કેન્દ્રીય મંત્રી નારાયણ રાણેને સુપ્રીમ કોર્ટ તરફથી મોટો ઝટકો, ગેરકાયદેસર બાંધકામ તુટશે
કોર્ટે કહ્યું હતું કે જો કોર્ટ તેને મંજૂરી આપશે તો મોટાપાયે ગેરકાયદેસર બાંધકામો શરૂ થઈ જશે. મુંબઈ હાઈકોર્ટે રાણે પર 10 લાખ રૂપિયાનો દંડ પણ લગાવ્યો હતો અને તેને આગામી એક સપ્તાહમાં જમા કરવાનો આદેશ આપ્યો હતો.
કેન્દ્રીય મંત્રી નારાયણ રાણેને (Narayan Rane) સુપ્રીમ કોર્ટ (Supreme Court) તરફથી મોટો ઝટકો મળ્યો છે. સુપ્રીમ કોર્ટે બોમ્બે હાઈકોર્ટના નિર્ણય પર સ્ટે આપવાનો પણ ઈન્કાર કરી દીધો છે. સુપ્રીમ કોર્ટે 3 મહિનામાં ગેરકાયદેસર બાંધકામ તોડી પાડવાનો આદેશ આપ્યો છે. હાઈકોર્ટે તેમના જુહુના બંગલા પર બે અઠવાડિયામાં ગેરકાયદેસર બાંધકામ તોડી પાડવાનો આદેશ આપ્યો હતો. આ જ આદેશમાં સુપ્રીમ કોર્ટે સમયગાળો વધારીને 3 મહિના કરી દીધો છે.
હાઈકોર્ટે BMCને આદેશ આપ્યો હતો
કોર્ટે BMCને ગેરકાયદેસર બાંધકામ તોડી પાડવાનો આદેશ આપતાં કહ્યું હતું કે બંગલાના અમુક ભાગનું બાંધકામ કોસ્ટલ રેગ્યુલેશન ઝોન અને ફ્લોર સ્પેસ ઈન્ડેક્સનું ઉલ્લંઘન કરે છે. હાઈકોર્ટે કહ્યું હતું કે BMC રાણે પરિવારની કંપનીની અરજી સ્વીકારી શકે નહીં. રાણે પરિવારે અરજીમાં માંગણી કરી હતી કે તેમણે અનધિકૃત બાંધકામને મંજૂરી આપવી જોઈએ. જોકે, કોર્ટે અરજી ફગાવી દીધી હતી અને કેસમાં ચુકાદો આપ્યો હતો.
SC dismisses Union Min Narayan Rane’s plea, seeking a stay on the Bombay HC order of demolition of alleged unauthorised structures in ‘Aadish Bungalow’; granted him 3-month time to bring it in compliance with applicable laws, failing which HC judgement directed to be implemented. pic.twitter.com/Ysrd5h7nuL
— ANI (@ANI) September 26, 2022
કોર્ટે કહ્યું- મંજૂર થશે તો વધુ ગેરકાયદેસર બાંધકામ થશે
કોર્ટે કહ્યું હતું કે જો કોર્ટ તેને મંજૂરી આપશે તો મોટાપાયે ગેરકાયદેસર બાંધકામો શરૂ થઈ જશે. મુંબઈ હાઈકોર્ટે રાણે પર 10 લાખ રૂપિયાનો દંડ પણ લગાવ્યો હતો અને તેને આગામી એક સપ્તાહમાં જમા કરવાનો આદેશ આપ્યો હતો.
ગેરકાયદેસર કાયદેસર કરવામાં નિષ્ફળ
આ વર્ષે જૂનમાં BMCએ નારાયણ રાણે વતી પહેલી અરજી BMCને ગેરકાયદેસર બાંધકામની પરવાનગી આપવા માટે કરી હતી, જેને ફગાવી દીધી હતી. આ પછી, તેમની કંપનીએ જુલાઈમાં બીજી અરજી કરી, પરંતુ તે પણ નકારી કાઢવામાં આવી. આના પર નારાયણ રાણેની કંપની હાઈકોર્ટમાં ગઈ હતી, પરંતુ ત્યાં પણ તેને ઝટકો લાગ્યો હતો. આખરે ગેરકાયદેસર બાંધકામને કાયદેસર કરાવવા માટે તેઓ સુપ્રીમ કોર્ટ પહોંચ્યા હતા. જ્યાંથી તેમને મોટો ફટકો પડ્યો.