મહારાષ્ટ્રમાં ધરતી ધ્રૂજી, નાશિકમાં ભૂકંપના આંચકા અનુભવાયા, 3.6ની તીવ્રતા નોંધાઈ
મહારાષ્ટ્રના નાસિકમાં ભૂકંપ(Earth Quake)ના આંચકા અનુભવાયા હતા. રિક્ટર સ્કેલ પર તેની તીવ્રતા 3.6 માપવામાં આવી હતી.
મહારાષ્ટ્રના નાસિકમાં ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા 3.6 માપવામાં આવી હતી. નેશનલ સેન્ટર ફોર સિસ્મોલોજીએ જણાવ્યું કે આજે સવારે લગભગ 4.4 કલાકે ભૂકંપના આંચકા અનુભવાયા હતા. તેનું કેન્દ્ર નાસિકથી પશ્ચિમમાં 89 કિમી દૂર હતું. તે જ સમયે, ભૂકંપની ઊંડાઈ જમીનથી 5 કિલોમીટર નીચે હતી. જો કે, અત્યાર સુધીની માહિતી અનુસાર, કોઈ જાનહાનિ કે જાનમાલને નુકસાનના સમાચાર નથી.
An earthquake of magnitude 3.6 occurred 89km West of Nashik, Maharashtra at around 04:04am today. The depth of the earthquake was 5 km below the ground: National Center for Seismology pic.twitter.com/ULIdOrtiRN
— ANI (@ANI) November 22, 2022
લદ્દાખના કારગીલમાં ભૂકંપના આંચકા
લદ્દાખના કારગીલમાં મંગળવારે 4.3ની તીવ્રતાનો ભૂકંપ આવ્યો હતો. સવારે 10:55 વાગ્યે આવેલા ભૂકંપનું કેન્દ્ર કારગીલથી 191 કિમી ઉત્તરમાં હતું. ભૂકંપનું કેન્દ્ર 36.27 ડિગ્રી ઉત્તર અક્ષાંશ અને 76.26 ડિગ્રી પૂર્વ રેખાંશમાં 10 કિમીની ઊંડાઈએ હતું. નેશનલ સેન્ટર ફોર સિસ્મોલોજી (NCS) દ્વારા આ માહિતી આપવામાં આવી હતી. એવું કહેવામાં આવ્યું હતું કે કોઈ જાનહાનિ અથવા સંપત્તિને નુકસાનના સમાચાર નથી.
12 નવેમ્બરે દિલ્હી-NCRમાં ધરતી ધ્રુજી હતી
આ પહેલા 12 નવેમ્બરે દિલ્હી-NCR અને ઉત્તર ભારતના કેટલાક રાજ્યોમાં ભૂકંપના આંચકા અનુભવાયા હતા. સાંજે 7.57 કલાકે પૃથ્વી ધ્રૂજી ઉઠી હતી.રિક્ટર સ્કેલ પર તેની તીવ્રતા 5.4 માપવામાં આવી હતી. ભૂકંપનું કેન્દ્ર નેપાળમાં 10 કિલોમીટરની ઊંડાઈએ હતું. આના ત્રણ દિવસ પહેલા ભૂકંપના આંચકા અનુભવાયા હતા, જેનું કેન્દ્ર નેપાળમાં હતું.
ભૂકંપ કેવી રીતે થાય છે?
ધરતીકંપનું વિજ્ઞાન સમજતા પહેલા આપણે પૃથ્વીની નીચે હાજર પ્લેટોની રચનાને સમજવી પડશે. ભૂસ્તરશાસ્ત્રીઓ કહે છે કે આપણી પૃથ્વી 12 ટેક્ટોનિક પ્લેટ પર સ્થિત છે. જ્યારે આ પ્લેટો અથડાય છે ત્યારે જે ઊર્જા બહાર પડે છે તેને ભૂકંપ કહેવાય છે. પૃથ્વીની નીચે હાજર આ પ્લેટો ખૂબ જ ધીમી ગતિએ ફરતી રહે છે. દર વર્ષે આ પ્લેટો તેમની જગ્યાએથી 4-5 મીમી ખસી જાય છે. આ દરમિયાન કોઈ પ્લેટ નીચેથી ખસી જાય છે તો કોઈ નીચેથી સરકી જાય છે. આ દરમિયાન પ્લેટોના અથડામણને કારણે ભૂકંપ આવે છે.