VIDEO: નેતાઓ અને પોલીસના અધિકારીઓ જેના દરબારમાં સલામ ભરે તે ઢબૂડી માતાની પોલ ખૂલી
ઢબૂડી માતાના ઢોંગનો વ્યાપ એટલો વધ્યો છે કે તેમની અંધશ્રદ્ધાની જાળમાં ધારાસભ્ય અને પોલીસ પણ ફસાવામાંથી બાકાત નથી. સામાન્ય માણસોની વાત તો દૂર રહી, પણ ધારાસભ્ય અને પોલીસ પણ માતા પાસે માનતા માગવા કે પછી તેમના આશીર્વાદ લેવા માટે જાય છે. વાત છે ગત 4 ઓગસ્ટની, તે દિવસે ઢબૂડી માતાનો કાર્યક્રમ પાલનપુરમાં હતો. જેને પગલે […]
ઢબૂડી માતાના ઢોંગનો વ્યાપ એટલો વધ્યો છે કે તેમની અંધશ્રદ્ધાની જાળમાં ધારાસભ્ય અને પોલીસ પણ ફસાવામાંથી બાકાત નથી. સામાન્ય માણસોની વાત તો દૂર રહી, પણ ધારાસભ્ય અને પોલીસ પણ માતા પાસે માનતા માગવા કે પછી તેમના આશીર્વાદ લેવા માટે જાય છે. વાત છે ગત 4 ઓગસ્ટની, તે દિવસે ઢબૂડી માતાનો કાર્યક્રમ પાલનપુરમાં હતો. જેને પગલે અહીંના ધારાસભ્ય મહેશ પટેલ પણ માતાના આશીર્વાદ લેવા પહોંચ્યા હતા.
આ પણ વાંચોઃ VIDEO: વડોદરામાં કથાના ફોટા સોશિયલ મીડિયા પર મૂકવા મુદ્દે બે શખ્સો વચ્ચે મારામારી
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
કાર્યક્રમ દરમિયાન ધારાસભ્ય મહેશ પટેલ અંધશ્રદ્ધામાં ગળાડૂબ જોવા મળ્યા હતા. દ્રશ્યોમાં તમે ધારાસભ્યના ચહેરા પરનો રંગ જોઈ શકો છો. ધારાસભ્યનો વીડિયો વાયરલ થતા તેઓ પણ અંધશ્રદ્ધામાં માનતા હોવાની વાત ફેલાઈ. જે બાદ જ્યારે કાર્યક્રમ અંગે પૂછવામાં આવ્યું. તો તેમના તેવર બદલાઈ ગયા. એકસમયે માતાના દરબારમાં પહોંચેલા ધારાસભ્યએ, એવી સ્પષ્ટતા કરી કે કોઈના ગળે પણ ન ઉતરે. તેમણે સ્પષ્ટ કહી દીધું કે તેઓ અંધશ્રદ્ધામાં માનતા નથી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ફક્ત ધારાસભ્ય જ નહીં પોલીસ પણ માતાના આશીર્વાદ લેવા આવી પહોંચ્યા હતા. ઢબૂડી માતાના આશીર્વાદ લેવા પોલીસકર્મીઓ વર્ધીમાં જ પહોંચી ગયા હતા અને પોતાની મુશ્કેલીઓ માતા સમક્ષ રજૂ કરવા કતાર લગાવી દીધી હતી. દ્રશ્યોમાં તમે જોઈ શકો છો કે પોલીસકર્મીઓ માતા સમક્ષ કેવી રીતે પોતાની રજૂઆતો કરી રહ્યા છે. આ પ્રજાના રક્ષકો છે. જેઓ પોતાના રક્ષણ માટે અંધશ્રદ્ધાનો સહારો લઈ રહ્યા છે.
[yop_poll id=”1″]