T-20 લીગ: ઓપનર શિખર ધવનના અણનમ 69 રન સાથે DCના 162 રન, MIએ 4 વિકેટ લીધી
સિઝનની બે શ્રેષ્ઠ ટીમો વચ્ચે ટી-20 લીગની 27મી મેચ અબુધાબીમાં રમાઈ રહી છે. દિલ્હી કેપીટલ્સને મુંબઈ ઈન્ડિયન્સ વચ્ચે રમાઇ રહેલી મેચમાં શ્રેયસ ઐયરે ટોસ જીત્યો હતો. દિલ્હીએ પ્રથમ બેટીંગ માટે મેદાનમાં ઉતરી હતી. કેપ્ટન શ્રેયસે 42 રન જોડ્યા હતા. જ્યારે શિખર ધવને એક સારી ઇનીંગ્સ રમી હતી, તેણે અડધી સદી સાથે 52 બોલમાં 69 રન […]
સિઝનની બે શ્રેષ્ઠ ટીમો વચ્ચે ટી-20 લીગની 27મી મેચ અબુધાબીમાં રમાઈ રહી છે. દિલ્હી કેપીટલ્સને મુંબઈ ઈન્ડિયન્સ વચ્ચે રમાઇ રહેલી મેચમાં શ્રેયસ ઐયરે ટોસ જીત્યો હતો. દિલ્હીએ પ્રથમ બેટીંગ માટે મેદાનમાં ઉતરી હતી. કેપ્ટન શ્રેયસે 42 રન જોડ્યા હતા. જ્યારે શિખર ધવને એક સારી ઇનીંગ્સ રમી હતી, તેણે અડધી સદી સાથે 52 બોલમાં 69 રન કર્યા હતા. 20 ઓવરને અંતે દિલ્હીએ મુંબઇ સામે 162 રનનો સ્કોર કર્યો હતો.
દિલ્હીની કેપીટલ્સની બેટીંગ ઇનીંગ
આખરે આશા મુજબ આજે શિખર ધવનનું બેટ ચાલ્યુ હતુ અને તેણે શરુઆતથી અંત સુધી ક્રિઝ પર ટકી રહેવામાં સફળ રહ્યો હતો. તેણે આજે અડધી સદી ફટકારી. મુંબઇ સામેની મેચમાં પૃથ્વી શો અગાઉની માફક પોતાની લયને આજે જાળવી શક્યો નહોતો. માત્ર ચાર રન બનાવીને તે ટ્રેન્ટના બોલ પર કૃણાલ પંડ્યાને હાથે કેચ ઝડપાયો હતો. દિલ્હીને બીજો ઝટકો 24 રનના સ્કોર પર અજીંક્ય રહાણેના રુપમાં મળ્યો હતો. તે 15 રન બનાવીને આઉટ થયો હતો. રહાણેની સિઝનમાં તેની પ્રથમ મેચ હતી. શ્રેયસ ઐયરે શિખર ધવન સાથે મળીને સારી ભાગીદારી નોંધાવવાનુ યોગદાન ટીમને પુરુ પાડ્યુ હતુ. 33 બોલમાં 42 રન બનાવીને તે મોટા શોટ્સના પ્રયાસમાં કૃણાલ પંડ્યાનો શિકાર બન્યો હતો. માર્કસ સ્ટોઇનિસ ઝડપી બીજો રન મેળવવા જતા રન આઉટ થયો હતો. તેણે આઠ બોલમાં 13 રન જોડ્યા હતા. ઓપનર શિખર ધવન અને એલેક્સ કેરી અણનમ રહ્યા હતા.
મુંબઇ ઇન્ડિયન્સની બોલીંગ
કૃણાલ પંડ્યાએ બે વિકેટ ઝડપી હતી, તેણે ચાર ઓવરમાં 26 રન આપ્યા હતા. ટ્રેન્ટ બોલ્ટે ચાર ઓવરમાં 36 રન આપીને એક વિકેટ ઝડપી હતી. પૈટીસન્સે 12.30ની ઇકોનોમી સાથે ત્રણ ઓવરમાં 37 રન આપ્યા હતા. રાહુલ ચહરે ચાર ઓવરમાં 27 રન ગુમાવ્યા હતા. જસપ્રિત બુમરાહે ચાર ઓવરમાં 26 રન આપ્યા હતા.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો