VIDEO: મહારાષ્ટ્રમાં રાજ્યપાલે આ પાર્ટીને સરકાર બનાવવા માટે આપ્યું આમંત્રણ
મહારાષ્ટ્રમાં સરકાર બનાવવાના મામલે મનોમંથન ચાલી રહ્યું છે. ભાજપના નેતા સુધીર મુંગટીવારે કહ્યું કે, રાજ્યપાલે તેમને સૌથી મોટી પાર્ટી તરીકે સરકાર બનાવવા માટે આમંત્રણ આપ્યું છે. પરંતુ ભાજપ પાસે હજુ પણ બહુમત સાબીત થાય તેટલી બેઠક નથી. તો સાથે અત્યાર સુધી ભાજપ અને શિવસેના વચ્ચે વાકયુદ્ધ ચાલી રહ્યું હતું. હવે ભાજપ-શિવસેના-NCP-કોંગ્રેસ સરકાર બનાવવા માટે સક્રિય […]
મહારાષ્ટ્રમાં સરકાર બનાવવાના મામલે મનોમંથન ચાલી રહ્યું છે. ભાજપના નેતા સુધીર મુંગટીવારે કહ્યું કે, રાજ્યપાલે તેમને સૌથી મોટી પાર્ટી તરીકે સરકાર બનાવવા માટે આમંત્રણ આપ્યું છે. પરંતુ ભાજપ પાસે હજુ પણ બહુમત સાબીત થાય તેટલી બેઠક નથી. તો સાથે અત્યાર સુધી ભાજપ અને શિવસેના વચ્ચે વાકયુદ્ધ ચાલી રહ્યું હતું. હવે ભાજપ-શિવસેના-NCP-કોંગ્રેસ સરકાર બનાવવા માટે સક્રિય થયા છે. શિવસેનાના સાંસદ સંજય રાઉતે કહ્યું કે, શિવસેના સરકાર બનાવવાની જવાબદારી લઈ શકે છે.
શિવસેના પ્રમુખ ઉદ્ધવ ઠાકરેની આગેવાનીમાં પાર્ટીના ધારાસભ્યોની બેઠક યોજાઈ હતી. અને આ બેઠકમાં આદિત્ય નહીં પણ ઉદ્ધવ ઠાકરેને મુખ્યપ્રધાન બનાવવાની નવી માગણીએ જન્મ લીધો છે. જો કે આ પહેલા શિવસેનાના કેટલાક ધારાસભ્ય આદિત્ય ઠાકરેને મુખ્યપ્રધાન બનાવવાની માગણી કરી રહ્યા હતા.
શિવસેનાના તમામ ધારાસભ્યો હોટલ રિટ્રીટમાં રોકાયા છે. જ્યાં રવિવારે ઉદ્ધવ ઠાકરેએ તમામ નેતાઓ સાથે મુલાકાત કરી હતી. ઉદ્ધવ ઠાકરે સાથે તેમના પત્ની પણ સાથે હતા. બેઠકમાં ઉદ્ધવ ઠાકરેને મુખ્યપ્રધાન બનાવવાની માગણી પહેલા મુંબઈના રસ્તાઓ પર પણ આ પ્રકારની માગ સાથે પોસ્ટર લાગ્યા હતા.