ડ્ર્ગ્સ કેસમાં બોલાવાતા ફિલ્મ કલાકારોની કારનો પીછો કરતી મીડિયાની કારને મુંબઈ પોલીસે આપી ચેતવણી
ડ્રગ્સ કેસમાં જરૂરી પુછપરછ માટે બોલાવાતા ફિલ્મ કલાકારોની કારનો પીછો કરનાર મીડિયાકર્મીના વાહન સામે પગલા ભરવાની વાત મુંબઈ પોલીસે કરી હોવાનું મીડિયા રિપોર્ટમાં જણાવાયુ છે. સુશાંતસિહ રાજપૂત મૃત્યુ કેસની તપાસના પગલે બહાર આવેલ ડ્રગ્સ કેસમાં કેટલાક ફિલ્મ કલાકારોને નારકોટીક્સ કંટ્રોલ બ્યુરો પુછપરછ માટે બોલાવે છે. પુછપરછ માટે આવી રહેલા ફિલ્મ કલાકારોની કારનો કેટલાક મીડિયાની કાર […]
ડ્રગ્સ કેસમાં જરૂરી પુછપરછ માટે બોલાવાતા ફિલ્મ કલાકારોની કારનો પીછો કરનાર મીડિયાકર્મીના વાહન સામે પગલા ભરવાની વાત મુંબઈ પોલીસે કરી હોવાનું મીડિયા રિપોર્ટમાં જણાવાયુ છે.
સુશાંતસિહ રાજપૂત મૃત્યુ કેસની તપાસના પગલે બહાર આવેલ ડ્રગ્સ કેસમાં કેટલાક ફિલ્મ કલાકારોને નારકોટીક્સ કંટ્રોલ બ્યુરો પુછપરછ માટે બોલાવે છે. પુછપરછ માટે આવી રહેલા ફિલ્મ કલાકારોની કારનો કેટલાક મીડિયાની કાર દ્વારા પીછો કરવામાં આવતો હોવાની વિગતો સામે આવી છે. જેને લઈને મુંબઈ પોલીસે ચેતવણી આપી છે. મુંબઈ પોલીસે કહ્યું છે કે, ફિલ્મ કલાકારોની કારનો પીછો કરીને મીડિયા કર્મીઓ તેમનો પોતાનો અને અન્યોનો જીવ જોખમમાં મુકી રહ્યાં છે.
હવે પછી ભયજનક રીતે ફિલ્મ કલાકારની કારનો પીછો કરનાર મીડિયાની કારને જપ્ત કરવામાં આવશે, અને કાર ચાલક વિરુધ્ધ ગુન્હો દાખલ કરીને કાનુની કાર્યવાહી કરાશે. શનિવારે એનસીબીએ, ડ્ર્ગ્સ મામલે, દિપીકા પાદુકોણ, શ્રધ્ધા કપુર અને સારા અલી ખાનને પુછપરછ માટે બોલ્યા હતા. તેમની પુછપરછ પૂરી થયા બાદ જ્યારે આ લોકો એનસીબીની ઓફિસથી જઈ રહ્યાં હતા ત્યારે, મીડિયા કર્મીઓ ફોટો કે વિડીયો લેવા તેમજ સવાલ પુછવા માટે જોખમભરી રીતે પીછો કર્યો હતો.
આ પણ વાંચોઃગોધરાના પરવડી બાયપાસ હાઈવે ખાતે બસ પલટી, 35ને ઈજા, 7ને વધુ સારવાર માટે વડોદરા ખસેડાયા
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો