મુંબઈ: બજેટ રજૂ કરતી વખતે ભૂલમાં પી લીધુ Sanitizer, આસપાસ બેઠેલા લોકો પણ ચોંકી ગયા
દેશની સૌથી અમીર બૃહદ મુંબઈ મહાનગરપાલિકા એટલે કે BMCએ પોતાનું શિક્ષણ બજેટ રજૂ કર્યુ.
દેશની સૌથી અમીર બૃહદ મુંબઈ મહાનગરપાલિકા એટલે કે BMCએ પોતાનું શિક્ષણ બજેટ રજૂ કર્યુ. આ દરમિયાન ડેપ્યુટી મ્યુનિસિપલ કમિશનર રમેશ પવાર એક મોટી ભૂલ કરી બેઠા, બજેટ વાંચતા સમયે તેમણે સેનિટાઈઝરને પાણી સમજીને પી લીધું. જો કે સેનિટાઈઝર પીતા જ તરત તેમને ખ્યાલ આવી ગયો અને તેઓ સેનિટાઈઝર પીવાથી અટકી ગયા હતા અને પાણીની બોટલથી તરત જ તેમનું મોં સાફ કરી લીધું. જે સમયે રમેશ પવારે ભૂલથી સેનિટાઈઝર પી લીધું તે સમયે તેમની આસપાસ બેઠેલા લોકો પણ ચોંકી ગયા હતા.
ઉલ્લેખનીય છે કે મહારાષ્ટ્રના યવતમાલમાં ગઈકાલે જ આ પ્રકારની ઘટના સામે આવી હતી. અહીં પોલિયોની રસી પીવડાવવાને બદલે આંગણવાડી સેવિકાઓએ 12 બાળકોને સેનિટાઈઝરના ડ્રોપ પીવડાવી દીધા હતા. આ ઘટના બાદ તુરંત જ બાળકોને હોસ્પિટલમાં દાખલ કરાવાયા હતા. સદનસીબે તમામ બાળકો હાલ સ્વસ્થ છે અને હવે આ ઘટનાના એક દિવસ બાદ જ મુંબઈમાં અધિકારી દ્વારા પાણીના બદલે ભૂલથી સેનિટાઈઝર પી લેવાની ઘટના બની છે.
આ પણ વાંચો: Kishor Biyaniને મોટો આંચકો, SEBIએ એક વર્ષ માટે પ્રતિબંધ મૂક્યો
