સુરત: હવે રસ્તા પર દોડશે પર્યાવરણ અને ઈંધણ બચાવતી ‘ગ્રીન બસ’
સુરત શહેરના રસ્તાઓ પર પર્યાવરણની જાળવણી માટે ઈલેક્ટ્રિક બસ દોડાવવાનું આયોજન કરવામાં આવ્યું છે. સુરત મહાનગર પાલિકાની દરખાસ્ત 300 બસની હતી, જો કે સરકારે 150 બસ મંજૂર કરી છે.પ્રથમ બસનું આજે સુરતમાં રંગ ઉપવન અને મક્કાઈ પૂલ વચ્ચે ટ્રાયલ રન થયું હતું. જેમાં મ્યુનિસિપલ કમિશનર અને મેયરે આ બસની પહેલી મુસાફરીનો લાભ લીધો હતો.ભારતના 64 […]
સુરત શહેરના રસ્તાઓ પર પર્યાવરણની જાળવણી માટે ઈલેક્ટ્રિક બસ દોડાવવાનું આયોજન કરવામાં આવ્યું છે. સુરત મહાનગર પાલિકાની દરખાસ્ત 300 બસની હતી, જો કે સરકારે 150 બસ મંજૂર કરી છે.પ્રથમ બસનું આજે સુરતમાં રંગ ઉપવન અને મક્કાઈ પૂલ વચ્ચે ટ્રાયલ રન થયું હતું. જેમાં મ્યુનિસિપલ કમિશનર અને મેયરે આ બસની પહેલી મુસાફરીનો લાભ લીધો હતો.ભારતના 64 શહેરમાં 5,595 ઈલેક્ટ્રીક બસ ફાળવવા માટેનો નિર્ણય કર્યો હતો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
કેન્દ્ર સરકારની આ યોજના હેઠળ સુરત મ્યુનિ.એ શહેરની જરૂરિયાતને ધ્યાનમાં રાખીને 300 ઈલેક્ટ્રીક બસની માગણી કરી હતી. જો કે સરકારે ઈલેક્ટ્રીક બસની સબસીડીની સ્કીમ હેઠળ ગુજરાત માટે 550 બસની ફાળવણી કરી છે. આ યોજના હેઠળ સુરત મ્યુનિ.ને 150 બસ ફાળવવાનો નિર્ણય કરવામાં આવ્યો.1.07 કરોડની એક બસ એવી 150 બસ માટે કેન્દ્ર સરકાર પ્રત્યેક બસ માટે 45 લાખની સબસીડી ચુકવશે.
થોડા દિવસ આ બસની ટ્રાયલ થયા બાદ બસને પરિવહન માટે મંજૂરી મળ્યા પછી શહેરના રસ્તા પર મુસાફરો માટે બસ દોડતી થશે. નજીકના ભવિષ્યમાં સુરતના રસ્તા પર ઈલેક્ટ્રીક બસ દોડતી દેખાશે. સુરતના રસ્તા પર ઈલેક્ટ્રીક બસ દોડતી થશે જેના કારણે લાખો લિટરના ઈંઘણની બચત થશે અને કાર્બન ડાયોક્સાઈડનું પ્રમાણ ઘટતા પર્યાવરણની જાળવણી પણ થશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો