ટી-20 લીગ: દિલ્હી કેપિટલ્સે પંજાબને જીતવા માટે આપ્યું 165 રનનું લક્ષ્યાંક, શિખર ધવનની સતત બીજી સદી
ટી-20 લીગની 38મી મેચ કિગ્સ ઇલેવન પંજાબ અને દિલ્હી કેપીટલ્સ વચ્ચે રમાઈ રહી છે. દિલ્હીની ટીમે ટોસ જીતીને પ્રથમ બેટીંગ કરવાનો નિર્ધાર કર્યો હતો. ટીમની બેટીંગ શરુઆત ધીમી રહી હતી. જોકે ઋષભ પંતની ટીમમાં આજે ઈજામાંથી પરત વાપસી થઈ હતી. જો કે તે ખાસ દમ આજની મેચમાં દર્શાવી શક્યો નહોતો. જ્યારે શિખર ધવને સતત ધુંઆધાર […]
ટી-20 લીગની 38મી મેચ કિગ્સ ઇલેવન પંજાબ અને દિલ્હી કેપીટલ્સ વચ્ચે રમાઈ રહી છે. દિલ્હીની ટીમે ટોસ જીતીને પ્રથમ બેટીંગ કરવાનો નિર્ધાર કર્યો હતો. ટીમની બેટીંગ શરુઆત ધીમી રહી હતી. જોકે ઋષભ પંતની ટીમમાં આજે ઈજામાંથી પરત વાપસી થઈ હતી. જો કે તે ખાસ દમ આજની મેચમાં દર્શાવી શક્યો નહોતો. જ્યારે શિખર ધવને સતત ધુંઆધાર દેખાવ જારી રાખ્યો હતો. સિઝનમાં સતત બીજી વાર સદી ફટકારી હતી. દિલ્હી કેપીટલ્સે 20 ઓવરમાં પાંચ વિકેટ ગુમાવીને 164 રન કર્યા હતા.
દિલ્હી કેપીટલ્સની બેટીંગ
શિખર ધવનનું હવે બેટ જાણે કે ચાલવા જ નહીં પણ દોડવા લાગ્યુ છે. તેણે ઝડપથી સદી પુરી કરી લીધી હતી. તેણે સિઝનમાં લગાતાર બીજી સદી લગાવી. તેના આ દેખાવથી દિલ્હીના ઉત્સાહમાં પણ વધારો દેખાયો છે. ધવને ઓપનીંગમાં આવી ફરી એક વાર અંત સુધી અણનમ રહીને સદી નોંધાવી. ધવને 61 બોલમાં 106 રન કર્યા હતા. શરુઆત ધીમી રહેવા સાથે જ ટીમે પ્રથમ વિકેટ ઓપનર પૃથ્વી શોના રુપમાં 25 રનના સ્કોર પર જ ગુમાવી દીધી હતી. પૃથ્વી માત્ર સાત જ રન બનાવી શક્યો હતો. કેપ્ટન શ્રેયસ ઐયર પણ આજે ઓછો સ્કોર નોંધાવી શક્યો હતો, તેણે 14 રન ટીમ માટે જોડી બીજી વિકેટના રુપમાં આઉટ થયો હતો. ઇજામાંથી પરત ફરેલા ઋષભ પંતે પણ ટીમ માટે ખાસ દેખાવ કરી શક્યો નહોતો, પંતે 20 બોલમાં 14 રન કર્યા હતા. માર્કસ સ્ટોઇનીશ નવ રન જોડી આઉટ થયો હતો. હેયટમેરને શામીએ 10 રન કરીને બોલ્ડ કર્યો હતો.
કિંગ્સ ઇલેવન પંજાબની બોલીંગ
પંજાબના બોલરે આજે સરેરાશ બોલીંગ કરી હતી. દિલ્હીની વિકેટ તેઓ ઝડપથી આઉટ કરવામાં નિષ્ફળ રહ્યા હતા. જોકે રન આપવાના મામલામાં પણ એવરેજ રહ્યા હતા. પાવર પ્લેમાં 53 રન ગુમાવ્યા હતા. મોહમંદ શામીએ ચાર ઓવરમાં 28 રન ગુમાવીને બે વિકેટ ઝડપી હતી. ગ્લેન મેક્સવેલે ચાર ઓવર કરી હતી અને એક વિકેટ ઝડપી હતી, તેણે 31 રન ગુમાવ્યા હતા. મુરુગન અશ્વિને પણ 33 રન ચાર ઓવરમાં ગુમાવી એક વિકેટ ઝડપી હતી. જેમ્સ નિશમે બે ઓવર કરીને 17 રન આપી એક વિકેટ ઝડપી હતી. રવિ બિશ્નોઇએ ત્રણ ઓવરમાં 24 રન આપ્યા હતા.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો