્થાન પર છે.
ઘણા રાજ્યોમાં કોવિડ વેક્સિનની અછતની ફરિયાદ બાદ સીરમ ઈન્સ્ટીટ્યૂટ ઓફ ઈન્ડિયા અને ભારત બાયોટેકે આગામી 4 મહિનાની પોતાની ઉત્પાદન યોજના કેન્દ્ર સરકારને સોંપી છે. કંપનીઓએ જણાવ્યું કે ઓગસ્ટ સુધી તે 10 કરોડ અને 7.8 કરોડ ડોઝ સુધી પોતાના ઉત્પાદનને વધારશે.
ઓગસ્ટથી ડિસેમ્બરની વચ્ચે ભારતમાં કોરોના વેક્સિનના કેટલા ડોઝ ઉપલબ્ધ થશે, તે વાતની જાણકારી ડૉ. વીકે પોલે આપી છે. પોલે જણાવ્યું કે ઓગસ્ટથી ડિસેમ્બરની વચ્ચે ભારતમાં કોવિશિલ્ડના 75 કરોડ ડોઝ અને કોવેક્સિનના 55 કરોડ ડોઝ, બાયો વેક્સિનના 21 કરોડ ડોઝ, ઝાયડસ વેક્સિનના 5 કરોડ ડોઝ, નોવાવેક્સ વેક્સિનના 20 કરોડ ડોઝ, Gennova વેક્સિનના 6 કરોડ ડોઝ અને સ્પુતનિક વેક્સિનના 15 કરોડ ડોઝ ઉપલબ્ધ રહેશે. આ પ્રકારે ઓગસ્ટથી ડિસેમ્બરની વચ્ચે આપણી પાસે 8 કોરોના વેક્સિનના 216 કરોડ ડોઝ હશે.
આગામી અઠવાડિયાથી સ્પૂતનિક વેક્સિન લગાવાશે
તેમને જણાવ્યું કે સ્પુતનિક વેક્સિન આગામી અઠવાડિયાથી બજારમાં મળશે અને જુલાઈથી તેનું ભારતમાં પ્રોડક્શન શરૂ થશે. સ્પૂતનિક વેક્સિન લગાવવાની શરૂઆત આગામી અઠવાડિયાથી થશે. વીકે પોલે કહ્યું કે સ્પુતનિક વેક્સિન ભારતમાં પહોંચી ગઈ છે.
અમે અપેક્ષા રાખીએ છીએ કે આગામી અઠવાડિયાથી તે બજારમાં ઉપલબ્ધ રહેશે. અમે આશા રાખીએ છીએ કે રશિયાથી આવેલી વેક્સિનનું સીમિત માત્રામાં વેચાણ આગામી અઠવાડિયાથી શરૂ થશે. વેક્સિન તમામ લોકોને મળશે.
પીકનું કોઈ પ્રિડિક્શન નથી કરી શકતા
સાથે જ તેમને જણાવ્યું કે FDA અને WHOથી જે વેક્સિનને મંજૂરી મળી છે, તે કંપની ભારત આવે. એકથી બે દિવસમાં આયાત લાયસન્સ આપવામાં આવશે. વીકે પોલે કહ્યું કે કોરોનાની બીજી લહેર વિશે અમે લોકોને જાગરૂકત કરી દીધા છે. વાયરસ ક્યાંય ગયો નથી. વડાપ્રધાન મોદીએ દેશને માર્ચ મહિનામાં જણાવ્યું હતું કે આ લહેર સામે લડવાનું છે. પીકનું કોઈ પ્રિડિક્શન કરી શકાતું નથી. પીક આવશે તો બધાને ખબર છે કે તૈયારી કરીને રાખવાની છે.
આ પણ વાંચો: Coronavirus : કોરોનાથી કિડની પર શું થઈ શકે છે અસર ? શું રાખશો ધ્યાન ?