રાજ્યના તમામ ઈન્ટર્ન ડૉકટરો સ્ટાઇપેન્ડ વધારવાની માગ સાથે આજથી અનિશ્ચિત મુદતની હડતાળ પર, સ્ટાઈપેન્ડની રકમ વધારીને 20 હજાર કરાય તેવી માગ
રાજ્યના તમામ ઈન્ટર્ન ડૉકટરો સ્ટાઇપેન્ડ વધારવાની માગ સાથે આજથી અનિશ્ચિત મુદતની હડતાળ પર ઉતર્યા છે. રાજ્યની સરકારી અને જીએમઈઆરએસ મેડિકલ કોલેજના વિદ્યાર્થીઓ તથા સંલગ્ન હોસ્પિટલમાં ફરજ બજાવતા તમામ ઈન્ટર્ન તબીબ હડતાળ પર ઉતર્યા છે. અંદાજે 2 હજાર જેટલા ઈન્ટર્ન તબીબ આ હડતાળમાં જોડાયા છે. અમદાવાદમાં સિવિલ હોસ્પિટલમાં ઈન્ટર્ન ડોક્ટરોએ રામધૂન બોલાવીને વિરોધ દર્શાવ્યો હતો. ઇન્ટર્ન […]
રાજ્યના તમામ ઈન્ટર્ન ડૉકટરો સ્ટાઇપેન્ડ વધારવાની માગ સાથે આજથી અનિશ્ચિત મુદતની હડતાળ પર ઉતર્યા છે. રાજ્યની સરકારી અને જીએમઈઆરએસ મેડિકલ કોલેજના વિદ્યાર્થીઓ તથા સંલગ્ન હોસ્પિટલમાં ફરજ બજાવતા તમામ ઈન્ટર્ન તબીબ હડતાળ પર ઉતર્યા છે. અંદાજે 2 હજાર જેટલા ઈન્ટર્ન તબીબ આ હડતાળમાં જોડાયા છે. અમદાવાદમાં સિવિલ હોસ્પિટલમાં ઈન્ટર્ન ડોક્ટરોએ રામધૂન બોલાવીને વિરોધ દર્શાવ્યો હતો. ઇન્ટર્ન ડૉક્ટરોનો આક્ષેપ છે કે, કોરોનાકાળમાં અન્ય રાજ્ય કરતા ગુજરાતમાં ઓછું વેતન આપવામાં આવી રહ્યું છે જેમા વધારો કરવામાં આવે. મહત્વનું છે કે ઈન્ટર્ન તબિબોને 12 હજાર 800 જેટલું સ્ટાઈપેન્ડ મળે છે. જ્યારે તેમની માગણી છે કે, સ્ટાઈપેન્ડની રકમ વધારીને 20 હજાર કરાય જોકે ઈન્ટર્ન તબીબોની સરકારે માગણી ન સ્વીકારતા તેઓ હડતાળ પર ઉતર્યા છે. તો આ તરફ અમદાવાદ મેડિકલ એસોસિએશને પણ ઈન્ટર્ન તબીબોની હડતાળને સમર્થન આપ્યું છે જોકે તેમણે આ મુદ્દે સરકાર યોગ્ય નિકાલ લાવશે તેવો આશાવાદ પણ વ્યક્ત કર્યો હતો.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
Latest News Updates
