T-20 લીગ: આ ગુજ્જુ ખેલાડી 500ની સ્ટ્રાઇક રેટ ધરાવતો સિઝનનો એક માત્ર બેટ્સમેન
શારજહામાં સનરાઈઝર્સ હૈદરાબાદના બોલર સિધ્ધાર્થ કોલને, મુંબઈ ઈન્ડિયન્સના બેટ્સમેન અને ગુજરાતના ખેલાડી હાર્દિક પંડ્યાને આઉટ કરવો ભારે પડી ગયો હતો. નાનાભાઈને આઉટ કરતા મોટોભાઈ એટલે કે કૃણાલ પંડ્યા મેદાનમાં આવી પહોંચ્યો હતો. તેણે તો આવતાની સાથે જ ધમાચકડી સર્જી દીધી હતી. સિધ્ધાર્થના બોલને એવો તે પીટવા લાગ્યો કે જાણે કે, તે પોતાના નાનાભાઈને આઉટ કરવાનો […]
શારજહામાં સનરાઈઝર્સ હૈદરાબાદના બોલર સિધ્ધાર્થ કોલને, મુંબઈ ઈન્ડિયન્સના બેટ્સમેન અને ગુજરાતના ખેલાડી હાર્દિક પંડ્યાને આઉટ કરવો ભારે પડી ગયો હતો. નાનાભાઈને આઉટ કરતા મોટોભાઈ એટલે કે કૃણાલ પંડ્યા મેદાનમાં આવી પહોંચ્યો હતો. તેણે તો આવતાની સાથે જ ધમાચકડી સર્જી દીધી હતી. સિધ્ધાર્થના બોલને એવો તે પીટવા લાગ્યો કે જાણે કે, તે પોતાના નાનાભાઈને આઉટ કરવાનો બદલો લેવા જ આવ્યો હોય. કૃણાલ પંડ્યાએ સિધ્ધાર્થની ધુલાઈ 500ના સ્ટ્રાઈક રેટ પાવરથી કરી હતી. જે સિઝનમાં આટલી સ્ટ્રાઈક રેટ ધરાવતો એક માત્ર બેટ્સમેન છે. આ આખીય ઘટના મુંબઈની ઈનીંગની અંતિમ ઓવરની છે. ઓવરના બીજા જ બોલ પર સિધ્ધાર્થે હાર્દિક પંડ્યાની ગીલ્લીઓ ખેરવી દઈને ટીમને પાંચમી સફળતા અપાવી હતી. તેના આ પરાક્રમથી હૈદરાબાદના પેવેલીયનમાં ખુશીઓ છવાઈ ગઈ હતી પણ એ બહુ લાંબી ટકી નહી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
કારણ કે સિધ્ધાર્થ અને હૈદરાબાદની છાવણીને આગળના ચાર બોલનો અંદાજો જ નહોતો. સિધ્ધાર્થનો ત્રીજો બોલ અને કૃણાલ પંડ્યાનો પ્રથમ બોલે જ છગ્ગો ઝડી દીધો હતો. ચોથા બોલને યોર્કર કરાવી રન બચાવવા પ્રયાસ કર્યો, પરંતુ તેને પણ કૃણાલે બાઉન્ટ્રી પાર કરી ચોગ્ગો મેળવી લીધો હતો. પાંચમાં બોલને પણ ફરીથી બાઉન્ટ્રી પર ફટકારી ચોગ્ગો મેળવ્યો. હવે ઈનીંગ્સનો આખરી બોલ હતો અને તેમાં પણ તેણે છગ્ગો ફટકારી લીધો. આમ ચાર બોલમાં જ 20 રન ઝુંટવી લીધા હતા. આમ આ સાથે જ લીગમાં 500ની સ્ટ્રાઈક રેટથી રન બનાવવાવાળો એક માત્ર બેટ્સમેન કૃણાલ પંડ્યા બની ગયો હતો.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો