Maharashtra Corona Update: છેલ્લા 24 કલાકમાં કોરોનાના 3,098 નવા કેસ, વાઈરસથી 6 લોકોના મોત, 20 હજારથી વધુ સક્રિય કેસ

મહારાષ્ટ્ર (Maharashtra) કોરોના સંક્રમણના મામલામાં સૌથી વધુ પ્રભાવિત રાજ્ય બની રહ્યું છે. કોરોના વાયરસની (Corona Virus) ગતિ અટકવાનું નામ નથી લઈ રહી. છેલ્લા 24 કલાકમાં કોરોનાના ત્રણ હજારથી વધુ નવા કેસ સામે આવ્યા છે. જ્યારે વાઈરસથી 6 લોકોના મોત થયા છે. આવી સ્થિતિમાં રાજ્યમાં હવે 20,820 સક્રિય કેસ છે. આરોગ્ય વિભાગ દ્વારા મંગળવારે જાહેર કરાયેલા અહેવાલ મુજબ છેલ્લા 24 કલાકમાં 3,098 નવા કેસ નોંધાયા છે. જ્યારે 6 દર્દીઓ વાયરસ સામેની લડાઈ હારી ગયા. રાહતની વાત એ છે કે 4,207 લોકોએ કોરોનાને હરાવ્યો છે. રાજ્યના ગઢચિરોલી જિલ્લામાં સૌથી વધુ કોરોનાની અસર નોંધાઈ છે.

તમને જણાવી દઈએ કે આ પહેલા સોમવારે કોરોના વાઈરસના ચેપના 1,515 નવા કેસ જોવા મળ્યા હતા અને ચેપને કારણે વધુ ત્રણ દર્દીઓના મોત થયા હતા. તે જ સમયે 3 જુલાઈએ કોરોના વાઈરસ ચેપના 2,962 નવા કેસ નોંધાયા હતા. વિભાગના જણાવ્યા અનુસાર આ નવા કેસ સાથે, રાજ્યમાં અત્યાર સુધીમાં સંક્રમિત દર્દીઓની સંખ્યા વધીને 79,89,909 થઈ ગઈ છે, જ્યારે મૃત્યુઆંક 1,47,949 પર પહોંચી ગયો છે.

Web Stories View more

IPL વચ્ચે ક્રિકેટર મલિંગાએ પત્ની સાથે શેર કર્યો રોમેન્ટિક વીડિયો, જુઓ

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

महाराष्ट्र में पिछले 24 घंटों में #COVID19 के 3,098 नए मामले आए हैं। 4207 लोग ठीक हुए हैं और 6 लोगों की मृत्यु हुई है। सक्रिय मामले: 20,820 pic.twitter.com/iO8gBDxbQ4

— ANI_HindiNews (@AHindinews) July 5, 2022

દેશમાં સક્રિય કેસોની સંખ્યા 1.14 લાખને પાર

દેશમાં એક જ દિવસમાં કોરોના વાઈરસના 13,086 નવા કેસ નોંધાયા છે. કેન્દ્રીય આરોગ્ય અને પરિવાર કલ્યાણ મંત્રાલય દ્વારા મંગળવારે જાહેર કરવામાં આવેલા તાજેતરના આંકડા અનુસાર આ સમયગાળા દરમિયાન 12,456 લોકો સ્વસ્થ થયા છે, જ્યારે છેલ્લા 24 કલાકમાં 19 દર્દીઓના મોત થયા છે. દેશમાં હવે 1,14,475 સક્રિય કેસ છે. તે જ સમયે, પોઝીટીવીટી રેટ 2.90 ટકા છે.

ગુજરાતમાં પણ કોરોનાના કેસમાં વધારો

ગુજરાતમાં કોરોનાના કેસમાં સતત વધારો થઈ રહ્યો છે. જેમાં રાજ્યના છેલ્લા 10 દિવસથી કોરોનાના નવા કેસો વધી રહ્યા છે. જ્યારે 05 જૂલાઈના રોજ કોરોનાના નવા 572 કેસ નોંધાયા છે. જ્યારે કોરોનાના એક્ટિવ કેસની સંખ્યા 3,595 થવા પામી છે. જેમાં અમદાવાદ શહેરમાં કોરોનાના સૌથી વધુ 249 કેસ નોંધાયા છે. જ્યારે સુરતમાં 82, વડોદરામાં 41, ભાવનગરમાં 22, રાજકોટમાં 21, વલસાડમાં 18, નવસારીમાં 16, જામનગરમાં 13, કચ્છમાં 12, સુરત જિલ્લામાં 12, ગાંધીનગરમાં 09, મોરબીમાં 09, અમદાવાદ જિલ્લામાં 08, ભરૂચમાં 08, પાટણમાં 08, ગાંધીનગર જિલ્લામાં 07, મહેસાણામાં 07, રાજકોટ જિલ્લામાં 05, આણંદમાં 04, ખેડામાં 04, અમરેલીમાં 03, પોરબંદરમાં 03, બનાસકાંઠામાં 03, ગીર સોમનાથમાં 02, તાપીમાં 02, જામનગરમાં 01, જૂનાગઢમાં 01, પંચમહાલમાં 01, સાબરકાંઠામાં 01 અને વડોદરા જિલ્લામાં 01 કેસ નોંધાયો છે.