રાફેલ મામલાને લઈને ફરીથી મોદી સરકારની મુશ્કેલીમાં વધારો થઈ શકે છે. સુપ્રીમ કોર્ટે કહ્યું કે જે નવા દસ્તાવેજો તેમની સામે આવ્યા તેના આધારે ફરીથી સુનાવણી કરવામાં આવશે. રફાલ મામલાને લઈને રિવ્યુ પીટીશન દાખલ કરવામાં આવી છે. તે પછી મંત્રાલયમાંથી અમુક મહત્ત્વના દસ્તાવેજો ચોરી થયા હોવાની ખબર સામે આવી હતી. આજે મુખ્ય ન્યાયધીશ રંજન ગોગોઈ, જસ્ટિસ […]
રાફેલ મામલાને લઈને ફરીથી મોદી સરકારની મુશ્કેલીમાં વધારો થઈ શકે છે. સુપ્રીમ કોર્ટે કહ્યું કે જે નવા દસ્તાવેજો તેમની સામે આવ્યા તેના આધારે ફરીથી સુનાવણી કરવામાં આવશે.
રફાલ મામલાને લઈને રિવ્યુ પીટીશન દાખલ કરવામાં આવી છે. તે પછી મંત્રાલયમાંથી અમુક મહત્ત્વના દસ્તાવેજો ચોરી થયા હોવાની ખબર સામે આવી હતી. આજે મુખ્ય ન્યાયધીશ રંજન ગોગોઈ, જસ્ટિસ એસ કે કોલ અને કે એમ જોસેફની સંયુક્ત ખંડપીઠે જે નવા દસ્તાવેજો સુપ્રીમ કોર્ટ સમક્ષ રજૂ કરવામાં આવ્યા છે તેને માન્ય રાખ્યા છે. આ દસ્તાવેજોના આધારે સુપ્રીમ કોર્ટની ખંડપીઠે ફરીથી સુનાવણી કરવાનો નિર્ણય લીધો છે.
સુપ્રીમ કોર્ટે કેન્દ્ર સરકારની દલીલને ફગાવી
કેન્દ્ર સરકારે આ સુનાવણી ફરીથી ન થાય તે માટે દલીલ કરી હતી પણ કોર્ટે આ દલીલને ફગાવી દીધી હતી. કોર્ટે મંત્રાલયમાંથી ચોરી થયેલાં દસ્તાવેજોના આધારે સુનાવણી કરવાની વાતને લીલીઝંડી આપી દીધી છે.
કેન્દ્રએ કહ્યું કે પ્રશાંત ભૂષણ, અરુણ શૌરી અને યશંવત સિન્હાની રિવ્યુ પીટીશનમાં મંત્રાલયમાંથી ચોરી કરેલાં દસ્તાવેજો રજૂ કરવામાં આવ્યા છે તેને લઈને સુનાવણી થવાથી ભારત અને ફ્રાંસના સંબંધો પર અસર પડશે. આમ કોર્ટ કહ્યું છે આ નવા દસ્તાવેજોના આધારે ફરીથી સુનાવણી કરવામાં આવશે અને આગામી સમયમાં તેની તારીખ પણ નક્કી કરાશે.
Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?
