WT-20 લીગ: સુપરનોવાએ વેલોસીટી સામે 8 વિકેટ ગુમાવી 126 રનનો સ્કોર કર્યો, અટ્ટાપટ્ટુના શાનદાર 44 રન, એકતા બીસ્ટની ત્રણ વિકેટ
શારજાહ ખાતે આજે Womens T20 Challenge 2020ની પ્રથમ મેચ રમાઈ રહી છે. સુપરનોવાઝ અને વેલોસીટી વચ્ચે આ મેચ રમાઈ રહી છે. જેમાં વેલોસીટીએ ટોસ જીતીને પ્રથમ બોલીંગ પસંદ કરી હતી. સુપરનોવાઝની ટીમ બેટીંગ માટે મેદાન પર સળંગ ત્રીજી વાર ટાઈટલ હાંસલ કરવાના ઉત્સાહ સાથે ઉતરી હતી. ટીમે ઓપનર ચમારી અટ્ટાપટ્ટુના 44 રનની મદદથી સારી શરુઆત […]
શારજાહ ખાતે આજે Womens T20 Challenge 2020ની પ્રથમ મેચ રમાઈ રહી છે. સુપરનોવાઝ અને વેલોસીટી વચ્ચે આ મેચ રમાઈ રહી છે. જેમાં વેલોસીટીએ ટોસ જીતીને પ્રથમ બોલીંગ પસંદ કરી હતી. સુપરનોવાઝની ટીમ બેટીંગ માટે મેદાન પર સળંગ ત્રીજી વાર ટાઈટલ હાંસલ કરવાના ઉત્સાહ સાથે ઉતરી હતી. ટીમે ઓપનર ચમારી અટ્ટાપટ્ટુના 44 રનની મદદથી સારી શરુઆત કરી હતી. સુપરનોવાઝે 20 ઓવરના અંતે આઠ વિકેટ ગુમાવીને 126 રન કર્યા હતા. એકતા બીસ્ટે ત્રણ વિકેટ ઝડપી હતી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
સુપરનોવાઝની બેટીંગ
ઓપનર ચમારી અટ્ટાપટુએ સારી રમત દાખવી હતી. તેણે 39 બોલમાં 44 રન ફટકાર્યા હતા. જેમાં બે છગ્ગા અને બે ચોગ્ગા પણ સામેલ હતા. ટીમે 30 રનના સ્કોર પર પ્રથમ વિકેટ પ્રિયા પુણીયાની ગુમાવી હતી, જે 11 રન કરીને આઉટ થઈ હતી. 42 રનના સ્કોર પર ટીમ હતી ત્યારે બીજી વિકેટ જેમીમા રોડ્રીઝની વિકેટ ગુમાવી હતી. તેણે સાત રન જોડ્યા હતા. અટ્ટાપટ્ટુ ટીમના 89 રનના સ્કોર પર આઉટ થઇ હતી. જોકે કેપ્ટન હરમનપ્રિત કૌરે બાજી સંભાળવાનો પ્રયત્ન કરીને 27 બોલમાં 31 રન જોડ્યા હતા. પરંતુ તે પણ 111 રનના પર ટીમ પહોંચી ત્યારે આઉટ થઈ ચુકી હતી. પુજા વસ્ત્રાકર શુન્ય રન પર વિકેટ ગુમાવી બેઠી હતી. જ્યારે શશિકલા શ્રીવર્ધને 18 રન કરીને રન આઉટ થઈ હતી. રાધા યાદવ બે અને શકિરા સલમાને પાંચ રન કરીને પોતાની વિકેટ ગુમાવી દીધી હતી.
વેલોસીટીની બોલીંગ
જહાંઆરા આલમ અને લેઈ કાસ્પેરેકે સારુ બોલીંગ પ્રદર્શન કરીને સુપરનોવાઝની ટીમને દબાણમાં લેવા માટે પ્રયાસ કર્યો હતો. બંને બોલરોએ બે-બે વિકેટ ઝડપી હતી. એકતા બિસ્ટે પણ જેમીમાનું ઓફ સ્ટમ્પ ખેરવીને ક્લીન બોલ્ડ કરી દીધી હતી. અંતિમ ઓવર દરમ્યાન પણ સળંગ બે વિકેટ ઝડપતા ચાર ઓવરમાં 22 રન આપીને ત્રણ વિકેટ ઝડપી હતી. શિખા પાંડેએ પણ કરકસર ભરી બોલીગ કરી હતી, તેણે ચાર ઓવરમાં માત્ર 18 રન આપ્યા હતા. જોકે તેને વિકેટ મળી શકી નહોતી.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો