ફૂટનુ પ્રુફ ! શિંદે જૂથનો દાવો, સુશાંત સિંહ રાજપૂત કેસમાં રાણેએ આદિત્ય ઠાકરેને બદનામ કર્યા

એનસીપી નેતા શશિકાંત શિંદેનો (Shashikant Shinde) દાવો છે કે ફડણવીસની યોજના સીએમ બનવાની છે. આ મુજબ શિંદે જૂથના ધારાસભ્યો સુપ્રીમ કોર્ટ દ્વારા અયોગ્ય સાબિત થશે અને તેઓ મુખ્યમંત્રી બનશે.

ફૂટનુ પ્રુફ ! શિંદે જૂથનો દાવો, સુશાંત સિંહ રાજપૂત કેસમાં રાણેએ આદિત્ય ઠાકરેને બદનામ કર્યા
Deepak Kesarkar
TV9 GUJARATI

| Edited By: Nidhi Bhatt

Aug 05, 2022 | 6:58 PM

શું શિંદે-ફડણવીસ સરકારમાં તિરાડ પડી છે? શું શિંદે જૂથની શિવસેના અને ફડણવીસની ભાજપ વચ્ચે તાલમેલ નથી? શું શિંદે જૂથ જે ઇચ્છે છે તે આપી શકવા માટે ભાજપ સક્ષમ નથી, તેથી જ મંત્રીમંડળનું વિસ્તરણ (Cabinet expansion) નથી થઈ રહ્યું? આખરે, શું કારણ છે કે શિંદે જૂથના પ્રવક્તા દીપક કેસરકર શુક્રવારે (5 ઓગસ્ટ)ના રોજ તેમની પ્રેસ કોન્ફરન્સમાં આદિત્ય ઠાકરે પ્રત્યે સહાનુભૂતિ દર્શાવતા જોવા મળ્યા હતા અને તેમણે આદિત્ય ઠાકરેને સુશાંત સિંહ રાજપૂત (Sushant Singh Rajput) કેસમાં ખેંચવા માટે કેન્દ્રીય નેતા નારાયણ રાણે પર હુમલો કરતા નજર આવ્યા ?

શિંદે જૂથના પ્રવક્તા દીપક કેસરકરે દાવો કર્યો છે કે સુશાંત સિંહ રાજપૂત કેસમાં આદિત્ય ઠાકરેને બળજબરીથી ખેંચવામાં આવ્યા હતા. કોઈપણ આધાર વગર રાણેના પિતા અને પુત્રોએ તેમનું નામ બદનામ કર્યું હતું. જેના કારણે ઉદ્ધવ ઠાકરે ખૂબ નારાજ હતા. તેમણે ખુદ પીએમ નરેન્દ્ર મોદીને આ વાત જણાવી હતી. દીપક કેસરકરે એવો પણ દાવો કર્યો હતો કે ગયા વર્ષે પીએમ મોદીને મળ્યા બાદ ઉદ્ધવ ઠાકરેએ મહા વિકાસ અઘાડીમાંથી બહાર નીકળવાનું મન બનાવી લીધું હતું. પરંતુ નારાયણ રાણેને કેન્દ્રીય મંત્રી બનાવવામાં આવતા તેઓ નારાજ થયા હતા.

બીજી તરફ ભાજપ અને શિવસેના એકબીજાની નજીક આવવા લાગ્યા, પરંતુ ત્યારબાદ વિધાનસભામાં ભાજપના 12 ધારાસભ્યોને સસ્પેન્ડ કર્યા બાદ કેન્દ્રીય નેતૃત્વ ઉદ્ધવ ઠાકરેથી નારાજ થઈ ગયું. દીપક કેસરકરે કહ્યું છે કે જો તેમની વાતમાં તથ્ય નહીં હોય તો તેઓ જાહેર જીવનમાંથી નિવૃત્તિ લઈ લેશે.

ફડણવીસ પોતે સીએમ બનવા માટે શિંદે જૂથને લટકાવી રહ્યા છે?

આ દરમિયાન એનસીપી નેતા શશિકાંત શિંદેએ ભાજપ અને દેવેન્દ્ર ફડણવીસ પર પ્રહારો કરતા આરોપ લગાવ્યો છે કે ફડણવીસે પોતે સીએમ બનવું છે. શિંદે જૂથના 16 ધારાસભ્યો પર અયોગ્યતાના કેસની નોટિસ અંગે સુપ્રીમ કોર્ટમાં લેવામાં આવનાર નિર્ણય હેઠળ તેઓ ગેરલાયક સાબિત થશે. શિંદે જૂથના ધારાસભ્યો ગેરલાયક સાબિત થતાં જ ફડણવીસ જાતે જ ચાલાકી કરીને મુખ્યમંત્રી બનશે.

આ દરમિયાન સમાચાર છે કે કેસરકરના આરોપ બાદ ભાજપના ધારાસભ્ય અને કેન્દ્રીય મંત્રી નારાયણ રાણેના પુત્ર નિતેશ રાણે દેવેન્દ્ર ફડણવીસને મળવા તેમના સાગર બંગલે પહોંચ્યા હતા. કેબિનેટ વિસ્તરણની ચર્ચા વચ્ચે અચાનક ફરી એકવાર દેવેન્દ્ર ફડણવીસ બે દિવસીય દિલ્હીની મુલાકાતે જઈ રહ્યા છે. આવતીકાલે અને પરમ દિવસે તેઓ દિલ્હીમાં હશે. દિલ્હીમાં પાંચ કલાક વિતાવ્યા બાદ ફડણવીસ ગઈ કાલે મુંબઈ પહોંચ્યા હતા. ફરી અચાનક દિલ્હીનો પ્રવાસ અનેક સવાલો ઉભા કરી રહ્યો છે. સત્તાવાર રીતે હર ઘર તિરંગા યાત્રાને લઈને ભાજપની મહત્વની બેઠક છે. તેઓ આ બેઠકમાં હાજરી આપવા ગયા છે.

Follow us on

Related Stories

Most Read Stories

Click on your DTH Provider to Add TV9 Gujarati