ઉત્તર પ્રદેશમાં જૈશ એ મોહમ્મદના મોટા NETWORKનો પર્દાફાશ, બે કાશ્મીરી આતંકવાદીઓની દેવબંદથી ધરપકડ, કરી રહ્યા હતા યુવાનોની ભરતી

ઉત્તર પ્રદેશમાં જૈશ એ મોહમ્મદના મોટા NETWORKનો પર્દાફાશ, બે કાશ્મીરી આતંકવાદીઓની દેવબંદથી ધરપકડ, કરી રહ્યા હતા યુવાનોની ભરતી

પુલવામા આતંકી હુમલા બાદ સમગ્ર દેશમાં ઍલર્ટ થઈ ગયેલી પોલીસને ઉત્તર પ્રદેશ પોલીસને એક મોટી સફળતા મળી છે. પોલીસે જૈશના બે આતંકીઓની ધરપકડ કરી છે.

શાહનવાઝ અને આકિબ

શાહનવાઝ અને આકિબ

 

ઉત્તર પોલીસના આતંકવાદ નિરોધક દળ (ATS)ની ટીમે વહેલી સવારે સહારનપુરના દેવબંદથી જૈશ એ મોહમ્મદ (JEM)ના એક આતંકવાદી શાહનવાઝ અહમદની ધરપકડ કરી છે. શાહનવાઝ કુલગામ-જમ્મુ કાશ્મીરનો રહેવાસી છે અને તે દેવબંદમાં હૉસ્ટેલમાં રહેતો હતો. તે જૈશનો આતંકવાદી છે.

નોંધનીય છે કે દેવબંદને ઇસ્લામિક સ્ટડીના મોટા કેન્દ્ર તરીકે ઓળખવામાં આવે છે. એટીએસની આ કાર્યવાહીના પગલે અને આતંકીઓની ધરપકડના પગલે દેવબંદમાં ખળભળાટ મચ્યો છે.

યૂપી ડીજીપી ઓ પી સિંહ

યૂપી ડીજીપી ઓ પી સિંહ

યૂપીના ડીજીપી ઓ પી સિંહે જણાવ્યું કે શાહનવાઝ પુલવામા આતંકી હુમલાની જવાબદારી લેનાર જૈશ એ મોહમ્મદનો સક્રિય સભ્ય છે. શાહનવાઝ સાથે આકિબ અહમદ મલિકની પણ ધરપકડ કરાઈ છે કે જે પુલવામાનો રહેવાસી છે. શાહનવાઝને ઉત્તર પ્રદેશમાં રહી જૈશ એ મોહમ્મદ સંગઠનમાં યુવાઓની ભરતી કરવાનું કામ મળ્યુ હતું. એટીએસના સકંજામાં આવેલા બંને શખ્સોની ઉંમર 25-26 વર્ષ છે. કેટલાક કાશ્મીરીઓ દેવબંદમાં એડમિશન વગર રહી રહ્યા છે. રાત્રે યૂપી એટીએસને શંકાસ્પદ આતંકીઓ વિશે બાતમી મળી હતી.

હાલમાં બંને આરોપીઓની પૂછપરછ કરવામાં આવી રહી છે અને પોલીસને લાગે છે કે બંને પાસેથી મહત્વની કડીઓ હાથ લાગી શકશે.

ડીજીપી સિંહે જણાવ્યું કે શાહનવાજ ગ્રૅનેડ એક્સપર્ટ છે. બંને પાસેથી 32 બોરની બે પિસ્તોલ અને 30 જીવતા કારતૂસો મળ્યા. બંને પાસેથી જેહાદી ચૅટ્સ પણ મળ્યા છે. બંનેની લિંક પુલવામા આતંકી હુમલા સાથે છે કે નહીં, તે કહેવું હમણા મુશ્કેલ છે.

દેવબંદમાં ગુરુવારે રાત્રે યૂપી એટીએસે ચલાવેલા ઑપરેશનમાં શાહનવાઝ અને આકિબ અહમદ મલિકની ધરપકડ કરાઈ. આ બંને યુવાનો લોકોને જૈશ એ મોહમ્મદમાં ભરતી કરવાનું કામ કરતા હતા. શાનવાઝ અને આકિબ દેવબંદની એક સંસ્થામાં ગેરકાયદે રીતે રહીને અન્ય યુવાનોને આતંકી સંગઠન સાથે જોડવાનું કામ કરી રહ્યા હતાં. એટીએસે દેવબંગના મોહલ્લા ખાનકાહ નીજક નાઝ મંજિલમાં દરોડા પાડ્યા. અહીંથી દુકાનદાર સહિત બે કાશ્મીરી વિદ્યાર્થીઓ અને 5 ઓડિશી વિદ્યાર્થીઓને અટકમાં લેવાયા. શાહનવાઝ જૈશના ઇશારે કામ કરતો હતો.

[yop_poll id=1688]

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]

Click on your DTH Provider to Add TV9 Gujarati