Maharashtra: Indian Coast Guardની મોટી કામગીરી, રત્નાગીરીમાં દરિયામાં ડૂબી રહેલી બોટમાંથી 19 લોકોના બચાવ્યા જીવ

ભારતીય કોસ્ટ ગાર્ડે (Indian Coast Guard ) જબરદસ્ત બહાદુરી બતાવીને લગભગ 19 લોકોના જીવ બચાવ્યા છે. મહારાષ્ટ્રના (Maharashtra) રત્નાગિરીના દરિયામાં ડૂબતી બોટમાંથી તેમને બહાર કાઢવામાં મોટી સફળતા મળી છે. ભારતીય કોસ્ટ ગાર્ડની ટીમોએ રત્નાગીરીના અરબી સમુદ્ર વિસ્તારમાં આ કાર્યવાહી કરીને જીવ બચાવ્યો છે. હોડી રત્નાગીરીથી 41 નોટિકલ માઈલ પશ્ચિમમાં ડૂબતી જોવા મળી હતી. ભારતીય કોસ્ટ ગાર્ડ તરત જ એક્શનમાં આવ્યું અને આ મોટર ટેન્કર બોટમાંથી 18 ભારતીયો અને 1 ઈથોપિયનના જીવ બચાવવામાં સફળ રહ્યા.

શુક્રવારે (16 સપ્ટેમ્બર) સવારે 9:23 વાગ્યે રત્નાગિરિના દરિયા કિનારે 41 માઈલ પશ્ચિમમાં એક ડૂબતી બોટની જાણ થઈ હતી. આ બોટ UAEના ખોર ફક્કનથી ન્યુ મેંગલોર જઈ રહી હતી. બોટ ડૂબી રહી હતી ત્યારે તેમાંથી મદદ માટે ફોન આવ્યો હતો. કોલ મળ્યાની થોડી જ મિનિટોમાં, MRCC મુંબઈ એક્શનમાં આવી ગયું.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ઉનાળામાં આ વસ્તુઓનું સેવન કરશો તો ડિહાઇડ્રેશનનો શિકાર નહીં બનો

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

ભારતીય કોસ્ટ ગાર્ડની ટીમ આવી કાર્યવાહીમાં, 19 લોકોના જીવ બચાવ્યા

આ પછી, ICGS સુજીત અને ICGS અપૂર્વ નામના કોસ્ટ ગાર્ડ જહાજોને અકસ્માત સ્થળ તરફ રવાના કરવામાં આવ્યા હતા. બાકીના જહાજોને ચેતવણી આપવા માટે આંતરરાષ્ટ્રીય સુરક્ષા માળખાની જોગવાઈઓ હેઠળ માહિતીનો પ્રસાર કરવામાં આવ્યો હતો. આ સાથે જ હેલિકોપ્ટર પણ રવાના કરવામાં આવ્યું હતું. CG એડવાન્સ્ડ લાઇટ હેલિકોપ્ટરને પણ તૈનાત કરવામાં આવ્યું હતું.  આ સાથે જ MV વાડી બાની ખાલિદને પણ CG જહાજના સહાયક સાથે આગળ વધવા માટે નિર્દેશ આપવામાં આવ્યું હતું.

અહીં, જ્યારે ડૂબતા જહાજના ક્રૂ મેમ્બર્સને ખબર પડી કે તેમની બોટ સંપૂર્ણપણે ડૂબી જશે, ત્યારે તેઓએ તેમની હોડી છોડી દીધી. ત્યારે જ ભારતીય કોસ્ટ ગાર્ડ ટીમના સભ્યો ત્યાં પહોંચી ગયા અને 19 લોકોને સુરક્ષિત બહાર કાઢવામાં સફળ રહ્યા. બોટમાં સવાર તમામ લોકો હવે સંપૂર્ણપણે સુરક્ષિત છે. બોટને કિનારે લાવવામાં આવી રહી છે.

#WATCH | Indian Coast Guard today rescued 19 lives incl 18 Indians and 1 Ethiopian Master from Motor Tanker Parth, a Gabon-flagged vessel. The Vessel reported flooding around 41 miles west of Ratnagiri coast. The vessel was on passage to New Mangalore from Khor Fakkan, UAE: ICG pic.twitter.com/xUYwvJ8rEu

— ANI (@ANI) September 16, 2022