Gandhinagar : CBI દ્વારા ગુજરાત કેડરના IASને ત્યાં દરોડા, અપ્રમાણસર મિલકત સંબંધે દરોડા પાડ્યા હોવાનો પ્રાથમિક અહેવાલ
CBI દ્વારા ગુજરાતના આઇએએસ અધિકારીને ત્યાં દરોડા (CBI red )પાડવામાં આવ્યા હતા. પ્રાથમિક માહિતીઓ અનુસાર મૂળ આંધ્ર પ્રદેશના અને વર્ષ 2011ની ગુજરાત બેચના આ અધિકારી IAS કે. રાજેશ હોવાની માહિતી પ્રાપ્ત થઈ હતી. આ અધિકારીને ત્યાં અપ્રમાણસર મિલકતના સંબંધે દરોડા પાડવામાં આવ્યા છે
ગાંધીનગરમાં CBI કેન્દ્રીય તપાસ એજન્સી દ્વારા ગુજરાત કેડરના આઇએસ અધિકારી કે. રાજેશને ત્યાં દરોડા પાડવામાં આવ્યા હતા. સૂત્રોના જણાવ્યા અનુસાર આઇએએસ કંકિપતિ રાજેશ (K. Rajesh, IAS) જોઈન્ટ સેક્રેટરી ને ત્યાં આવક કરતાં વધુ સંપત્તિ મામલે સીબીઆઇએ દરોડા પાડ્કયા છે. આ અધિકારી સામે કથિત રીતે જમીન સોદા કૌભાંડ, હથિયાર લાઇસન્સના પરવાનામાં લાંચના આરોપી તરીકે CBI એ દિલ્લીમાં FIR નોંધી હતી. પ્રાથમિક માહિતીઓ અનુસાર મૂળ આંધ્ર પ્રદેશના અને વર્ષ 2011ની ગુજરાત બેચના આ અધિકારી IAS કે. રાજેશ હોવાની માહિતી પ્રાપ્ત થઈ હતી. આ અધિકારીને ત્યાં અપ્રમાણસર મિલકતના સંબંધે દરોડા પાડવામાં આવ્યા છે.
હાલમાં આ આઇએએસ અધિકારી કે. રાજેશ General Administration Department (GAD)માં જોઇન્ટ સેકેટ્રરી તરીકે ફરજ બડજાવી રહ્યા છે. CBI એ કે. રાજેશના ગાંધીનગર, સુરત, સુરેન્દ્રનગરના નિવાસસ્થાનો ઉપર પણ સીબીઆઇએ રેડ કરી હતી. આ આઇએસ અધિકારી ભૂતકાળમાં ગુજરાતમાં કલેક્ટરની જવાબદારી પણ નિભાવી ચૂક્યા છીએ. આઇએએસ અધિકારી કે. રાજેશ પર વેપન લાઇસન્સ આપવા માટે લાંચ લેવાના આક્ષેપ થયા હતા.
પ્રાપ્ત અહેવાલ પ્રમાણે દરોડા દરમિયાન ગાંધીનગર ખાતે મોડી રાતે તપાસનો ધમધમાટ શરૂ થયો હતો. IT ની સાથે સાથે આ તપાસમાં ED પણ હોવાની પ્રાથમિક માહિતી પ્રાપ્ત થઈ છે. ગાંધીનગર ઉપરાંત આઇએએસ અધિકારી કે. રાજેશના સુરત અને સુરેન્દ્ર નગર તથા તેમના વતનના રાજ્યના નિવાસ પર પણ રેડ પડ્યાના અહેવાલ સાંપડી રહ્યા છે. નોંધનીાય છે કે આઇએએસ અધિકારી કે. રાજેશ સુરેન્દ્રનગરના કલેક્ટર પણ રહી ચૂક્યા છે.
તો બીજી તરફ આજે રાષ્ટ્રીય સ્તરે લાલુ પ્રસાદ યાદવની પત્ની અને બિહારના પૂર્વ મુખ્યમંત્રી રાબડી દેવીના પટના નિવાસસ્થાને પણ દરોડા પાડવામાં આવી રહ્યા છે. રાજધાની પટના તેમજ ગોપાલગંજમાં લાલુ પ્રસાદ યાદવના પૈતૃક ઘર પર દરોડા પાડવામાં આવી રહ્યા છે. દિલ્હીમાં લાલુ પ્રસાદ યાદવની પુત્રી મીશા ભારતીના ઘરે પણ સીબીઆઈના દરોડા ચાલુ છે. સીબીઆઈ સૂત્રોના જણાવ્યા અનુસાર લાલુ પ્રસાદ યાદવ આ આવાસમાં છે.