મુંબઈ હાઇકોર્ટે રદ કર્યું મહિલા સાંસદ નવનીત રાણાનું જાતિ પ્રમાણપત્ર, જાણો વિગતે
મુંબઈથી મોટા સમાચાર આવ્યા છે. જેમાં મહારાષ્ટ્રના અમરાવતીના અપક્ષ મહિલા સાંસદ નવનીત રાણા(Navneet Rana) ને બોમ્બે હાઈકોર્ટે આંચકો આપ્યો છે. કોર્ટે નવનીત રાણાના જાતિ(Cast) નું પ્રમાણપત્ર નામંજૂર કર્યું છે. મહિલા સાંસદ નવનીત રાણા(Navneet Rana) પર બનાવટી દસ્તાવેજોના આધારે જાતિ સર્ટિફિકેટ બનાવવાનો આરોપ હતો.
મુંબઈથી મોટા સમાચાર આવ્યા છે. જેમાં મહારાષ્ટ્રના અમરાવતીના અપક્ષ મહિલા સાંસદ નવનીત રાણા(Navneet Rana) ને બોમ્બે હાઈકોર્ટે આંચકો આપ્યો છે. કોર્ટે નવનીત રાણાના જાતિ(Cast) નું પ્રમાણપત્ર નામંજૂર કર્યું છે. મહિલા સાંસદ નવનીત રાણા(Navneet Rana) પર બનાવટી દસ્તાવેજોના આધારે જાતિ સર્ટિફિકેટ બનાવવાનો આરોપ હતો.
મહત્વની વાત એ છે કે નવનીત રાણાના જાતિ(Cast) પ્રમાણપત્ર અંગે બોમ્બે હાઈકોર્ટના નાગપુર બેંચમાં અરજી કરવામાં આવી હતી. અરજીમાં આરોપ મૂકવામાં આવ્યો છે કે નવનીત રાણા એક પંજાબી છે લબાના જાતિના છે. જે મહારાષ્ટ્રમાં એસસી કેટેગરી હેઠળ આવતા નથી. તેથી તેમણે જાતિ પ્રમાણપત્ર ખોટી રીતે બનાવ્યું છે. નવનીત રાણા પર નકલી સ્કૂલના દસ્તાવેજો બતાવીને પ્રમાણપત્ર બનાવવાનો આરોપ છે. અરજદારોએ નવનીત રાણા સામે કોર્ટમાંથી કાર્યવાહી કરવાની પણ માંગ કરી છે.
મહિલા સાંસદ નવનીત રાણાએ શિવસેના પર આરોપ લગાવ્યો હતો
ઉલ્લેખનીય છે મહિલા સાંસદ નવનીત રાણા(Navneet Rana) સતત હેડલાઇન્સમાં રહે છે. મુંબઈના એન્ટિલિયા કેસમાં તેમણે શિવસેના પર નિશાન સાધ્યું હતું. આ પછી આરોપ મૂકવામાં આવ્યો હતો કે તેમને શિવસેનાના નેતાઓ તરફથી એસિડ એટેકની ધમકીઓ મળી રહી છે. નવનીત રાણાએ સંસદમાં આ મુદ્દો ઉઠાવ્યો હતો. જ્યાં લોકસભા અધ્યક્ષ ગૃહ પ્રધાન અને વડા પ્રધાન પણ ઉપસ્થિત રહ્યા હતા.
મહારાષ્ટ્રમાં 100 કરોડ રૂપિયાની વસૂલાતનો મુદ્દો લોકસભામાં ઉઠાવ્યો હતો
મહિલા સાંસદનવનીત રાણાએ ગત સત્રમાં મહારાષ્ટ્રમાં 100 કરોડ રૂપિયાની વસૂલાતનો મુદ્દો લોકસભામાં ઉઠાવ્યો હતો. આ દરમિયાન સાંસદે ઉદ્ધવ સરકારની ઝાટકણી કાઢી હતી. ત્યારે તેમણે આરોપ લગાવ્યો કે શિવસેનાના સાંસદ અરવિંદ સાવંતે તેમને સંસદની લોબીમાં ધમકી આપી હતી. તેમના કહેવા પ્રમાણે શિવસેનાના સાંસદે તેમને કહ્યું હતું કે “હું જોઈશ કે તમે મહારાષ્ટ્રમાં કેવી રીતે ભટકો છો અને તમને જેલમાં ધકેલી દઇશું. આ કેસમાં નવનીત રાણાએ પીએમ મોદી અને ગૃહ પ્રધાન અમિત શાહને પત્ર લખીને કહ્યું હતું કે તેમને એસિડ એટેકની ધમકી આપવામાં આવી હતી.
નવનીત રાણાએ 2014 માં રાજકારણમાં પ્રવેશ કર્યો હતો
નોંધપાત્ર વાત એ છે કે મહિલા સાંસદ નવનીત રાણા રાજકારણમાં જોડાતા પહેલા મોડેલિંગની દુનિયામાં હતા. 2014 માં તેમણે એનસીપીની ટિકિટ પર અમરાવતીથી રાજકારણમાં લડ્યા હતા પરંતુ હાર્યા હતા. જો કે, 2019 માં તે અપક્ષ તરીકે લડ્યા અને ચૂંટણીમાં વિજય મેળવ્યો. નવનીત રાણાના પતિ રવિ રાણા મહારાષ્ટ્ર વિધાનસભામાં ધારાસભ્ય છે.
Latest News Updates
