શેરડીના ખેતરમાંથી વેરાયેલી મળી 2000 અને 500ની નોટો, ચલણીનોટ લૂટવા સ્થાનિકોએ મચાવી દોડધામ

શેરડીના ખેતરમાંથી 2000 અને 500 ની નોટો મળી રહી છે, તેવુ જાણતા જ સ્વાભાવિક જ છે કે લોકો શેરડીના ખેતર તરફ દોટ મુકી દે. આવી વાત બની છે ઉત્તર પ્રદેશના કુશીનગરમાં, અહી એક શેરડીના ખેતરમાંથી ચલણી નોટો વિખરાયેલી હાલતમાં મળવા લાગતા અફરાતફરી મચી ગઇ હતી. કુશીનગરના હાટા ક્ષેત્રના મહંમદા સિકટીયા ગામ નજીક આવેલા એક શેરડીના […]

શેરડીના ખેતરમાંથી વેરાયેલી મળી 2000 અને 500ની નોટો, ચલણીનોટ લૂટવા સ્થાનિકોએ મચાવી દોડધામ
Follow Us:
Avnish Goswami
| Edited By: | Updated on: Nov 19, 2020 | 4:29 PM

શેરડીના ખેતરમાંથી 2000 અને 500 ની નોટો મળી રહી છે, તેવુ જાણતા જ સ્વાભાવિક જ છે કે લોકો શેરડીના ખેતર તરફ દોટ મુકી દે. આવી વાત બની છે ઉત્તર પ્રદેશના કુશીનગરમાં, અહી એક શેરડીના ખેતરમાંથી ચલણી નોટો વિખરાયેલી હાલતમાં મળવા લાગતા અફરાતફરી મચી ગઇ હતી. કુશીનગરના હાટા ક્ષેત્રના મહંમદા સિકટીયા ગામ નજીક આવેલા એક શેરડીના ખેતરની વાત છે.

 2000 અને 500 ની નોટ મળવાની વાતને લઇને કુશીનગરમાં સ્થાનિક ચર્ચાઓ ગરમ છે. શેરડીના પાકને લણવા માટે પહોંચેલા શ્રમીકોને શરુઆતમાં પહેલીવાર વિખરાયેલી હાલતમાં નોટો મળવા લાગી હતી, બાદમાં આ વાત નજીકમાં ગામમાં પણ પ્રસરવા લાગી ગઇ હતી. બસ ગામના લોકોે તો આ વાત સાંભળતા જ ખેતર તરફ દોટ મુકીને લોકો પહોંચવા લાગ્યા હતા અને નોટને લુંટવા માંડ્યા હતા.

એક મહિના સુધી ભીંડાનું પાણી પીવાથી થશે આ ફાયદા
આજનું રાશિફળ તારીખ 28-03-2024
IVF ટેકનીક દ્વારા કઈ ઉંમર સુધી માતા-પિતા બની શકાય ?
આ 5 બ્રાન્ડની બીયર ખૂબ પીવે છે ભારતીયો
હિના ખાનની સાદગી જોઈને ફેન્સ થયા દિવાના, જુઓ ફોટો
IPL 2024: રોહિત શર્માએ 'ડબલ સેન્ચુરી' ફટકારીને રચ્યો ઈતિહાસ

ચલણી નોટો મળી રહી હોવાને લઇને કોઇકે પોલીસને પણ જાણકારી આપી હતી. જેને લઇને સ્થાનિક પોલીસ મથકની ટીમ પણ શેરડીના ખેતર પહોંચીને વાતની ખરાઇ કરવા માંડી હતી. પોલીસે ખેતરમાં વિખરાયેલી પડેલી નોટોને કબજે કરવા માંડી હતી. આ ઉપરાંત સ્થાનિક જે લોકો ખેતરમાં ચલણી નોટો એકઠી કરી રહેલા પોલીસને નજરે પડ્યા હતા તેમની પાસે થી પણ નોટો ને મેળવી લીધી હતી. પોલીસે લગભગ એક લાખ પંદર હજાર રુપિયાની ચલણી નોટ એકઠી કરીને કબજે કરી હતી. પોલીસે ઘટનાને લઇને હવે તપાસ પણ હાથ ધરી છે કે અહી આ નોટો કેવી રીતે વિખેરાઇ હતી.

હાટા ક્ષેત્રના મહંમદા સિકટીયા ગામના સિતારામના ખેતરમાં શેરડીના પાકને લણવા માટે મજુરોની ટોળકી આવી હતી. જેમાં તેમને સૌ પ્રથમ તો એક ફાટેલા કપડામાં કંઇક બાંધેલુ જોવા મળ્યુ હતુ. શ્રમીકોએ તેને ઉત્સુકતાવશ ખોલતા તેમાંથી ચલણી નોટો હાથ લાગી હતી. ત્યાર પછી તો અહી જાણે કે રિતસરની લુંટ મચવા લાગી હતી. વાત પ્રસરતા અન્ય લોકોએ પણ આવીને ખેતરમાં નોટોને મેળવવાની લુંટવાનો પ્રયાસ કર્યો હતો. હાટા પોલિસ મથકના ઇન્સપેક્ટર પ્રકાશ પાઠકે ગ્રામીણ લોકો પાસે થી નોટને કબજે કરી હતી, સાથે જ તેમણે કહ્યુ હતુ કે નોટની એ પણ તપાસ કરવામાં આવશે કે તે હકિકતમાં નકલી છે કે અસલી ચલણી નોટો છે.

સ્થાનિક લોકોની વાત મુજબ કેટલાક દિવસ પહેલા ગામ નજીકના ચોરાયા પર કરીયાણાની દુકાનમાંથી પાંચ લાખ રુપિયાની ચોરી થઇ હતી. ચોરોએ ચોરીની ઘટનાને અંજામ આપ્યા બાદ શેરડીના ખેતરમાં રુપીયા છુપાવી દીધા હોઇ શકે છે. આ રકમ કદાચ તે જ રકમ તે હોઇ શકે છે. જોકે પોલીસે હવે તે ચોરીની રકમના આંક અને નોટો મળવાની ઘટનાની રકમના આંકને મિલાવવા પણ પ્રયાસ કરી રહી છે. જેથી તે દિશામાં પણ જાણકારી મેળવી શકાય. જોકે હાટા પોલીસ મથકના ઇન્સપેકટર જયપ્રકાશ પાઠકનુ કહેવુ છે કે નોટોની ઓળખ કરવાની દિશા ઉપરાંત અનેક પ્રકારની શંકાઓને પણ ધ્યાને રાખીને તપાસ હાથ ધરી છે. ખેતરમાં આવડી મોટી રકમ કેવી રીતે આવી પહોચી તે સવાલનો સવાલ નો જવાબ મેળવવા માટે પ્રયાસ કરાઇ રહ્યો છે.

Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો

તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

Latest News Updates

g clip-path="url(#clip0_868_265)">