ટી-20 લીગ: ચેન્નાઈના બોલરોનો તરખાટ, KKR 167 રનમાં ઓલઆઉટ
ટી-20 લીગની તેરમી સિઝનની 21મી મેચ અબુધાબીમાં રમાઇ રહી છે. અબુધાબીમાં કલકત્તા નાઈટ રાઈડર્સ અને ચેન્નાઇ સુપર કિંગ્સ વચ્ચે ટક્કર જામી છે. કલકત્તા નાઈટ રાઈડર્સના કેપ્ટન દિનેશ કાર્તિકે ટોસ જીતીને પ્રથમ બેટીંગ કરવાનો નિર્ણય કર્યો હતો. ઓપનીંગમાં બદલાવ કરીને આવેલા ઓપનર રાહુલ ત્રિપાઠીએ અડધી સદી ફટકારી. ચેન્નાઈના કેપ્ટન અને વિકેટકીપરે આજે ચાર કેચ ઝડપ્યા હતા. […]
ટી-20 લીગની તેરમી સિઝનની 21મી મેચ અબુધાબીમાં રમાઇ રહી છે. અબુધાબીમાં કલકત્તા નાઈટ રાઈડર્સ અને ચેન્નાઇ સુપર કિંગ્સ વચ્ચે ટક્કર જામી છે. કલકત્તા નાઈટ રાઈડર્સના કેપ્ટન દિનેશ કાર્તિકે ટોસ જીતીને પ્રથમ બેટીંગ કરવાનો નિર્ણય કર્યો હતો. ઓપનીંગમાં બદલાવ કરીને આવેલા ઓપનર રાહુલ ત્રિપાઠીએ અડધી સદી ફટકારી. ચેન્નાઈના કેપ્ટન અને વિકેટકીપરે આજે ચાર કેચ ઝડપ્યા હતા. કલકત્તાએ 20 ઓવરના અંતે ચેન્નાઈ સામે 168 રનનું લક્ષ્ય ખડક્યુ હતુ.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
કલકત્તાની બેટીંગ
પાછળની ચાર મેચમાં સતત ફ્લોપ રહેલા સુનિલ નરેનને કલકત્તાએ હવે પાછળ કર્યો છે. તેની જગ્યાએ રાહુલ ત્રિપાઠી અને ઓપનર તરીકે શુભમન ગીલ સાથે મોકલ્યો હતો. રાહુલ ત્રિપાઠીએ ક્રિઝ પર જમાવી હતી. રાહુલ ત્રિપાઠીએ 51 બોલમાં જ 81 રન ફટકાર્યા હતા. તેણે ત્રણ છગ્ગા અને આઠ ચોગ્ગા ફટકાર્યા હતા. પરંતુ શુભમન ગીલ ઓછા સ્કોર પર પેવેલીયન પહોંચ્યો હતો. શુભમન 11 રન કરીને શાર્દુલ ઠાકુરના બોલ પર આઉટ થયો હતો. કલકત્તાનો બીજો ખેલાડી નિતિશ રાણા પણ માત્ર નવ રન બનાવીને શર્માનો શિકાર થઈ આઉટ થયો હતો. જ્યારે ત્રીજી વિકેટના રુપમાં સુનિલ નરેન 9 બોલમાં 17 રન કરીને આઉટ થયો હતો. ઇયોન મોર્ગન પણ માત્ર સાત રન જ બનાવીને આઉટ થયા હતા. તે ઠાકુરની બોલ પર ધોનીને હાથ ઝડપાયો હતો. આન્દ્રે રસેલ પણ બે રન કરીને આઉટ થયો હતો. કેપ્ટન દિનેશ કાર્તિક પણ 12 રન બનાવીને પેવેલીયન પરત ફર્યો હતો. કમલેશ નાગરકોટી શુન્યમાં આઉટ થયો હતો. પૈટ કમિન્સ 17 રન બનાવીને અણનમ રહ્યો હતો.
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
ચેન્નાઈની બોલીંગ
ડેવેન બ્રાવોએ ચાર ઓવરમાં ત્રણ વિકેટ ઝડપી હતી. જેમાં બે વિકેટ તો તેણે અંતિમ વીસમી ઓવર દરમ્યાન ઝડપી હતી. તેણે 37 રન આપ્યા હતા. સેમ કુરન, શાર્દુલ ઠાકર અને કરણ શર્મા આ ત્રણની ત્રિપુટીએ આજે કલકત્તાને જાણે કે નિયંત્રણાં રાખ્યુ હતુ. આ ત્રિપુટીએ રનની બાબતમાં પણ કરકસર કરવા સાથે 2-2 વિકેટ ઝડપી હતી. ચાર ઓવરમાં કુરને 26, શાર્દુલે 28 અને શર્માએ 25 રન આપ્યા હતા. દીપક ચાહર આજે ખર્ચાળ સાબિત થયો હતો, તેણે ચાર ઓવરમાં 47 રન આપ્યા હતા.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Latest News Updates
