સુરત: લોકડાઉનના કારણે બેકાર બનેલા યુવકે ચોરી કરી પણ આખરે પોલીસે ઝડપી લીધો
કોરોના વાઈરસના કારણે દેશ સહિત વિશ્વના દેશોમાં લોકડાઉનની સ્થિતિ સર્જાઈ હતી. જેના કારણે લોકોએ પોતાનો રોજગાર ગુમાવ્યો હતો. આવી જ પરિસ્થિતિ ગુજરાતમાં પણ જોવા મળી હતી. કોરોના વાઈરસના કારણે હજારો લોકો બેકાર બન્યા હતા. બેકાર બનેલા લોકો રોજગારના બીજા રસ્તાઓ અપનાવ્યા હતા. તો કેટલાક લોકો ચોરીના રવાડે ચડ્યા હતા. આવો જ એક ચોર પોલીસના હાથે […]
કોરોના વાઈરસના કારણે દેશ સહિત વિશ્વના દેશોમાં લોકડાઉનની સ્થિતિ સર્જાઈ હતી. જેના કારણે લોકોએ પોતાનો રોજગાર ગુમાવ્યો હતો. આવી જ પરિસ્થિતિ ગુજરાતમાં પણ જોવા મળી હતી. કોરોના વાઈરસના કારણે હજારો લોકો બેકાર બન્યા હતા. બેકાર બનેલા લોકો રોજગારના બીજા રસ્તાઓ અપનાવ્યા હતા. તો કેટલાક લોકો ચોરીના રવાડે ચડ્યા હતા. આવો જ એક ચોર પોલીસના હાથે ઝડપાયો હતો. જે કોરોના વાઈરસના કારણે બેકાર બન્યો હતો. સુરતના ડિંડોલી ખરવાસા રોડ માર્કે પોઈન્ટમાં રહેતા ઈલેકટ્રીશયન પરિવાર બિમાર પુત્રીને સારવાર માટે દવાખાને લઈ ગયો હતો. તે દરમિયાન કોઈ અજાણ્યો શખ્સ તેમના બંધ ફ્લેટને નિશાન બનાવી કુલ રૂપિયા 1.90 લાખના મતાની ચોરી કરી નાસી ગયો હતો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
આ ચોરીમાં સંડોવાયેલા રીઢા ચોરને ક્રાઈમ બ્રાન્ચે ગઈકાલે ઝડપી પાડી તેની પાસેથી સોના ચાંદીના દાગીના અને બાઈક મળી કુલ રૂપિયા 4.66 લાખ રૂપિયાનો મુદ્દામાલ કબજે કર્યો છે. પ્રાથમિક પુછપરછમાં આરોપીએ લોકડાઉનના કારણે બેકાર બનતા પૈસાની જરૂર પડતા ચોરી કરી હોવાની કબૂલાત કરી હતી. ક્રાઈમ બ્રાન્ચ દ્વારા ગઈકાલે બાતમીના આધારે સચીન પારડી કણદેગામ બસ સ્ટેન્ટ પાસેથી બાઈક પર ફરતા જયેશ ઉર્ફે જીતુ સોમા પટેલને ઝડપી પાડ્યો હતો. જયેશ પાસેથી સોના ચાંદીના દાગીના અને મોબાઈલ કબજે કર્યો હતો. ક્રાઈમ બ્રાન્ચની પુછપરછમાં અગાઉ સચીન, નવસારી ટાઉન પોલીસમાં પકડાઈ ચુકેલા જયેશ ઉર્ફે જીતુએ કબૂલાત કરી હતી કે લોકડાઉનને કારણે બેકાર હતો અને પૈસાની જરૂર હોવાથી ગત તા. 15મીના રોજ બાઈક લઈને ડિંડોલી વિસ્તારના બપોરના સમયે બંધ મકાનોને ટાર્ગેટ કરી ઘરફોડ ચોરી કરવાનું નક્કી કયું હતું.
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
ભંગારવાળા પાસેથી લોખંડનો સળીયો ખરીદી ફરતા ફરતા ડિંડોલી ખરવાસા રોડ માર્કે પોઈન્ટના ફલેટમાં ચોરી કરી હતી. ક્રાઈમ બ્રાન્ચે ડિંડોલી પોલીસમાં તપાસ કરતા 15મીના રોજ માર્કે પોઈન્ટમાં રહેતા ઈલેકટ્રીકની દુકાન ધરાવતા દિનેશકુમાર કેવલરામ રાઠોડના ફલેટમાંથી ચોરી થઈ હતી અને તે મામલે ફરિયાદ પણ નોંધાઈ હોવાનું બહાર આવતા પોલીસે જયેશ ઉર્ફે જીતુની ધરપકડ કરી અગાળ તપાસ હાથ ધરી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Latest News Updates
