મહારાષ્ટ્રમાં પણ મંકીપોક્સ વાયરસ જેવા લક્ષણો વાળી બિમારી જોવા મળી, વાલીઓમાં ચિંતાનું મોજુ

મહારાષ્ટ્રમાં મંકીપોક્સનો (Monkeypox) એક પણ કેસ નોંધાયો ન હોવા છતાં, લોકો મંકીપોક્સ વાયરસના લક્ષણો જેવા રોગોથી પરેશાન છે.

Monkeypox In India (Symbolic Image)

TV9 Gujarati | Edited By: Nidhi Bhatt | Updated on: Aug 02, 2022 | 12:33 PM

દેશમાં મંકીપોક્સ (MONKEYPOX) વાયરસના કેસ સામે આવ્યા બાદ હવે મહારાષ્ટ્રમાં પણ તેનું સંક્રમણ જોવા મળી રહ્યું છે. બાળકોમાં હાથ-પગ-મોઢાના ચેપમાં ભારે વધારો થયો છે. બાળકોમાં મંકીપોક્સ જેવા લક્ષણોથી માતાપિતામાં ચિંતા વધી છે. મુંબઈ, થાણે શહેરમાં બાળકોના હાથ, પગ અને મોઢામાં વાયરલ ઈન્ફેક્શનનું પ્રમાણ વધુ છે. માતાપિતા ચિંતિત છે કારણ કે તેના લક્ષણો મંકીપોક્સ જેવા જ છે. હેન્ડ-ફૂટ-માઉથ રોગ એ વાયરલ ચેપ છે જેમાં બાળકોને હાથ, પગ અને મોંની આસપાસ ફોલ્લીઓ સાથે તાવ આવે છે. તેનાથી મોઢામાં અલ્સર પણ થાય છે.

જે રીતે વાઈરલ ઈન્ફેક્શનને કારણે ચોમાસામાં તાવ, શરદી અને ખાંસી થાય છે તેમ આ ઈન્ફેક્શન પણ ચોમાસામાં થાય છે. છેલ્લા સાત-આઠ વર્ષથી આ ચેપ બાળકોમાં દર ચોમાસામાં જોવા મળે છે. સત્તાવાર સૂત્રોએ સોમવારે જણાવ્યું હતું કે દેશમાં મંકીપોક્સ પર ટાસ્ક ફોર્સની રચના કરવામાં આવી છે જેથી મંકીપોક્સ વાયરસ પર નજીકથી નજર રાખવામાં આવે અને રોગના ફેલાવાને રોકવા માટે મોટા નિર્ણયો લેવામાં આવે. આ દરમિયાન, ભારતમાં અત્યાર સુધીમાં મંકીપોક્સના કુલ પાંચ કેસ નોંધાયા છે. ઉલ્લેખનીય છે કે, WHOએ મંકીપોક્સને વૈશ્વિક જાહેર આરોગ્ય કટોકટી તરીકે જાહેર કર્યું છે.

મંકીપોક્સના લક્ષણો

મંકીપોક્સ એક વાયરલ રોગ છે અને આ રોગના મુખ્ય લક્ષણો તાવ, શરીર પર ફોલ્લીઓ, ઉધરસ અને લસિકા ગાંઠોમાં સોજો જોવા મળે છે.
તેનો મૃત્યુદર 1 થી 10 ટકા છે.
આ રોગનો ફેલાવો 7 થી 14 દિવસનો હોય છે.
તે પ્રાણીથી મનુષ્યમાં અને મનુષ્યથી મનુષ્યમાં ફેલાય છે.
વાયરસ ચેપગ્રસ્ત ત્વચા અથવા શ્વસન માર્ગને ચેપ લગાડે છે.
મંકીપોક્સ એ એક રોગ છે જે શરીરના અન્ય ભાગોમાં ફેલાય છે. જ્યારે વાયરસ શરીરના પ્રવાહીના સંપર્કમાં આવે છે, જેમ કે ઘામાંથી સ્ત્રાવ, શરીરના પ્રવાહી વગેરે.
આ રોગ ચેપી છે અને 1 થી 2 દિવસમાં દર્દીથી દર્દીમાં ફેલાય છે.