Maharashtra political Crisis : ઉદ્ધવ ઠાકરેએ ખાલી કર્યું CM આવાસ, ‘વર્ષા’ થી ‘માતોશ્રી’ સુધી શિવસૈનિકો હાજર

Maharashtra political crisis :મહારાષ્ટ્રમાં(Maharashtra) રાજકીય સંકટની સ્થિતિ છે. મુખ્યમંત્રી ઉદ્ધવ ઠાકરેએ( Uddhav Thackeray)  બુધવારે કહ્યું હતું કે જો બળવાખોર ધારાસભ્યો તેમની પાસે આવશે અને તેમને પૂછશે તો તેઓ રાજીનામું આપી દેશે. જો કે આ દરમ્યાન  રાત્રે મુખ્યમંત્રી ઉદ્ધવ ઠાકરે સીએમ હાઉસ વર્ષાથી પોતાના સત્તાવાર નિવાસ સ્થાન માતોશ્રી(Matoshri)  શિફ્ટ થઈ રહ્યા છે. આ દરમ્યાન મોટી સંખ્યામાં શિવસૈનિકો હાજર છે.

આ પૂર્વે મહારાષ્ટ્રમાં સર્જાયેલ રાજકીય સંકટ વચ્ચે મુખ્યપ્રધાન ઉદ્ધવ ઠાકરેએ (Uddhav Thackeray) આજે ફેસબુકના માધ્યમથી મહારાષ્ટ્રની પ્રજાને સંબોધન કર્યુ હતું. ઉદ્ધવ ઠાકરે કહ્યુ કે, શિવસેના બાળાસાહેબ ઠાકરેના વિચાર આધારિત છે. શિવસેનાએ હિન્દુત્વને તરછોડ્યુ નથી. હિન્દુત્વ શિવસેનાની ઘડકન છે. તેમણે એમ પણ કહ્યુ કે, તેઓ રાજીનામુ આપવા તૈયાર છે. ગૌહાટી ગયેલા ધારાસભ્યો આવીને મારુ રાજીનામુ લઈને રાજ્યપાલને આપી શકે છે. હુ રાજીનામુ આપીને માતોશ્રી (Matoshri) જતો રહીશ. પરંતુ શિવસેનાના સૈનિકોને કોઈ દગો ના આપે.

હું આજે રાજીનામું આપવા તૈયાર છુંઃ ઉદ્ધવ ઠાકરે

સીએમ ઉદ્ધવે કહ્યું કે પદ લેવા પાછળ માત્ર સ્વાર્થ નથી. રાજકારણ કોઈ પણ વળાંક લઈ શકે છે. મારા જ લોકો મને મુખ્યપ્રધાન પદ પર નથી ઈચ્છતા, તો હું શું કરી શકું ? જો તમે આ જ કહેવા માંગતા હતા તો મારી સામે બોલવામાં શું નુકસાન હતું. આ માટે સુરત જવાની શું જરૂર હતી ? જો તમે ઈચ્છો છો કે હું મુખ્યપ્રધાન ન બનું તો તે સારું છે. જો આમાંથી એક પણ ધારાસભ્ય મારી સામે આવીને કહે તો હું આજે રાજીનામું આપવા તૈયાર છું.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

શિવસૈનિકો સાથે દગો ન આપો: સીએમ ઉદ્ધવ ઠાકરે

મુખ્યમંત્રી ઉદ્ધવ ઠાકરેએ કહ્યું, ‘હું મારું રાજીનામું તૈયાર રાખું છું. જે ધારાસભ્ય મને રાજીનામું આપવા માંગે છે તેમણે આવીને મને જણાવવું જોઈએ. હું તેમના હાથમાં રાજીનામું આપીશ. આ મારી મજબૂરી નથી. આવા અનેક પડકારો આવ્યા છે અને અમે તેનો સામનો કર્યો છે. શિવસૈનિકો મને દગો ન આપો. જો મારા પછી શિવસૈનિક મુખ્યમંત્રી બને તો હું આ ઈચ્છું છું.

કમલનાથ અને પવારજીએ કહ્યું, અમે તમારી સાથે છીએ – સીએમ ઉદ્ધવ

સીએમ ઉદ્ધવ ઠાકરેએ કહ્યું, ‘મને આશ્ચર્ય થાય છે કે જો કોંગ્રેસ અને એનસીપી એમ કહે કે અમે તમને મુખ્યમંત્રી પદ માટે નથી માંગતા. તેથી હું સમજી શકું છું. આજે કમલનાથ જી પવારજીએ ફોન કરીને કહ્યું કે અમે તમારી સાથે છીએ. પરંતુ મારા જ લોકો મને મુખ્યમંત્રી પદ પર નથી ઈચ્છતા તો હું શું કરી શકું.

અમે બાળાસાહેબના વિચારોને આગળ લઈ જઈ રહ્યા છીએઃ સીએમ ઉદ્ધવ

મુખ્યમંત્રી ઉદ્ધવ ઠાકરેએ જનતાને કહ્યું કે અમે 2019ની ચૂંટણી મુશ્કેલ સંજોગોમાં લડી હતી. અમે બાળાસાહેબના વિચારોને આગળ લઈ જઈ રહ્યા છીએ. શિવસેના અને હિન્દુત્વ એકબીજાના પૂરક છે.

શિવસેના અને હિંદુત્વ એક જ સિક્કાની બે બાજુ છેઃ સીએમ ઉદ્ધવ

ઉદ્ધવ ઠાકરેએ કહ્યું, ‘આજની ​​વાત કોવિડની નથી, હું તમારી સમક્ષ કેટલાક અલગ મુદ્દા લઈને આવ્યો છું. આ શિવસેના બાળાસાહેબની શિવસેના છે કે કેમ તેવા સવાલો ઉઠી રહ્યા છે. શિવસેના હિંદુત્વ પર ચાલી રહી છે કે નહીં. એ સાચું છે કે ભૂતકાળમાં હું લોકોને મળી શકતો ન હતો. મારું એક મોટું ઓપરેશન હતું, તેથી તે મેળવી શક્યો નહીં. ઓપરેશન બાદ મેં હોસ્પિટલના રૂમમાં કેબિનેટ મીટિંગ કરી હતી. શિવસેના અને હિન્દુત્વ એક જ સિક્કાની બે બાજુ છે. તેમને અલગ કરી શકતા નથી.  તેમણે એમ પણ કહ્યુ કે, દેશના પાંચ મુખ્યપ્રધાનમાં તેમનો સમાવેશ થાય છે.