એર ઈન્ડિયા અને સ્પાઈસ જેટ ઉડાવશે જેટ એરવેઝના વિમાન?

જેટ એરવેઝના ઘણા વિમાન આવતા અઠવાડિયાથી ઉડી શકે છે. સુ્ત્ર દ્વારા મળતી માહિતી મુજબ સ્પાઈસ જેટ જેટ એરવેઝના 30થી 40 બોઈંગ 737 વિમાનોને ઉડાવવા માટે તૈયાર છે.

ત્યારે એરઈન્ડિયા 5 બોઈંગ 777 અને ઘણાં B737 વિમાનોને ઉડાવશે. 10 દિવસની અંદર 40-45 વિમાન જેટના ફરીથી ઉડવા લાગશે. તેનાથી જેટ એરવેઝના ઘણાં કર્મચારીઓને કામ અને પૈસા મળી શકશે. કારણ કે આ વિમાનોને ક્રૂ મેમ્બરની સાથે ભાડે લેવામાં આવશે.

ફલાઈટમાં વધારો થવાથી ટિકીટની ભાવમાં સ્થિરતા આવશે. તેની શરૂઆત નજીકના રૂટથી થશે. એક વખત જ્યારે લંડન, દુબઈ, અને સિંગાપુર જેવા શહેરો માટે B777 વિમાન ચાલુ થશે તો આતંરરાષ્ટ્રીય રૂટ પર પણ ટિકીટના ભાવ સામાન્ય થઈ શકશે.

નાગરિક ઉડ્ડયન સચિવ પી.એસ. ખરલાએ જણાવ્યુ હતુ કે નજીકના રૂટ પર 75 વિમાન સિસ્ટમથી બાહર થઈ ગયા છે. અન્ય ભારતીય વિમાન કંપનીઓએ છેલ્લા 5 મહીનામાં 58 વિમાનોને સામેલ કર્યા છે. તે છતાં 17 વિમાનો ઓછા છે. જો 30થી 45 વિમાન એર ઈન્ડિયા અને સ્પાઈસ જેટની સાથે ઉડવા લાગશે તો નજીકના રૂટ પર ગેપ થોડી ભરી શકાશે અને ટિકીટના ભાવ ઓછા થવામાં પણ મદદ મળશે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]