Maharashtra : હવે ડ્રાઈવિંગ લાઈસન્સ રીન્યુઅલ સહીત 6 બીજી સેવાઓ માટે નહી ખાવા પડે RTO ના ધક્કા, પરીવહનમંત્રી અનિલ પરબે કરી જાહેરાત

મહારાષ્ટ્રમાં પરિવહન વિભાગ (Maharashtra Transport Department ) દ્વારા પૂરી પાડવામાં આવતી 115 સેવાઓમાંથી 80 સેવાઓ ઓનલાઈન પૂરી પાડવામાં આવી રહી છે. તમારે હવે ડ્રાઇવિંગ લાયસન્સ, સેકન્ડરી ડ્રાઇવિંગ લાયસન્સ, ડ્રાઇવિંગ લાયસન્સમાં એડ્રેસમાં ફેરફાર, સેકન્ડરી વ્હીકલ રજિસ્ટ્રેશન સર્ટિફિકેટમાં ફેરફાર, વાહન રજિસ્ટ્રેશન સર્ટિફિકેટના એડ્રેસમાં ફેરફાર અને નો ઓબ્જેક્શન માટે ટ્રાન્સપોર્ટ ઓથોરિટી (RTO) ઑફિસે જવાની જરૂર રહેશે નહીં. વાહન વ્યવહાર મંત્રી અનિલ પરબે જણાવ્યું હતું કે હવે આ છ સેવાઓ ઓનલાઈન શરૂ કરવામાં આવી છે.

આધારકાર્ડ દ્વારા થઈ શક્શે ફેરફાર

મુંબઈ આરટીઓ હેડ ઓફીસ ખાતે આ છ સેવાઓનું ઉદ્ઘાટન મંત્રી અનિલ પરબના હસ્તે કરવામાં આવ્યું હતું. મંત્રી પરબે જણાવ્યું હતું કે વિભાગ દ્વારા 115 લાયસન્સ, રજીસ્ટ્રેશન સર્ટીફીકેટ, લાયસન્સ સંબંધિત સેવાઓ આપવામાં આવી રહી છે, કેન્દ્ર સરકારની સૂચના મુજબ 80 સેવાઓ ઓનલાઈન છે અને આજે છ સેવાઓ ઓનલાઈન શરૂ કરવામાં આવી છે. તેનાથી 2 લાખ લોકોને ફાયદો થશે. તેમણે એમ પણ કહ્યું કે નાગરિકોને પારદર્શક સેવાઓ આપવા માટે આ સેવાઓને આધાર કાર્ડ સાથે લિંક કરવામાં આવી છે.

અરજદાર ઑનલાઇન અરજી કરી શકે છે, ચૂકવણી કરી શકે છે અને દસ્તાવેજો અપલોડ કરી શકે છે. આ સેવાઓનો લાભ લેવા માટે આધાર નંબરનો ઉપયોગ કરવામાં આવશે. આધાર કાર્ડ સાથે જોડાયેલા મોબાઈલ પર OTP મોકલવામાં આવશે, ત્યારબાદ જો તે ટ્રાન્સપોર્ટની વેબસાઈટમાં નોંધાયેલ હશે, તો અરજદારની માહિતીની ચકાસણી કર્યા પછી જ આગળ અરજી કરી શકાશે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

વાર્ષિક લાખો અરજીઓની ઓનલાઈન કામગીરી

ઉપરાંત, નવું લાઇસન્સ / નોંધણી પ્રમાણપત્ર અરજદારને પોસ્ટ દ્વારા મોકલવામાં આવશે. રાજ્યમાં દર વર્ષે રજીસ્ટ્રેશન સર્ટીફીકેટ માટે એક લાખ અરજીઓ આવે છે. નો ઓબ્જેક્શન સર્ટીફીકેટ માટે વાર્ષિક 30,000 અરજીઓ, નોંધણી પ્રમાણપત્ર પર સરનામું બદલવા માટે 20,000 અરજીઓ, લાયસન્સ પ્રમાણપત્ર માટે બે લાખ અરજીઓ, લાયસન્સ પર સરનામું બદલવા માટે બે લાખથી વધુ અરજીઓ પ્રાપ્ત થાય છે. લાયસન્સ રિન્યુઅલ માટે 14 લાખ અરજીઓ મળી છે. હવે આ તમામ પ્રક્રિયા ઓનલાઈન પૂર્ણ થશે.