Rajkot : શિક્ષણ સમિતિ સંચાલિત શાળામાં વિદ્યાર્થીઓના જીવ જોખમમાં મુકી સાફ- સફાઈ કરાવી, જુઓ Video
અત્યારે એ મોટો પ્રશ્ન ઉભો થાય છે કે જો આ બાળકો સાથે અણબનાવ બને તો તેનો જવાબદાર કોણ ? સાફ સફાઈના નામ પર શિક્ષકોએ વિદ્યાર્થીઓનો જીવ જોખમમાં મુકી છત પર ચડાવ્યાં હતાં. જો તેમને કઈ પણ થાય તો કોણ જવાબદારી લેશે.
રાજકોટના અશોક નગર પાસે આવેલી શિક્ષણ સમિતિ સંચાલિત શાળા નબર 81માં બપોરના સમયે શાળાના છજા પર વિદ્યાર્થીઓને ચડાવીને સાફ સફાઈ કરાવામાં આવી હતી. વીડિયોમાં સ્પષ્ટ પણે જોવા મળે છે. બે વિદ્યાર્થીઓને શાળાના છજા પર હાથમાં સાવરણી લઈને સાફ-સફાઈ કરે છે અને શિક્ષિકા નીચે ઉભા ઉભા તેમને સાફ – સફાઈ કરવા માટે સૂચના આપી રહ્યાં છે.
આ પણ વાંચો : Rajkot: લસણ- ડુંગળીની મબલખ આવકથી છલકાયું ગોંડલ માર્કેટ યાર્ડ
અણબનાવનો જવાબદાર કોણ
અત્યારે એ મોટો પ્રશ્ન ઉભો થાય છે કે જો આ બાળકો સાથે અણબનાવ બને તો તેનો જવાબદાર કોણ ? સાફ સફાઈના નામ પર શિક્ષકોએ વિદ્યાર્થીઓનો જીવ જોખમમાં મુકી છત પર ચડાવ્યાં હતાં. જો તેમને કઈ પણ થાય તો કોણ જવાબદારી લેશે. પેન પકડવાની જગ્યામાં તેમને સાવરણી પકડાવવામાં આવી છે.
પ્રિન્સિપલનો બચાવ
આ ઘટના અંગે શાળાના પ્રિન્સિપલ રીટાબેનને પ્રશ્ન પુછતા તેમને જણાવ્યું કે શાળાના વિદ્યાર્થીઓને છત પર ચડાવી સાફ સફાઈ કરવી તો ગર્વની બાબત છે. આ રીતે છત પર ચડાવીને સફાઈ કરવાની કામગીરીને મોટિવેશનલ પ્રવૃત્તિ ગણાવી દીધી હતી.