મુંબઈવાસીઓ માટે ખુશખબર, માત્ર 19 રૂપિયામાં 10 વાર કરો BEST બસમાં મુસાફરી
મુંબઈવાસીઓ (Mumbai) માટે સારા સમાચાર એ છે કે તેમને હવે 19 રૂપિયાની ટિકિટ સાથે બેસ્ટ બસોમાં 10 વખત મુસાફરી કરવાનો મોકો મળ્યો છે. પરંતુ રાહ જુઓ, દરેક ઓફર સાથે શરત લાગુ પડે છે. આ વાતની જાણકારી મુંબઈમાં બસ સેવાને નિયંત્રિત કરતા બેસ્ટ વહીવટીતંત્ર આપી છે.
નવરાત્રી અને દશેરા જેવા તહેવારો પર મુંબઈવાસીઓ (Mumbai) માટે સારા સમાચાર છે. મુંબઈમાં બેસ્ટ બસ સેવાએ (Best Bus) મોટી ઓફર આપી છે. આ ઓફર હેઠળ તમે માત્ર 19 રૂપિયાની ટિકિટમાં બસમાં 10 વખત મુસાફરી કરી શકો છો. એક વાર ઓગણીસ રૂપિયાની ટિકિટ લઈ લો અને બસમાં દસ વાર ફરીને આવો. આ વાતની જાણકારી મુંબઈમાં બસ સેવાને નિયંત્રિત કરતા બેસ્ટ વહીવટીતંત્રએ આપી છે. નવરાત્રીનો ઉત્સાહ શરૂ થયો છે, દશેરા આવવાના છે. આવી પરિસ્થિતિમાં બેસ્ટે આ સુવિધા આપીને તહેવારની મજા વધારી દીધી છે. પરંતુ આ ઓફર લાંબા સમય સુધી ચાલશે નહીં.
આ ઓફર 26મી સપ્ટેમ્બર એટલે કે આવતીકાલથી શરૂ થશે અને 5મી ઓક્ટોબર સુધી ચાલશે. એટલે કે, જો તમે આ 9 દિવસમાં એકવાર 19 રૂપિયાની ટિકિટ લો છો, તો તમે તેનો ઉપયોગ કોઈપણ દિવસે કુલ 10 વખત મુસાફરી કરવા માટે કરી શકશો. નવ દિવસ પછી તમારે ફરીથી જૂના નિયમો પર પાછા ફરવું પડશે. ઓફર ગમે તે હોય, શરતો લાગુ થાય છે, તમે પહેલાથી જ જાણો છો.
26 સપ્ટેમ્બરથી 5 ઓક્ટોબર સુધી, 9 દિવસની ઓફર
ઓફર 26 સપ્ટેમ્બરથી 5 ઓક્ટોબર સુધી વેલિડ છે. ચાલો ઓફરનો ઉપયોગ કરવા માટે એપ ડાઉનલોડ કરીએ. તે પછી ફક્ત બસ પાસ ઓપ્શન પસંદ કરો. બસ પાસ ઓપ્શન પસંદ કર્યા પછી તમારે દશેરા ઓફરનો ઓપ્શન પસંદ કરવો પડશે. તેમાં તમારે તમારી ડિટેલ્સ ભરવાની રહેશે. આ પછી ડેબિટ કાર્ડ, યુપીએ, ક્રેડિટ કાર્ડ, નેટ બેન્કિંગ દ્વારા પૈસા જમા કરો અને 19 રૂપિયાની ટિકિટ લો. સિમ્પલ છે. છતાં પણ જો ન સમજાય તો તમારી સાથે કોઈની મદદ લો અને આ ઓગણીસ રૂપિયાની ટિકિટ પર આગામી 9 દિવસ મુંબઈમાં 10 વખત જ્યાં ઈચ્છો ત્યાં ફરો.
Fest on, Covid gone, Guys, ઘરની બહાર નીકળો અને ‘ચલો એપ’ થી ચલો
થોડા મહિના પહેલા બેસ્ટ એ ‘ચલો એપ’ લોન્ચ કરી હતી. આ એપ પરથી બસની ટિકિટ બુક કરી શકાય છે. આ સિવાય સ્માર્ટ કાર્ડનો ઓપ્શન પણ છે. સ્માર્ટ કાર્ડ અને એપની મદદથી બસ પાસ જનરેટ અને અપડેટ કરવાનું સરળ છે. હવે પાસ માટે લાઈનમાં ઉભા રહેવાની કોઈ ઝંઝટ પણ નથી. આ ‘ચલો એપ’ દ્વારા તમે બસનું લાઈવ લોકેશન અને બસમાં કેટલી ભીડ છે તે પણ જાણી શકશો. આ મોબાઈલ એપમાં ઓનલાઈન રિચાર્જ કરી શકાય છે. તેનો ઉપયોગ કોઈપણ બસમાં થઈ શકે છે. 10 રૂપિયાથી લઈને 3 હજાર રૂપિયા સુધીના રિચાર્જની સુવિધા છે. કાર્ડમાં બાકી રહેલી રકમની કોઈ સમાપ્તિ તારીખ નથી. તેને કાર્ડમાં સુરક્ષિત રાખવામાં આવે છે.
મુંબઈમાં માત્ર ઈલેક્ટ્રિક બસો જ દોડશે, આવતા મહિનાથી ઈલેક્ટ્રિક ડબલ ડેકર
તમને જણાવી દઈએ કે ટૂંક સમયમાં જ મુંબઈમાં માત્ર ઈલેક્ટ્રિક બસો દોડશે. આવતા મહિને ડબલ ડેકર ઈલેક્ટ્રિક બસોની સેવા શરૂ થઈ રહી છે. થોડા મહિના પહેલા જ કેટલાક રૂટ પર ઈલેક્ટ્રિક બસો દોડવાનું શરૂ થઈ ગઈ છે.
Latest News Updates
