દિગ્ગજ ફુટબોલર મારાડોનાનુ નિધન: ગાંગુલી, સચિન સહિત દેશ અને દુનિયાના દિગ્ગજોએ પાઠવ્યા શોક સંદેશા
આર્જેન્ટીનાના પોતાના જમાનાના દિગ્ગજ ફુટબોલર ડિએગો મારાડોનાનુ નિધન થયાના માઠા સમાચાર આવ્યા છે. આર્જેન્ટીના મિડીયા મુજબ, હ્રદયરોગના હુમલાને લઇને મારાડોનાનુ નિધન થયુ છે. તેમણે 60 વર્ષની ઉંમરમાં જ અંતિમ શ્વાસ લીધા છે, તેઓ લાંબા સમય થી નાદુરસ્ત હતા. તેમના અવસાનના સમાચાર મળતા જ દેશ અને દુનિયાના દિગ્ગજ ખેલાડીઓ ઉપરાંત રાજનેતાઓ અને તેમના પ્રશસકોએ શોક સંદેશા […]
આર્જેન્ટીનાના પોતાના જમાનાના દિગ્ગજ ફુટબોલર ડિએગો મારાડોનાનુ નિધન થયાના માઠા સમાચાર આવ્યા છે. આર્જેન્ટીના મિડીયા મુજબ, હ્રદયરોગના હુમલાને લઇને મારાડોનાનુ નિધન થયુ છે. તેમણે 60 વર્ષની ઉંમરમાં જ અંતિમ શ્વાસ લીધા છે, તેઓ લાંબા સમય થી નાદુરસ્ત હતા. તેમના અવસાનના સમાચાર મળતા જ દેશ અને દુનિયાના દિગ્ગજ ખેલાડીઓ ઉપરાંત રાજનેતાઓ અને તેમના પ્રશસકોએ શોક સંદેશા પાઠવ્યા હતા.
બે માસ અગાઉ જ તેમણે બ્રેન ક્લોટ ના કારણે સર્જરી કરાવી હતી. મારાડોનાના નિધન પર પ્રતિક્રીયાઓનો દૌર પણ શરુ થઇ ગયો છે. બીસીસીઆઇના અધ્યક્ષ અને ટીમ ઇન્ડીયાના પુર્વ કેપ્ટન સૌરવ ગાંગુલીએ પણ ટ્વીટ કર્યુ છે કે, મારા હિરો નથી રહ્યા હવે, મે તમારા માટે જ ફુટબોલ જોઇ. ગાંગુલી પણ પોતાના હિરો ના અવસાનને લઇ ને ખુબ દુખી જણાયો હતો. આ ઉપરાંત લીટલ માસ્ટર સચિન તેંદુલકરે પણ ટ્વીટ કરીને દુખ વ્યક્ત કર્યુ હતુ.
ડિએગો મારાડોનાને સર્વકાલીન મહાન ફુટબોલર કહેવામાં આવે છે. આર્જેન્ટીનાને 1986માં ફુટબોલ વર્લ્ડ કપ જિતાડવામાં તેણે મહત્વની ભૂમિકા નિભાવી હતી. મારાડોનાએ વર્ષ 1976માં ફુટબોલની દુનિયામાં પ્રથમ ડગ માંડ્યુ હતુ. તેના એક દશક બાદ તેમની કેપ્ટનશીપમાં આર્જેન્ટીનાએ 1986 નો વિશ્વકપ જીત્યો હતો. આ દરમ્યાન તેમણે ફુટબોલની રમતના ઇતિહાસના બે યાદગાર ગોલ પણ કર્યા હતા. આ બહેતરીન ખેલાડીના કદનો અંદાજો એ વાત થી લગાવી શકાય છે કે, તેમના દેશ આર્જેન્ટીના ના બ્યુનસ આયર્સમાં નવ ફિટ ઉંચી તેમની પ્રતિમા લગાવી હતી. વર્ષ 2018 માં ડિએગો મારાડોનાના 58 માં જન્મ દીવસનો જશ્ન મનાવતા, તેમની પ્રથમ કાંસ્ય પ્રતિમાનુ અનાવરણ કરવામાં આવ્યુ હતુ.
1986 ના વિશ્વ કપની એ ઘટનાને કોણ ભૂલી શકે છે, જ્યારે ડિએગો મારાડોનાએ હાથની મદદ થી ગોલ કર્યો હતો. બાદમાં તેમણે તેને હેન્ડ ઓફ ગોડ એટલે કે ઇશ્વર નો હાથ ગણાવ્યો હતો. મારાડોનાએ આ ગોલ ઇંગ્લેંડ સામેની મેચમાં કર્યો હતો. મારાડોના 1986 માં મેક્સિકોમાં રમાયેલા વિશ્વ કપમાં આર્જેન્ટીના ના કેપ્ટન હતા. તેમણે ક્વાર્ટર ફાઇનલમાં આર્જેન્ટીનાની ઇંગલેંડ સામે 2-1 થી જીત બાદ કહ્યુ હતુ કે, આ ઇશ્વરનો હાથ એટલે કે હેન્ડ ઓફ ગોડ હતો. તે વિશ્વ કપમાં મારાડોનાના દમ પર આર્જેટીના બીજી વાર ચેમ્પિયન બન્યુ હતુ. ફાઇનલમાં આર્જેન્ટીનાએ વેસ્ટ જર્મનીને 3-2 થી હાર આપીને બીજી વાર ટ્રોફી પર કબજો કર્યો હતો. તેમનુ આ કથન ખેલ જગતની સૌથી ચર્ચિત ટીપ્પણીઓમાં સામેલ છે.
My hero no more ..my mad genius rest in peace ..I watched football for you.. pic.twitter.com/JhqFffD2vr
— Sourav Ganguly (@SGanguly99) November 25, 2020
Football and the world of sports has lost one of its greatest players today.Rest in Peace Diego Maradona! You shall be missed. pic.twitter.com/QxhuROZ5a5
— Sachin Tendulkar (@sachin_rt) November 25, 2020
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Latest News Updates
