બોલીવુડ જાણીતા અભિનેતા સહિત મુંબઈના 9 હાઈપ્રોફાઈલ લોકો સામે બળાત્કાર અને છેડતી અંગે FIR
મુંબઈના બ્રાંદ્રા પોલીસ સ્ટેશનમાં જાણિતા અભિનેતા સહિત કુલ 9 હાઈપ્રોફાઈલ લોકો વિરુદ્ધ બળાત્કાર અને છેડતીનો કેસ નોંધાયો છે. આ મામલે હાલ પોલીસે તપાસ શરુ કરી દિધી છે.
અભિનેતાની વિરુદ્ધ પણ છેડતીનો કેસ દાખલ કરાયો માયાનગરી મુંબઈમાં હિરોઈન બનાવવાના નામ પર કેટલીય છોકરીઓ અને મોડેલ સાથે કુકર્મ થતા હોય છે. અવાર નવાર આવા કિસ્સા પોલીસ ચોપડે ચડતા હોય છે. આજે પણ આવો જ એક મામલો હાલ સામે આવ્યો છે. જેમાં મુંબઈમાં 9 હાઈપ્રોફાઈલ લોકો વિરુદ્ધ બળાત્કાર અને છેડતીનો કેસ નોંધવામાં આવ્યો છે.
મુંબઈ સ્થિત એક મોડેલ યુવતીએ, બોલિવૂડના જાણીતા અભિનેતા સહિત કુલ 9 લોકો પર છેડતી અને બળાત્કારનો આરોપ લગાવ્યો છે (Model FIR) આમાં જાણીતા ફોટોગ્રાફર સામે પણ કેસ નોંધવામાં આવ્યો છે.
બાંદ્રા પોલીસના સૂત્રો પાસેથી મળતી માહિતી મુજબ, આ મોડેલે આરોપ લગાવ્યો છે કે મોડેલિંગમાં મોટી તક આપવાના નામે 2014 થી 2018 ની વચ્ચે તેના ઉપર બળાત્કાર ગુજાર્યો હતો.
કોણ છે આ કેસના તમામ આરોપી ? પોલીસના જણાવ્યા મુજબ મોડેલે ફોટોગ્રાફર તેમજ જાણીતા અભિનેતા સહિત 9 લોકો પર દુષ્કર્મનો આરોપ લગાવ્યો છે. અને તમામ વિરુદ્ધ બાંદ્રા પોલીસ સ્ટેશનમાં FIR દાખલ કરવામાં આવી છે.
મોડેલનો આરોપ છે કે જાણિતા અભિનેતાએ બાન્દ્રામાં તેની સાથે છેડતી કરી હતી, એક આરોપીએ સાન્તાક્રુઝની ફાઈવ સ્ટાર હોટલમાં, 2015માં અંધેરીની એક બિલ્ડિંગમાં તેની છેડતી કરી હતી.
વળી, મોડેલનો આરોપ છે કે વર્ષ 2018માં વિલે પાર્લેની એક બિલ્ડિંગમાં તેની ઉપર બળાત્કાર ગુજાર્યો હતો. મોડેલની ફરિયાદ બાદ તમામ આરોપીઓ સામે આઈપીસીની કલમ 378 (એન), 354 અને 34 હેઠળ ગુનો દાખલ કરવામાં આવ્યો છે.
Latest News Updates
