TRP SCAM: રિપબ્લિક ટીવીએ મુંબઈ પોલીસને આ કેસમાં તપાસ સ્થગિત કરવા જણાવ્યું, સુપ્રિમ કોર્ટમાં કરી અરજી
TRP કૌભાંડમાં 6 લોકોને મુંબઈ ક્રાઈમ બ્રાંચે સમન્સ પાઠવ્યા છે. જેમાં રિપબ્લિક ન્યૂઝ ચેનલના 4 વરિષ્ઠ સભ્યોને સમન્સ આપવામાં આવ્યુ છે તો સાથે હંસા રિસર્ચ ગ્રૂપના 2 સભ્યોને પૂછપરછ માટે બોલાવ્યા છે. મુંબઈ પોલીસ તરફથી કુલ 6ના આવતીકાલે પુછપરછ કરવામાં આવશે તો બીજી બાજુ રિપબ્લિક ન્યૂઝ ચેનલના એક વરિષ્ઠ અધિકારીએ સુપ્રિમ કોર્ટમાં કરેલી અરજીનો દાખલો […]
TRP કૌભાંડમાં 6 લોકોને મુંબઈ ક્રાઈમ બ્રાંચે સમન્સ પાઠવ્યા છે. જેમાં રિપબ્લિક ન્યૂઝ ચેનલના 4 વરિષ્ઠ સભ્યોને સમન્સ આપવામાં આવ્યુ છે તો સાથે હંસા રિસર્ચ ગ્રૂપના 2 સભ્યોને પૂછપરછ માટે બોલાવ્યા છે. મુંબઈ પોલીસ તરફથી કુલ 6ના આવતીકાલે પુછપરછ કરવામાં આવશે તો બીજી બાજુ રિપબ્લિક ન્યૂઝ ચેનલના એક વરિષ્ઠ અધિકારીએ સુપ્રિમ કોર્ટમાં કરેલી અરજીનો દાખલો આપતા મુંબઈ પોલીસને એક પત્ર લખ્યો છે, જેમાં સમન્સ મુલતવી રાખતા આ કેસમાં તપાસ સ્થગિત કરવા જણાવ્યું છે. રિપબ્લિક ટીવીએ મુંબઈ પોલીસને આ કેસમાં તપાસ સ્થગિત કરવા જણાવ્યું છે. રિપબ્લિક ટીવીના ચીફ ફાઈનાન્શિયલ ઓફિસર (સીએફઓ) શિવ સુંદરમે મુંબઈ પોલીસને પત્ર લખીને જણાવ્યું છે કે તેઓ ફક્ત 14-15 ઓક્ટોબર સુધીમાં જ કથિત બનાવટી ટીઆરપી રેટિંગ કૌભાંડની તપાસમાં જોડાવા માટે ઉપલબ્ધ રહેશે અને મુંબઈ પોલીસને હાલની કાર્યવાહી સ્થગિત રાખવા જણાવ્યું છે.
સાથે જ તેમને એ પણ કહ્યુ કે સુપ્રીમ કોર્ટે આ મામલે રિટ અરજીની સુનાવણી થાય ત્યા સુધી મુંબઈ પોલીસ આ મામલે તપાસ સ્થગિત રાખે. જોઈન્ટ કમિશનર ઓફ પોલીસ (ક્રાઈમ બ્રાંચ) મિલિંદ ભરાંબેએ આ પત્ર મળવાની પુષ્ટિ પણ કરી છે. BARC (Broadcast audience research council)ની એક ફરિયાદના આધારે મુંબઈ પોલીસે આ કાર્યવાહી હાથ ધરી છે. પોલીસે જણાવ્યા મુજબ રિપબ્લિક ટીવી અને અન્ય બે સ્થાનિક મુંબઈની ચેનલો નિર્ણાયક ડેટામાં હેરાફેરી કરવામાં સામેલ છે, જે દર્શાવે છે કે ટીવીના કયા કાર્યક્રમોને સૌથી વધુ જોવામાં આવે છે અને જાહેરાતકર્તાઓ દ્વારા તેનો ઉપયોગ જાહેરાત ખર્ચ સાથે સંબંધિત નિર્ણયો માટે કરવામાં આવે છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો