Maharashtra Political Crisis: મધ્યપ્રદેશની કહાની રીપીટ થઈ રહી છે ત્યારે સંજય રાઉતને રોકવા માટે થઈ રહ્યા છે પ્રયાસો?
મધ્યપ્રદેશની કહાની હવે મહારાષ્ટ્રમાં (Maharashtra) રિપીટ થઈ રહી છે. સંજય રાઉત આ કામમાં સૌથી મોટો અવરોધ બની શકે છે. તેથી જ સંજય રાઉતને ચારે બાજુથી ઘેરવાના પ્રયાસો શરૂ થઈ ગયા છે.
સુપ્રીમ કોર્ટમાં એકનાથ શિંદે (Eknath Shinde) જૂથ દ્વારા દાખલ કરવામાં આવેલી અરજીમાં દાવો કરવામાં આવ્યો છે કે મહા વિકાસ અઘાડી સરકાર લઘુમતીમાં આવી ગઈ છે. શિવસેનાના 38 ધારાસભ્યોએ મહારાષ્ટ્ર સરકારને ટેકો પાછો ખેંચી લીધો છે. આ સિવાય શિંદે જૂથે મહારાષ્ટ્રના રાજ્યપાલ ભગત સિંહ કોશ્યારીને પણ પત્ર લખીને દાવો કર્યો છે કે શિવસેનાના 39 ધારાસભ્યો સહિત કુલ 51 ધારાસભ્યોએ મહા વિકાસ અઘાડી સરકારને સમર્થન પાછું ખેંચી લીધું છે અને મહારાષ્ટ્ર સરકાર હવે લઘુમતીમાં છે. આ સિવાય એકનાથ શિંદે જૂથે સુપ્રીમ કોર્ટમાં સંજય રાઉત પર નિશાન સાધ્યું છે.
સંજય રાઉતના ભડકાઉ ભાષણની લિંક્સ કોર્ટને સોંપવામાં આવી છે. બીજી તરફ, જમીન કૌભાંડ સંબંધિત કેસમાં EDએ સંજય રાઉતને આજે (27 જૂન, સોમવાર) ફરીથી સમન્સ પાઠવ્યું છે. તેમને આવતીકાલે અગિયાર વાગ્યે પૂછપરછ માટે હાજર થવા માટે કહેવામાં આવ્યું છે. ત્રીજી તરફ વિધાનસભામાં વિપક્ષના નેતા દેવેન્દ્ર ફડણવીસના સાગર બંગલામાં ભાજપની મહત્વની બેઠક શરૂ થઈ છે. એટલે કે શિવસેના સહિત મહા વિકાસ આઘાડી સરકારને ઘેરવા માટે સંપૂર્ણ આયોજન તૈયાર છે.
આ પછી ફ્લોર ટેસ્ટ થશે અને બહુમતના અભાવે મહા વિકાસ અઘાડી સરકાર પડી જશે. એટલે કે મધ્યપ્રદેશની કહાની હવે મહારાષ્ટ્રમાં રિપીટ થઈ રહી છે. સંજય રાઉત આ કામમાં સૌથી મોટો અવરોધ બની શકે છે. તેથી જ સંજય રાઉતને ચારે બાજુથી ઘેરવાના પ્રયાસો શરૂ થઈ ગયા છે.
સંજય રાઉતે કર્યું ટ્વીટ, લડાઈ લડવાની વાત કહી
આ દરમિયાન સંજય રાઉતે ટ્વીટ કરીને EDનું સમન્સ મળવાની માહિતી આપી છે. તેણે લખ્યું છે કે, ‘ઇડીએ મને સમન્સ મોકલ્યું છે. ખૂબ સારૂ. મહારાષ્ટ્રમાં મોટી ઉથલપાથલ ચાલી રહી છે. આપણે બાળાસાહેબના બધા શિવસૈનિકો એક મોટી લડાઈ માટે ઉતર્યા છીએ. આ બધું મને રોકવા માટે થઈ રહ્યું છે. મારી ગરદન કપાઈ જશે તો પણ હું ગુવાહાટી નહીં જઉં. આવો… મારી ધરપકડ કરો! જય મહારાષ્ટ્ર!’
मला आताचा समजले ED ने मला समन्स पाठवले आहे.छान.महाराष्ट्रात मोठ्या घडामोडी सुरू आहेत. आम्ही सगळे बाळासाहेबांचे शिवसैनिक मोठ्या लढाईत उतरलो आहोतमला रोखण्यासाठी..हे कारस्थान सुरू आहे.माझी मान कापली तरी मी गुहातीचा मार्ग स्विकारणार नाही.या..मला अटक करा! जय महाराष्ट्र!@Dev_Fadnavis pic.twitter.com/jA1QcvzP7a
— Sanjay Raut (@rautsanjay61) June 27, 2022
કિરીટ સોમૈયાએ ટ્વીટ દ્વારા સંજય રાઉતને જવાબ આપ્યો
આ દરમિયાન બીજેપી નેતા કિરીટ સોમૈયાએ પણ ટ્વીટ કરીને સંજય રાઉતને જવાબ આપ્યો છે. કિરીટ સોમૈયાએ ટ્વીટમાં લખ્યું છે કે, ‘તમે મને, મારી પત્નીને, મારા પુત્રને, મારી માતાને… જેલમાં મોકલવાની કોશિશ કરો… ધમકી આપો, હુમલો કરો, દુર્વ્યવહાર કરો… પરંતુ – હિસાબ તો આપવો પડશે.
Dear #SanjayRaut
Your efforts to send my mother, my wife, my son @NeilSomaiya & me to JAIL have miserably FAILED!!!
Threaten us! Abuse us!
But,
Hisaab toh dena padega!@BJP4India @Dev_Fadnavis @ChDadaPatil
— Kirit Somaiya (@KiritSomaiya) June 27, 2022