Lifestyle : ઇલેક્ટ્રિક સાઇકલ ખરીદવાનો વિચાર કરી રહ્યા છો ? તો એકવાર આ જરૂર વાંચો
આજકાલ ઇલેક્ટ્રિક વાહનોનો જમાનો છે. તેવામાં જો તમે પણ સ્વાસ્થ્ય માટે ઇલેક્ટ્રિક સાઇકલ ખરીદવાનો વિચાર કરી રહ્યા હોવ તો પહેલા આ આર્ટિકલ જરુરુ વાંચજો.
છેલ્લા કેટલાક વર્ષોમાં, ઇલેક્ટ્રિક બાઇક અને સાયકલ ટ્રેન્ડમાં આવી છે. દર વર્ષે ઘણી કંપનીઓ નવી ઇલેક્ટ્રિક સાઇકલ પણ લોન્ચ કરે છે. વિદેશી લોકોની જેમ ભારતીય લોકો પણ આવી વસ્તુઓને ખૂબ પસંદ કરે છે. ખાસ કરીને ઇલેક્ટ્રિક સાયકલ. ભારતીય લોકો ફિટનેસ માટે ઇલેક્ટ્રિક સાઇકલને ખૂબ પસંદ કરે છે, કારણ કે તેઓ તેને પાર્ક અથવા બગીચામાં સરળતાથી ચલાવી શકે છે. આવી સ્થિતિમાં, જો તમે પણ ઈલેક્ટ્રિક સાઈકલ ખરીદવાનું વિચારી રહ્યા છો, તો તમારે કેટલીક ખાસ બાબતો પર ધ્યાન આપવાની જરૂર છે. એવું ન થાય કે તમે ખોટી ઇલેક્ટ્રિક સાઇકલ ખરીદી છે અને પછીથી પરેશાન થવાનો વારો આવે.
બેટરીલાઈફ ઇલેક્ટ્રિક સાયકલ ખરીદતા પહેલા ધ્યાન આપવાની સૌથી મહત્વની બાબત તેની બેટરી લાઇફ છે. કારણ કે, જો બેટરીની લાઈફ યોગ્ય ન હોય તો એકથી બે દિવસ પછી સાઈકલની બેટરી નીચે ઉતરી જાય છે. આવી સ્થિતિમાં, તમારે જાણવું જ જોઇએ કે બેટરીની લાઈફ શું છે. ઉપરાંત, જો સાઇકલને લિથિયમ-આયન બેટરી પેક લગાવવામાં આવે તો બેટરીની લાઇફ અમુક અંશે સુધારી શકાય છે. તે અન્ય બેટરીઓ કરતા વધુ સમય સુધી ટકી શકે છે.
રાઇડિંગ રેન્જ ઇલેક્ટ્રિક બાઇક ખરીદતી વખતે તમે જે રીતે રાઇડિંગ રેન્જ ચેક કરો છો, તે જ રીતે ઇલેક્ટ્રિક સાઇકલ ખરીદતી વખતે તમારે રેન્જ ચેક કરવાની જરૂર છે. સામાન્ય રીતે બેટરી સંપૂર્ણ ચાર્જમાં વીસથી પચીસ કિલોમીટર સુધી ચાલવી જોઈએ. જો કે, આ સત્તાવાર પુરાવો નથી. બેટરીનું જીવન ચક્ર કેટલા કિલોમીટર ચાલી શકે છે તેના પર પણ આધાર રાખે છે.
ચાર્જિંગ પોઇન્ટ જ્યારે તમે ઇલેક્ટ્રિક સાયકલ ખરીદો છો, ત્યારે તમારે બેટરી તેમજ ચાર્જિંગ પોઇન્ટ પર ધ્યાન આપવાની જરૂર છે. કેટલીક વખત ચાર્જિંગની સમસ્યાને કારણે સાઇકલની બેટરી યોગ્ય રીતે ચાર્જ થતી નથી. ઘણી વખત ઇલેક્ટ્રિક સાઇકલ ચાર્જ કરવા માટે ઘરમાં અલગ પ્લગ બનાવવો પડે છે.
જાળવણી ખર્ચ માત્ર સાઈકલ ખરીદવી પૂરતી નથી. તેના બદલે, તેની જાળવણી પર ધ્યાન આપવું પણ ખૂબ જ મહત્વપૂર્ણ છે. કેટલીકવાર સાયકલ ખરીદવી સસ્તી લાગે છે, પરંતુ જો તેમાં કંઇક ખોટું થાય છે, તો તેને મેઈન્ટેઈન કરવી મોટી સમસ્યા થઇ જાય છે. આવી સ્થિતિમાં, તમારે ધ્યાનમાં રાખવું જોઈએ કે જો ઇલેક્ટ્રિક સાયકલ ડેમેજ થાય, તો તેના ભાગો સરળતાથી મળી જશે કે નહીં. કેટલીકવાર મેઇન્ટેનન્સ પાછળ પણ વધુ પૈસા ખર્ચવાનો ડર રહે છે.
એવી ઘણી ઇલેક્ટ્રિક સાયકલ છે,જે ઘણો અવાજ કરે છે, તેથી તેને પણ ધ્યાનમાં રાખો. સાયકલની બેટરી વોરંટી વિશે ખાતરી કરો. આ સિવાય, એક કે બે વાર બ્રેક ચેક કરવાની ખાતરી કરો.વ્હીલની ગુણવત્તા તપાસવાનું ભૂલશો નહીં. ટૂંકમાં સાયકલના ભાગો મજબૂત છે કે નહીં તે ચકાસી લો.
આ પણ વાંચો : women cricket: ઓસ્ટ્રેલિયામાં હોટલમાં કેદ રહેશે મહિલા ટીમ, પ્રેક્ટિસ કરવાની તક નહીં મળે! જાણો શું છે કારણ