ચંદ્ર ઉપર પહોંચનાર હવે પૃથ્વી પર કોલ કરી સલામત લેન્ડિંગની ખબર આપી શકશે, જાણો કંઈ રીતે ?
પહેલા ચંદ્ર ઉપર પહેલું ડગલું આશ્ચર્ય હતું. ત્યારબાદ ચંદ્ર ઉપર જમીનની માલિકી. અને હવે વિજ્ઞાન એક કદમ આગળ વધી ચંદ્ર ઉપર સેલ્યુલર નેટવર્ક સ્થાપવા જઈ રહ્યું છે. ચંદ્ર પર પ્રથમ સેલ્યુલર નેટવર્ક બનાવવા માટે નોકિયાની પસંદગી નાસા દ્વારા કરાઇ છે. યુએસ સ્પેસ એજન્સી અનુસાર ભવિષ્યમાં મનુષ્ય ફરી ચંદ્ર પર જશે. અને વસાહતો સ્થાપિત કરશે. નાસાએ […]
નોકિયાએ યોજનામાં તેની ભૂમિકાને લઇ કહ્યું છેકે અંતરિક્ષમાં પ્રથમ વાયરલેસ બ્રોડબેન્ડ કમ્યુનિકેશન સિસ્ટમ 2022 ના અંતમાં ચંદ્ર સપાટી પર બનાવવામાં આવશે. આ માટે કંપની ટેક્સાસ સ્થિત ખાનગી સ્પેસ ક્રાફ્ટ ડિઝાઇન કંપની ઇન્ટ્યુટિવ મશીન સાથે ભાગીદારી કરશે. જે નોકિયાના ઉપકરણોને ચંદ્ર પર પહોંચાડવાનું કામ કરશે. નેટવર્ક પોતાને કોન્ફીગર કરશે.
અને ચંદ્ર પર 4G / LTEકોમ્યુનિકેશન સિસ્ટમ સ્થાપિત કરશે. નોકિયાએ આટલેથી ન અટકી અપગ્રેડેશન સાથે નેટવર્ક 5G પર સ્વિચ કરશે. નેટવર્ક અવકાશયાત્રીઓને વોઈસ અને વિડિઓ કોમ્યુનિકેશન સુવિધા તેમજ ટેલિમેટ્રી અને બાયોમેટ્રિક ડેટા વિનિમયની સુવિધા સાથે રોવર્સ અને અન્ય રોબોટિક ઉપકરણોને ઇન્સ્ટોલ અને રીમોટ કંટ્રોલથી ઓપરેટ કરવા સપોર્ટ કરશે.
નેટવર્કને એવી રીતે ડિઝાઇન કરવામાં આવશે કે તે ચંદ્ર પર લોન્ચિંગ અને લેન્ડિંગની વિષમ પરિસ્થિતિઓમાં પણ તે ટકી શકશે. કદ, વજન અને વિજળીની કમીને ધ્યાનમાં રાખી તેને ચંદ્ર પર ખૂબ જ કોમ્પેક્ટ સ્વરૂપમાં મોકલાશે. આ તડામાર તૈયારીઓ અને આયોજનોને જોતા ચંદ્ર ઉપર પહોંચનાર હવે ભવિષ્યના લોકો જો લેન્ડિંગ બાદ ઘરે કોલ કરી સલામત પહોંચી ગયા હોવાની ખબર આપે તો નવાઈ નહિ.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
Latest News Updates
