Maharashtra : વેકિસનના બન્ને ડોઝ લેનારા જ કરી શકશે લોકલ ટ્રેનમાં મુસાફરી, કોરોનાના ઓછા કેસ ધરાવતા 25 જિલ્લામાં અપાઈ છુટછાટ
આ સાથે જ, મુંબઈ સહિત મહારાષ્ટ્ર રાજ્યના 25 જિલ્લાઓ કે જેમાં કોરોનાનું સંક્રમણ ઓછું છે ત્યાં છૂટછાટ આપવાનો નિર્ણય કરાયો છે. જેમાં દર રવીવારે પહેલાની જેમ જ પ્રતિબંધો યથાવત રહેશે.
મહારાષ્ટ્ર(Maharashtra)માં કોરોના મહામારીની બીજી લહેરની અસર ધીમે – ધીમે ઓછી થઈ રહી છે. પરંતુ વૈજ્ઞાનિકોએ ત્રીજી લહેર અંગે પણ ચેતવણી આપી છે. આ ચેતવણીને ધ્યાને લઈને મહારાષ્ટ્ર સરકારે(Maharashtra Govt) છેલ્લા કેટલાંક દિવસોમાં અનલોકના નિયમોને ચુસ્ત બનાવ્યા હતા.
મુખ્યમંત્રી ઉદ્ધવ ઠાકરેએ (CM Uddhav Thackeray) ગુરુવારે, રાજ્યમાં કોરોના મહામારીની વર્તમાન પરિસ્થિતિને લઈને ટાસ્ક ફોર્સ સાથે એક બેઠક કરી હતી. આ બેઠક બાદ હવે રાજ્યમાં લગાવવામાં આવેલા નિયંત્રણો હળવા કરવામાં આવ્યાં છે.
આ બેઠકમાં ડોકટરોએ સલાહ આપી છે કે 15 ઓગસ્ટ સુધી કોરોનાની પરીસ્થિતિ જોવી જોઈએ. જો કેસોમાં વધારો ન થાય, તો જ ધીરે ધીરે છૂટ આપવાની શરૂઆત કરવી જોઈએ.
આ બેઠકમાં લોકલ ટ્રેનને લઈને પણ ચર્ચા કરવામાં આવી હતી. ટૂંક સમયમાં સરકાર રસીના બંને ડોઝ લેનારા લોકોને લોકલ ટ્રેનમાં મુસાફરી કરવાની મંજૂરી આપી શકે છે. આ સાથે જ, મોલ અને દુકાનોમાં પણ થોડી છૂટછાટ આપવામાં આવશે, પરંતુ અહીં પણ કર્મચારીને રસીના બંને ડોઝ લીધા પછી જ કામ કરવાની મંજૂરી આપવામાં આવશે.
આ સાથે જ, મુંબઈ સહિત મહારાષ્ટ્ર રાજ્યના 25 જીલ્લાઓ કે જેમાં કોરોનાનું સંક્રમણ ઓછું છે ત્યાં છૂટછાટ આપવાનો નિર્ણય કરાયો છે. જેમાં દર રવીવારે પહેલાની જેમ જ પ્રતિબંધો યથાવત રહેશે.
મહારાષ્ટ્રના આ જિલ્લાઓમાં વધારે છે પોઝીટીવીટીનો રેટ
18 જુલાઈથી 24 જુલાઈ વચ્ચે, સાંગલીમાં સક્રિય કોરોના પોઝિટિવિટી રેટ 9.1 ટકા હતો. તે પછી સતારામાં 8.2 ટકા, સિંધુદુર્ગમાં 8 ટકા, પુનામાં 7.4 ટકા, કોલ્હાપુરમાં 6.3 ટકા, અહેમદનગરમાં 6.2 ટકા, બીડમાં 5.8 ટકા, સોલાપુરમાં 5 ટકા અને રત્નાગિરિમાં 4.7 ટકા છે.જ્યારે મુંબઇમાં આ પોઝિટિવિટી રેટ 2.3 ટકા રહ્યો છે.
કોરોનાને કારણે થઈ રહી છે અર્થ વ્યવસ્થાં પર અસર
મહારાષ્ટ્રમાં કોરોના મહામારીને કારણે અર્થતંત્રને સૌથી વધુ અસર થઈ છે. મહારાષ્ટ્રના મંત્રી અસલમ શેખે કેન્દ્ર સરકાર પાસે મહારાષ્ટ્ર માટે વિશેષ પેકેજની માંગણી કરી છે.
રાજ્ય સરકાર પણ કોરોના સંક્રમણ દરમિયાન થયેલાં આર્થિક નુકસાનની ભરપાઇ માટે વિશેષ પેકેજ પણ આપશે. મંત્રી અસલમ શેખે કહ્યું કે અમે આ કુદરતી આફતને કારણે મહારાષ્ટ્રના લોકોને થયેલા નુકસાનનું પંચનામું પણ કર્યું છે. રાજ્ય સરકાર આ નુકસાનની ભરપાઇ માટે તેની તરફથી આર્થિક પેકેજ આપવા જઈ રહી છે. અમે કેન્દ્ર સરકારને પણ મહારાષ્ટ્રને આર્થિક પેકેજ આપવા જણાવ્યું છે.
Latest News Updates
