Maharashtra: શું મુંબઈ ફરી ડુબશે ? આ વખતે જોખમી હશે વરસાદના 22 દિવસ, હાઈ ટાઈડ પર BMCની કેટલી તૈયારી?
મુંબઈમાં (Mumbai) આવા 386 ઠેકાણાઓ છે જે જોખમથી ભરેલા છે. આને ફ્લડિંગ પોઈન્ટ (flooding points) કહેવામાં આવે છે. તેમાંથી 28 માત્ર પશ્ચિમ વિસ્તારમાં હાજર છે. માત્ર માટુંગા, વડાલા, સાયનમાં 25 ફ્લડિંગ પોઈન્ટ છે.
અંદમાનમાં ચોમાસું આવી ગયું છે. હવે માત્ર થોડા જ દિવસોમાં ચોમાસું દેશમાં છવાય જશે. નિષ્ણાંતોનું કહેવું છે કે મહારાષ્ટ્રની રાજધાની મુંબઈમાં આ વખતે છેલ્લા કેટલાક વર્ષો કરતા વધુ વરસાદ (Monsoon Rain) પડશે. આ વખતે 22 દિવસ હાઈ ટાઈડ્સના રહેશે. ગયા વર્ષે 18 દિવસ હાઈ ટાઈડ્સના હતા. સવાલ એ છે કે શું મુંબઈ ફરી તુમ્બઈ (Mumbai Flood) બની જશે? શું 26મી જુલાઈની વાર્તા ફરી એક વાર રિપીટ થશે? શું આ વખતે પણ શહેરમાં પાણી ભરાશે? શું રસ્તાના મેનહોલના ઢાંકણ ખુલા રહી જવાને કારણે ફરી એકવાર કેટલાક લોકો ડૂબી જવાથી મૃત્યુ પામશે? શું આ વખતે આ પ્રશ્નોનો ઉકેલ આવશે કે દેશ અને દુનિયામાં ફરી એકવાર વરસાદની તૈયારી ન કરી શકવાથી મુંબઈ બદનામ થશે? આ સવાલો ભાજપના ધારાસભ્ય નિતેશ રાણેએ સીએમ ઉદ્ધવ ઠાકરેને લખેલા પત્રમાં પૂછ્યા છે અને વરસાદ પહેલા મુંબઈ મ્યુનિસિપલ કોર્પોરેશન (BMC)ની તૈયારીઓને સુધારવાની અપીલ કરી છે.
મુંબઈમાં આવા 386 ઠેકાણાઓ છે જે જોખમથી ભરેલા છે. જેને ફ્લડિંગ પોઈન્ટ કહેવામાં આવે છે. તેમાંથી 28 પોઈન્ટ માત્ર પશ્ચિમ વિસ્તારમાં હાજર છે. માત્ર માટુંગા, વડાલા, સાયનમાં જ 25 ફ્લડિંગ પોઈન્ટ છે. આ વિસ્તારો એકબીજાની નજીક છે. નિતેશ રાણેએ પોતાના પત્રમાં લખ્યું છે કે આ વખતે 22 દિવસ હાઈ ટાઈડ્સના કહેવામાં આવી રહ્યા છે. આવી સ્થિતિમાં જો મુંબઈમાં 250 મીમીથી વધુ વરસાદ પડે તો ફરી એકવાર 26 જુલાઈના ઈતિહાસનું પુનરાવર્તન થવાની સંભાવના છે.
ફ્લડિંગ પોઈન્ટ પર પંપ લગાવવા સિવાય તમે નવું બીજું શું કર્યું?
નિતેશ રાણેએ તેમના પત્રમાં ઉલ્લેખ કર્યો છે કે જે પૂરના સ્થળોએથી વરસાદનું પાણી થોડા સમયમાં ભરાઈ જાય છે, તે પાણી તરત જ જમીનની નીચે જાય અથવા બહાર આવી જાય, આ માટે કોઈ નવી વ્યવસ્થા કરવામાં આવી છે અથવા તો આ સ્થળો પર શું પુરતુ પમ્પિંગ કરવામાં આવ્યું છે? માત્ર પંપ લગાવવાથી પાણી ભરવાની સમસ્યા દૂર થવાની નથી. પાણીના નિકાલ માટે વધુ પગલાં લેવા પડશે.
નાળાની સફાઈનું 50% કામ પૂરું થવાનો દાવો
ફરી એકવાર વિપક્ષે ઠાકરે સરકાર અને મુંબઈ મ્યુનિસિપલ કોર્પોરેશન પર વરસાદ શરૂ થતા પહેલા નાળાઓની સફાઈને લઈને સવાલો ઉઠાવવાનું શરૂ કર્યું છે. પરંતુ સરકાર દ્વારા એવો દાવો કરવામાં આવી રહ્યો છે કે નાળાઓની સફાઈનું 50 ટકા કામ પૂર્ણ થઈ ગયું છે.
4 જૂન અને 3 જુલાઈના રોજ સૌથી વધુ વરસાદ થવાની સંભાવના
નિષ્ણાતોના મતે જૂન-જુલાઈમાં છ દિવસ અને ઓગસ્ટ-સપ્ટેમ્બરમાં 5-5 દિવસ હાઈ ટાઈડ અને મૂશળધાર વરસાદની શક્યતાઓ છે. 4 જૂન અને 3 જુલાઈના રોજ સૌથી વધુ વરસાદ થવાની સંભાવના છે. આવી સ્થિતિમાં, ડ્રેનેજ સિસ્ટમ સુધારવા, રસ્તાઓનું સમારકામ, જે વૃક્ષો પડવાની સંભાવના છે તેમની ઓળખ અને કાપણીના કામ માટે BMCના વિવિધ વોર્ડના અધિકારીઓની બેઠકો શરૂ કરવામાં આવી રહી છે. મુંબઈમાં ચોમાસું શરૂ થાય તે પહેલાં આ તમામ કામો પૂર્ણ કરવાના આદેશ આપવામાં આવ્યા છે.
આવી વસાહતોમાં વરસાદમાં ખડકો લપસી જવાથી અકસ્માતો થાય છે ત્યાં શું તૈયારી છે?
મુંબઈમાં એવી 72 જગ્યાઓ છે જ્યાં ભૂસ્ખલન થવાની સંભાવના છે. તેમાંથી 45ને જોખમી સ્થળો તરીકે ઓળખવામાં આવ્યા છે. BMC આવા સ્થળોની વસાહતોમાં રહેતા લોકોને નોટિસ આપીને તેમને જલ્દી સુરક્ષિત સ્થળોએ જવાનો આદેશ આપવા જઈ રહી છે.
Latest News Updates
