Skin Care : ત્વચાની સમસ્યાઓથી બચવા માટે સનસ્ક્રીન લગાવવું જરૂરી, જાણો તેના ફાયદા

Skin Care : સૂર્યના હાનિકારક કિરણોથી બચવા માટે સનસ્ક્રીન લગાવવું ખૂબ જ જરૂરી છે. આ ઉપરાંત, તે ટેનિંગ, વૃદ્ધત્વના ચિહ્નોને ઘટાડવામાં પણ મદદ કરે છે. ચાલો જાણીએ તેના ફાયદાઓ વિશે.

Skin Care : ત્વચાની સમસ્યાઓથી બચવા માટે સનસ્ક્રીન લગાવવું જરૂરી, જાણો તેના ફાયદા
sun screen beauty benefits

Skin Care : આપણે બધા જાણીએ છીએ કે સનસ્ક્રીન (Sunscreen) ત્વચા માટે ખૂબ ફાયદાકારક છે. તે તમારા શરીરને સૂર્યના હાનિકારક કિરણોથી બચાવવાનું કામ કરે છે. આ ઉપરાંત, તે સનબર્ન, ટેનિંગ અને અન્ય સમસ્યાઓથી છુટકારો આપે છે. આ ઉપરાંત, તે વૃદ્ધત્વના ચિહ્નો ઘટાડે છે અને ત્વચાના કેન્સર (Cancer)નું જોખમ ઘટાડવામાં પણ મદદ કરે છે.

ત્વચાની સમસ્યાઓથી બચવા માટે સનસ્ક્રીન લગાવવું જરૂરી છે. હંમેશા SPF 30 કે તેથી વધુ વાળું સનસ્ક્રીન વાપરો. સનસ્ક્રીન (Sunscreen) લગાવતી વખતે શરીરના આ ભાગોનું ખાસ ધ્યાન રાખવું જોઈએ. ચાલો તેના વિશે જાણીએ.

હોઠ

હોઠ (Lips) આપણી ત્વચાનો સૌથી સંવેદનશીલ ભાગ છે અને બાકીના શરીરની તુલનામાં સૂર્યના હાનિકારક કિરણો સૌથી વધુ નુકસાન પહોંચાડે છે. મોટાભાગના લોકો તેમના હોઠ ભૂલી જાય છે અને ચામડીનું કેન્સર (Skin cancer) સરળતાથી આ ભાગમાં થાય છે. તેથી, હંમેશા તમારા હોઠ પર એસપીએફ લિપ બામ (Lip balm) અને ચહેરા પર સન સ્ક્રીન લગાવો.

આંખ

મોટાભાગના લોકો આંખોની આસપાસ કોઈ પણ પ્રકારની પ્રોડક્ટ લગાવવાનું ટાળે છે કારણ કે આંખોને નુકસાન થવાનો ભય રહે છે. જો તમે કોઈ પણ પ્રકારની પ્રોડક્ટ લગાવવા માંગતા નથી, તો ઘરથી બહાર જતા પહેલા ચોક્કસપણે સનગ્લાસ (Sunglasses) પહેરો. તે તમારી આંખોને સૂર્યના હાનિકારક કિરણોથી બચાવવામાં મદદ કરે છે.

કાન

મોટાભાગના લોકો કાનની આસપાસ સનસ્ક્રીન લગાવતા નથી. સનસ્ક્રીન ન લગાવવાથી કાન (Ears)ને નુકસાન થાય છે. ઘરની બહાર નીકળતા પહેલા હંમેશા કાનની આસપાસ અને પાછળ સનસ્ક્રીન લગાવો.

હાથ અને પગ

જો તમે ઘરની બહાર નીકળતી વખતે મોજા કે સ્નીકર્સ પહેરતા નથી, તો ચોક્કસપણે સનસ્ક્રીન લગાવો. જો તમે દરિયા કિનારે ફરતા હોય તો પગના તળિયા પર પણ સનસ્ક્રીન લગાવવી જોઈએ. લાંબા સમય સુધી સૂર્યના સંપર્કમાં રહેવાથી ત્વચા પર ફોલ્લીઓ અને કરચલીઓ પડે છે. આ સિવાય ત્વચાના કેન્સર (Skin cancer)નું જોખમ પણ રહેલું છે. જો તમે આખો દિવસ બહાર ફરવા જઇ રહ્યા છો, તો હાથ અને પગ પર સનસ્ક્રીન સારી રીતે લગાવો.

ગરદન

ગરદન શરીરનો એક મહત્વનો ભાગ છે જે હંમેશા દેખાય છે. ગરદન પર પહેલા ટેનિંગ દેખાય છે, તેથી બહાર જતા પહેલા સનસ્ક્રીન લગાવો. આ સિવાય વાળને સ્કાર્ફ કે કેપથી ઢાંકવાનું ભૂલશો નહીં. લાંબા સમય સુધી તડકામાં રહેવાથી ત્વચાને નુકસાન થાય છે.

 

(નોંઘ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)

આ પણ વાંચો : BCCI નો ભેદભાવ ? IPL 2021ના ​​ખેલાડીઓ ચાર્ટર પ્લેનથી અને અન્ય ખેલાડીઓ કોમર્શિયલ ફ્લાઇટમાં આવ્યા !

Click on your DTH Provider to Add TV9 Gujarati