Maharashtra: અદાણી એરપોર્ટને સોંપવામાં આવ્યું નવી મુંબઈ ઈન્ટરનેશનલ એરપોર્ટ, રાજ્ય સરકારે મંજૂરી આપી
Maharashtra : મુખ્યમંત્રી કાર્યાલયે (સીએમઓ) એક નિવેદનમાં જણાવ્યું કે, નવા આંતરરાષ્ટ્રીય એરપોર્ટ માટે જમીન સંપાદનનું કામ પૂર્ણ થઈ ગયું છે. આ એરપોર્ટ 1,160 હેક્ટરમાં બનાવવામાં આવશે.
Maharashtra: મહારાષ્ટ્ર કેબિનેટે બુધવારના રોજ નવી મુંબઈ ઈન્ટરનેશનલ એરપોર્ટ (Mumbai International Airport) બનાવી રહેલા મુંબઈ ઈન્ટરનેશનલ એરપોર્ટ લિમિટેડ (MIAL)ની માલિકી અદાણી એરપોર્ટ હોલ્ડિંગ્સને ટ્રાન્સફર કરવાની મંજૂરી આપી દીધી છે. મુખ્યમંત્રી કાર્યાલયે (સીએમઓ) એક નિવેદનમાં જણાવ્યું કે, નવા આંતરરાષ્ટ્રીય એરપોર્ટ માટે જમીન સંપાદનનું કામ પૂર્ણ થઈ ગયું છે. આ એરપોર્ટ 1,160 હેક્ટરમાં બનાવવામાં આવશે. એરપોર્ટનું પ્રથમ તબક્કાનું કામ 2023-2024 સુધીમાં પૂર્ણ થવાની સંભાવના છે.
મરાઠવાડા જળ ગ્રિડ યોજનાને મંજૂરી
કેબિનેટે 285 કરોડ રુપિયાની મરાઠવાડા વોટર ગ્રિડ પ્રોજેક્ટ (Marathwada Water Grid Project)ના પ્રથમ તબક્કાની મંજૂરી આપી છે. આ પ્રોજેક્ટના ઔરંગાબાદ જિલ્લાના પેથાણ તાલુકામાં ઝાયકવાજી ડેમથી શરુ થશે. જેમાં ઔરંગાબાદ જિલ્લા અને મરાઠવાડા ઝોનના અન્ય તાલુકાઓને પાણીની ઉપલબ્ધતાના આધાર પર આ પ્રોજેક્ટમાં જોડવા માટે પ્રસ્તાવ લાવવામાં આવશે. રાજ્યના જળ સંસાધન વિભાગ પશ્ચિમથી વહેતી નદીઓમાંથી પાણી ગોદાવરી ઘાટીમાં પહોંચાડવા પર કામ કરી રહ્યું છે.
સિડકો અને જીવીકે મુંબઈ ઈન્ટરનેશનલ એરપોર્ટ સાથે મળી કામ કરશે
10 જૂનના રોજ જીવીકે નવી મુંબઈ આંતરરાષ્ટ્રીય એરપોર્ટની પ્રથમ ઝલક દેખાડી હતી, જીવીકે ગ્રુપે મુંબઈના ટર્મિનલ 2ની ડિઝાઈન કરવાની પ્રેરણા મોર પાસેથી લીધી હતી. સિડકો અને જીવીકે સંયુકત રીતે મુંબઈ ઈન્ટરનેશનલ એરપોર્ટ લિમિટેડ બનાવી રહ્યા છે.
નવી મુંબઈ આંતરરાષ્ટ્રીય એરપોર્ટની ડિઝાઈન માટે જીવીકે (GVK)ગ્રુપે કમળના ફુલની પ્રેરણા લીધી છે. નવી મુંબઈ આંતરરાષ્ટીય એરપોર્ટ પર 2 દિશાઓમાંથી પ્રવેશ કરી શકાશે. આ પ્રવેશ પશ્ચિમ અને પૂર્વ દિશાથી બનાવવામાં આવશે. એરપોર્ટના 4 તબક્કામાં વિકસિત કરવાની યોજના બનાવવામાં આવી છે. જેમાં 2 સમાંતર રન-વે છે. જે એક સાથે એક્સપ્રેસવે મેટ્રો અને જળ પરિવહન ક્નેક્ટિવિટીની સાથે કામ કરી શકશે.
આ પણ વાંચો: Reliance AGM 2021 : રિલાયંસ બની ગ્લોબલ, સાઉદી અરામકોના ચેરમેન યાસીર અલ રૂમાયનને બોર્ડમાં શામેલ કરાયા