મુંબઈમાં મુશળધાર વરસાદ, હવામાન વિભાગે લોકોને ઘરમાં જ રહેવા કરી અપીલ
મુંબઈમાં વરસાદનું આગમન થઈ ગયું છે અને ભારે વરસાદના લીધે લોકોને મુશ્કેલીનો સામનો કરવો પડી રહ્યો છે. કલાકો સુધી મુંબઈના વિવિધ વિસ્તારોમાં આજે વરસાદ વરસ્યો હતો. જો કે આ પહેલાં જ હવામાન વિભાગે શુક્રવાર અને શનિવારના રોજ ભારે વરસાદની આગાહી આપી હતી. આટલું જ નહીં પણ ભારે વરસાદની સંભાવના હોવાથી લોકોને ઘરમાં જ રહેવા માટે […]
મુંબઈમાં વરસાદનું આગમન થઈ ગયું છે અને ભારે વરસાદના લીધે લોકોને મુશ્કેલીનો સામનો કરવો પડી રહ્યો છે. કલાકો સુધી મુંબઈના વિવિધ વિસ્તારોમાં આજે વરસાદ વરસ્યો હતો. જો કે આ પહેલાં જ હવામાન વિભાગે શુક્રવાર અને શનિવારના રોજ ભારે વરસાદની આગાહી આપી હતી. આટલું જ નહીં પણ ભારે વરસાદની સંભાવના હોવાથી લોકોને ઘરમાં જ રહેવા માટે મુંબઈ પોલીસ દ્વારા પણ અપીલ કરવામાં આવી હતી.
આ પણ વાંચો : દેશમાં કોરોના વાઈરસના સંક્રમણને લઈને રાહતના સમાચાર, 60 ટકાથી વધુ દર્દી થયા સ્વસ્થ
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
જો કે શુક્રવારના બદલે ગુરુવારની રાત્રે જ મુંબઈમાં ભારે વરસાદનું આગમન થયું હતું. શુક્રવારના રોજ સવારથી ભારે વરસાદે મુંબઈ શહેરના બાનમાં લીધું હતું. શહેરના વિવિધ વિસ્તારમાં ભારે વરસાદના લીધે પાણી પણ ભરાઈ ગયા હતા. અહેવાલ મુજબ મુંબઈના હિંદમાતા, સાયન અને કૂર્લા વિસ્તારમાં ભારે વરસાદના લીધે પાણી ભરાઈ ગયા હતા.
હવામાન વિભાગે ભારેથી અતિભારે વરસાદની આગાહી આપી જ હતી. આ સિવાય લોકોને ઘરમાં જ રહેવા માટે અપીલ કરવામાં આવી હતી. ગુરુવારના રોજ હવામાન વિભાગે મુંબઈમાં ઓરેન્જ એલર્ટ આપ્યું હતું. ઉપરાંત આશંકા વ્યક્ત કરી હતી કે જૂની ઈમારતોને ભારે વરસાદના લીધે નુકસાન પહોંચી શકે છે. જો કે શુક્રવારના રોજ સવારે જ પાણી ભરાઈ ગયું હોવાથી લોકોને ટ્રાકિફજામનો સામનો કરવો પડ્યો હતો.