Maharashtra: મહીલા પોલીસ માટે ખુશખબર ! હવેથી 12 નહીં પણ માત્ર 8 કલાક જ કરવાનું રહેશે કામ
મહિલા પોલીસકર્મીઓ માટે કામના કલાકો હવે 12 થી ઘટાડીને 8 કરવામાં આવ્યા છે. રાજ્યના ડીજીપી સંજય પાંડેએ શુક્રવારે આ માહિતી આપી હતી.
મહારાષ્ટ્રમાં મુખ્યમંત્રી ઉદ્ધવ ઠાકરેની (CM Uddhav Thackeray) આગેવાનીવાળી મહા વિકાસ આઘાડી (Maha Vikas Aghadi) સરકારે મહિલા પોલીસકર્મીઓ માટે મોટો નિર્ણય લીધો છે. મહિલા પોલીસકર્મીઓના કામના કલાકો હવે 12 થી ઘટાડીને 8 કરવામાં આવ્યા છે.
રાજ્યના ડીજીપી સંજય પાંડેએ (Sanjay Pandey DGP) શુક્રવારે આ માહિતી આપી હતી. હાલમાં પોલીસ દળમાં કામ કરતી મહિલાઓએ 12 કલાક ફરજ બજાવવી પડે છે. મહિલા પોલીસકર્મીઓએ કામની સાથે સાથે તેમની પારિવારિક જવાબદારીઓ પણ સંભાળવી પડે છે. કેટલીકવાર તહેવારો દરમિયાન પણ તેઓ તેમની ફરજ પર વ્યસ્ત હોય છે. ગંભીર કિસ્સાઓમાં, આ કલાકો 12 થી પણ વધારે વધી જાય છે. આવી સ્થિતિમાં, તેમના માટે ઘરે અને બહાર બંને જવાબદારીઓ નિભાવવી ખૂબ જ મુશ્કેલ બની જાય છે.
મહિલા પોલીસકર્મીઓને મોટી રાહત, કામના કલાકો ઘટ્યા
Maharashtra govt has decided to reduce the working hours of women police personnel from 12 hours to 8 hours: Maharashtra DGP Sanjay Pandey
(File pic) pic.twitter.com/boa7jUJVtY
— ANI (@ANI) September 24, 2021
મહિલા પોલીસકર્મીઓ માટે કુટુંબ અને રોજગાર વચ્ચે સંતુલન જાળવવું સરળ બન્યું.
આ મુશ્કેલીઓને ધ્યાનમાં રાખીને મહારાષ્ટ્ર સરકારે મહિલા પોલીસકર્મીઓના કામના કલાકો 12 થી ઘટાડીને 8 કરી દીધા છે. આ સમાચાર મહિલા પોલીસકર્મીઓ માટે ખુશખબરી લઈને આવ્યા છે. આ નિર્ણયને કારણે ઘણી મહિલા પોલીસ કર્મચારીઓ માટે કુટુંબ અને રોજગાર વચ્ચે સંતુલન જાળવવું સરળ બનશે.
સાંસદ સુપ્રિયા સુલેએ મુખ્યમંત્રી ઉદ્ધવ ઠાકરેનો આભાર માન્યો હતો
એનસીપી (NCP) ના સાંસદ સુપ્રિયા સુલેએ રાજ્યના મુખ્યમંત્રી ઉદ્ધવ ઠાકરે અને ગૃહમંત્રી દિલીપ વાલસે પાટીલ સહિત સમગ્ર મંત્રીમંડળનો આ નિર્ણય માટે આભાર માન્યો છે. સુપ્રિયા સુલેએ ડીજીપી સંજય પાંડેના ટ્વીટને રીટ્વીટ કરીને પોતાનું ટ્વીટ કર્યું છે. એનસીપી (NCP) પ્રમુખ શરદ પવારની પુત્રી અને સાંસદ સુપ્રિયા સુલેએ પણ પોતાના ટ્વીટમાં કહ્યું છે કે, આનાથી મહારાષ્ટ્રની મહિલા પોલીસકર્મીઓને ઘરની અને બહારની જવાબદારીઓનું સંકલન કરવું સરળ બનશે.
એનસીપી નેતા સુપ્રિયા સુલેએ મહિલા પોલીસકર્મીઓ માટે ખુશી વ્યક્ત કરી
महाराष्ट्र सरकारने महिला पोलीसांची ड्युटी बारा तासांहून आठ तासांची करण्याचा निर्णय घेतला आहे. हा अतिशय चांगला निर्णय असून यामुळे अनेक महिला पोलीस कर्मचाऱ्यांना कुटुंब आणि नोकरी यामध्ये उत्तम असा ताळमेळ साधता येणे शक्य होणार आहे.
— Supriya Sule (@supriya_sule) September 24, 2021
ડીજીપી સંજય પાંડેના મતે, આ પગલું મહિલા કર્મચારીઓને તેમના પરિવાર અને નોકરીની જવાબદારીઓ સારી રીતે નિભાવવામાં મદદ કરશે. આ સિવાય, થોડા દિવસો પહેલા, તેમણે એમ પણ કહ્યું હતું કે પોલીસકર્મીઓની સાપ્તાહિક રજાના એક દિવસ પહેલા, તેમને લાંબી અને તણાવપૂર્ણ ફરજમાં ન મૂકવા જોઈએ. પદ સંભાળ્યા બાદથી સંજય પાંડે સતત પોલીસ કર્મચારીઓની સમસ્યાઓ દૂર કરવાનો પ્રયત્ન કરી રહ્યા છે.
હાલમાં આ આદેશ એક પ્રયોગ તરીકે આપવામાં આવ્યો છે. આ પછી તે ચેક કરવામાં આવશે કે આ આદેશ દ્વારા મહિલા પોલીસ કોન્સ્ટેબલને ખરેખર કેટલો લાભ થયો છે. હાલમાં, આ પ્રયોગ આગળના આદેશ સુધી ચાલુ રહેશે. જોકે, મહારાષ્ટ્ર સરકારના વિભાગોની જેમ પોલીસ વિભાગ પણ કર્મચારીઓની અછત સામે ઝઝૂમી રહ્યો છે.
આ પણ વાંચો : મહારાષ્ટ્ર: ડોક્ટર પર બળાત્કાર કરી વીડિયો શૂટ કર્યો, બાદમાં યુવતીના માતા-પિતાને મોકલ્યો અને 10 લાખની ખંડણીની કરી માંગ