હવે પવારનો પાવર કાઢવાની તૈયારીમાં ભાજપ, સુપ્રિયા સુલે માટે તૈયાર છે ‘મિશન બારામતી’
Power of Pawar : પવાર પરિવાર માટે બારામતી (Baramati) બેઠક એકદમ સુરક્ષિત માનવામાં આવે છે. આવી સ્થિતિમાં ભાજપે શરૂ કરેલી તૈયારીઓ શરદ પવારનું ટેન્શન વધારનારી છે. નિર્મલા સીતારમણ 16 થી 18 ઓગસ્ટ દરમિયાન બારામતીની મુલાકાતે જવાના છે.
શિવસેનાના (Shiv Sena) બળવાખોર નેતા એકનાથ શિંદે (Eknanth Shinde) સાથે મળીને મહારાષ્ટ્રમાં સરકાર બનાવનાર ભાજપે ઉદ્ધવ ઠાકરે બાદ હવે શરદ પવારને (Sharad Pawar) ઘેરવાની તૈયારી કરી લીધી છે. તેની શરૂઆત તેમની પુત્રી સુપ્રિયા સુલેની (Supriya Sule) લોકસભા મતવિસ્તારથી થઈ રહી છે. ભાજપે 2024ની લોકસભા ચૂંટણી માટે અત્યારથી જ તૈયારીઓ શરૂ કરી દીધી છે અને મહારાષ્ટ્રની એવી 16 બેઠકો પસંદ કરી છે, જેના પર વિપક્ષનો દબદબો કહી શકાય. આમાંથી એક બેઠક છે બારામતીની છે, જ્યાંથી સુપ્રિયા સુલે સાંસદ છે. બારામતી શરદ પવારનો ગઢ ગણાય છે. આ ગઢમાં જ એનસીપીને ઘેરવા માટે ભાજપે ‘મિશન બારામતી’ તૈયાર કર્યું છે. આ માટે બારામતીમાં ભાજપ માટે સ્થિતિ મજબૂત કરવાની જવાબદારી નિર્મલા સીતારમણને આપવામાં આવી છે.
પુણે જિલ્લાની બારામતી બેઠક પવાર પરિવાર માટે સુરક્ષિત માનવામાં આવે છે. આવી સ્થિતિમાં ભાજપની તૈયારીઓ શરદ પવારનું ટેન્શન વધારનારી છે. નિર્મલા સીતારમણ 16 થી 18 ઓગસ્ટ દરમિયાન બારામતીની મુલાકાતે જવાના છે. આ દરમિયાન તે ભાજપના કાર્યકર્તાઓને મળશે અને પાર્ટીની તૈયારીઓનો હિસાબ લેશે. 1999માં NCPની રચના થઈ ત્યારથી શરદ પવારનો પરિવાર આ બેઠક પરથી જીતતો આવ્યો છે. શરદ પવાર પોતે પણ અહીંથી સાંસદ રહી ચૂક્યા છે. આવી સ્થિતિમાં ભાજપની યોજના તેમને કેટલી હદે પીડા આપી શકે છે તે સ્પષ્ટ છે. તમને જણાવી દઈએ કે ભાજપે મહારાષ્ટ્રમાં એવી 16 બેઠકો પસંદ કરી છે, જ્યાં વિપક્ષ જીતી રહ્યો છે. આ બેઠકો પર પોતાનું સંગઠન મજબૂત કરીને ભાજપ 2024માં વિપક્ષને ચોંકાવી દેવા માંગે છે.
ભાજપે બનાવ્યો મોટો પ્લાન, કેન્દ્રીય મંત્રીઓને જવાબદારી
ભાજપ દ્વારા દેશભરમાં કુલ 144 બેઠકો પસંદ કરવામાં આવી છે, જેમાંથી 16 મહારાષ્ટ્રની છે. એક તરફ નાણામંત્રી નિર્મલા સીતારમણ બારામતી જશે, જ્યારે કેન્દ્રીય મંત્રી રેણુકા સિંહને શિરુર લોકસભાની કમાન સોંપવામાં આવી છે. અહીંથી પણ એનસીપીના અમોલ કોલ્હે સાંસદ છે. પુણે જિલ્લામાં લોકસભાની 4 બેઠકો છે, જેમાંથી માત્ર એક પર ભાજપનો કબજો છે, જે શહેરી વિસ્તારની છે. આ સિવાય NCP પાસે બારામતી અને શિરુર લોકસભા સીટ છે. બીજી તરફ 2019માં મવાલ સીટ પરથી શિવસેનાએ જીત મેળવી હતી. શિવસેનાના શ્રીરંગ બાર્ને અહીંથી સાંસદ છે. ભાજપ માટે ફાયદો એ છે કે શ્રીરંગ હવે એકનાથ શિંદેની છાવણીમાં છે.
શું આ વખતે ભાજપ પવારને નબળો પાડશે ?
બારામતી તેના ‘બ્રાન્ડ પવાર’ માટે જાણીતું છે અને તમામ પ્રયાસો છતાં ભાજપ પ્રવેશ કરી શકી નથી. પરંતુ મહારાષ્ટ્રમાં ઉદ્ધવ સરકારની વિદાય અને વિપક્ષી છાવણીની એકતા નબળી પડવાથી ભાજપ ઉત્સાહિત છે. શરદ પવારના ભત્રીજા અજિત પવાર બારામતીની સદર વિધાનસભા બેઠક પરથી જીતી રહ્યા છે. તમને જણાવી દઈએ કે 2019માં સુપ્રિયા સુલે અહીંથી ભાજપના ઉમેદવાર સામે 1.5 લાખ મતોથી જીત્યા હતા.
Latest News Updates
