T-20 લીગ: બેંગ્લોરના આસાન સ્કોરને પાર કરી હૈદરાબાદનો 5 વિકેટે વિજય, સાહાની 39 રનની ઈનીંગ

સનરાઈઝર્સ હૈદરાબાદ અને રોયલ ચેસેન્જર્સ બેંગ્લોર વચ્ચે આજે શારજાહમાં મેચ યોજાઈ. ટી-20 લીગની 52મી મેચમાં હૈદરાબાદે ટોસ જીતીને પ્રથમ બેંગ્લોરને બેટીંગ કરવા માટે મેદાનમાં ઉતાર્યું હતું. આમ હૈદરાબાદે પ્રથમ બોલીંગ કરવાની યોજનામાં એક રીતે સફળ થઈ રહ્યું હોય એમ લાગ્યું હતું. કારણ કે બેંગ્લોરને તે બોલીંગ દ્વારા નિયંત્રણમાં રાખી શકવામાં સફળ નિવડ્યુ હતુ. 20 ઓવરના અંતે બેંગ્લોરે 7 વિકેટ ગુમાવીને 120 રનનો સ્કોર કર્યો હતો. જેના જવાબમાં સનરાઈઝર્સ હૈદરાબાદે સફળતાપુર્વક જ 14.1 ઓવરમાં જ વિજયી લક્ષ્યાંકને પાર પાડ્યુ હતુ. જોકે આ માટે હૈદરાબાદે 5 વિકેટ ગુમાવી હતી.

Web Stories View more

30 લાખની હોમ લોન પર કેટલી EMI ચૂકવવી પડશે, જાણી લો ગણિત

વિરાટ કે રોહિત નહીં, આ છે કથાકાર જયા કિશોરીનો ફેવરિટ ક્રિકેટર

ઉનાળાની ગરમીમાં ટ્રીપ પ્લાન કરતાં પહેલા જાણી લો 7 ટિપ્સ, નહીં તો વધશે મુશ્કેલી

ઉનાળામાં ઘરમાં AC, પંખા અને કુલરનો ઉપયોગ કરવામાં આવે તો વીજળીનું બિલ કેટલું આવશે?

આ સરળ રીતે ઘરના કૂંડામાં જ ઉગાડો લીલા-પીળા લીંબુ, જાણો ટિપ્સ

દરેક લોકોનું પ્રિય ફળ કેરીના પાનનું સેવન છે ફાયદાકારક

હૈદરાબાદની બેટીંગ

શરુઆતમાં જ કેપ્ટન ડેવિડ વોર્નરની વિકેટ ગુમાવતા જ હૈદરાબાદની શરુઆત સારી રહેશે કે કેમ તે મુંઝવણ હતી. પરંતુ જેમ જેમ રમત આગળ ચાલી હતી તેમ હૈદરાબાદના બેટ્સમેનોએ વિજય ગતીને જાળવવા પ્રયાસ કર્યો હતો. રિદ્ધીમાન સાહા અને મનિષ પાંડેએ 50 રનની ભાગીદારી રમત દાખવી હતી અને જીતના સ્કોર પર આગળ ટીમને વધારી હતી. મનિષ 19 બોલમાં 26 રન કરીને આઉટ થયો હતો. સાહા પણ 32 બોલમાં 39 રન કરીને આઉટ થયો હતો. કેન વિલિયમસન 08 રન જોડીને જ આઉટ થઇ ગયો હતો. જ્યારે અભિષેક શર્મા પણ આઠ રન કરીને વિકેટ ગુમાવી હતી. જેસન હોલ્ડરે 10 બોલમાં 26 ફટકારીને અંતમાં જીત માટેની રમત દર્શાવતુ પ્રદર્શન કર્યુ હતુ. તેણે ત્રણ છગ્ગા લગાવ્યા હતા. તે અણનમ રહ્યો હતો.

બેંગ્લોરની બોલીંગ

યુઝવેન્દ્ર ચહલે ત્રણ ઓવરમાં 13 રન આપીને બે વિકેટ ઝડપી હતી. તેણે કરકસર ભરી બોલીંગ કરી હતી. ટીમે લડત માટે આસાન સ્કોર આપવા છતાં પણ સારી બોલીંગ કરવાનો પ્રયાસ બેંગ્લોરના બોલરે કર્યો હતો. વોશિંગ્ટન સુંદરે ત્રણ ઓવરમાં 21 રન આપી એક વિકેટ ઝડપી હતી. નવદીપ સૈનીએ બે ઓવરમાં 30 રન આપીને એક વિકેટ ઝડપી હતી. જ્યારે ઈસુરુ ઉડાનાએ ત્રણ ઓવરમાં 20 રન આપીને એક વિકેટ ઝડપી હતી.

બેંગ્લોરની બેટીંગ

ટોસ હાર્યા બાદ ક્રીઝ પર આવેલા બેંગ્લોરને જાણે કે આજે તેનો દિવસ ના હોય તેવો અહેસાસ પ્રથમ બેટીંગ કરવામાં થઈ રહ્યો હશે. બેંગ્લોરે પ્રથમ વિકેટ ઓપનર પડીકકલના સ્વરુપમાં ગુમાવી હતી. તે વખતે ટીમનો સ્કોર માત્ર 13 રન હતો, જ્યારે પડીકકલે માત્ર પાંચ જ રન ટીમ માટે જોડી શક્યો હતો.  ત્યારબાદ ક્રિઝ પર આવેલા કેપ્ટન વિરાટ કોહલી પણ સાત રન જોડીને, ટીમના 28 રનના સ્કોર પર આઉટ થયો હતો. ડીવિલિયર્સ 24 રન અને વોશીંગ્ટન સુંદરે 21 રન કરીને સ્કોરને આગળ વધારવા પ્રયાસ કર્યો હતો. પરંતુ તે બંને પણ વિકેટ ગુમાવી બેઠા હતા. ઓપનર જોશ ફીલીપે 32 રન કરીને વિકેટને 12 મી ઓવર સુધી ટકાવી રાખ્યા બાદ તે પેવેલીયન પરત ફર્યો હતો. એક બાદ એક વિકેટો પડવાને લઈને દબાણને લઈ ટીમનો સ્કોર ધીમો પડ્યો હતો. ક્રિસ મોરીસ ત્રણ રન અને ઈસુરુ ઉડાનાએ શુન્ય રન કરીને વિકેટો ગુમાવી હતી. ગુરુકિરત માને 15 રન કરીને અણનમ રહ્યો હતો. આમ સાત વિકેટ ગુમાવીને બેંગ્લોરના બેટ્સમેનોએ 120 રન કર્યા હતા.

હૈદરાબાદની બોલીંગ.

એકદંરે આજે હૈદરાબાદના તમામ બોલરોએ એકજુટતા ભર્યો દેખાવ કર્યો હતો. તમામ બોલરોનું દબાણ એ સરખી રીતે બેંગ્લોર પર સર્જાયાનું મેચ દરમ્યાનન જોવા મળતુ હતુ. ખાસ કરીને સંદિપ શર્મા અને જેસન હોલ્ડરે બે-બે વિકેટ ઝડપી હતી. જ્યારે ટી.નટરાજને ચાર ઓવરમાં માત્ર 11 રન જ આપીને રન આપવામાં કરસરતા ભરી બોલીંગ કરી હતી.  શાહબાજ નદીમ અને રાશિદ ખાને પણ એક એક વિકેટ ઝડપી હતી. આમ હૈદરાબાદના એકજુટ બોલીંગ આક્રમણ સામે બેંગ્લોરના બેટ્સમેન ફાવી શક્યા નહોતા.