એક વ્યક્તિને વડાપ્રધાન મોદીનો મોર્ફ ફોટો સોશિયલ મીડિયા પર પોસ્ટ કરવો પડ્યો ભારે, મળી આ સજા
વડાપ્રધાન મોદીનો મોર્ફ ફોટો ફેસબુક પર પોસ્ટ કરવાનું કન્યાકુમારીના એક વ્યક્તિને ભારે પડી ગયુ છે. જૈબિનિ ચાર્લ્સ નામનો આ વ્યક્તિ આગામી એક વર્ષ સુધી સોશિયલ મીડિયા પ્લેટફોર્મનો ઉપયોગ નહીં કરી શકે, એટલે કે સોશિયલ મીડિયા પર કોઈ પણ પ્રકારની પોસ્ટ નહીં મુકી શકે. તમિલનાડુના કન્યાકુમારી જિલ્લાના આ વ્યક્તિની સામે મદ્રાસ હાઈકોર્ટની મદુરઈ બેન્ચે શરત રાખી […]
વડાપ્રધાન મોદીનો મોર્ફ ફોટો ફેસબુક પર પોસ્ટ કરવાનું કન્યાકુમારીના એક વ્યક્તિને ભારે પડી ગયુ છે. જૈબિનિ ચાર્લ્સ નામનો આ વ્યક્તિ આગામી એક વર્ષ સુધી સોશિયલ મીડિયા પ્લેટફોર્મનો ઉપયોગ નહીં કરી શકે, એટલે કે સોશિયલ મીડિયા પર કોઈ પણ પ્રકારની પોસ્ટ નહીં મુકી શકે.
તમિલનાડુના કન્યાકુમારી જિલ્લાના આ વ્યક્તિની સામે મદ્રાસ હાઈકોર્ટની મદુરઈ બેન્ચે શરત રાખી છે કે તે આગામી એક વર્ષ સુધી સોશિયલ મીડિયા પ્લેટફોર્મથી દુર રહેવાનો વિશ્વાસ આપે છે તો તેને વચગાળા જામીન મળી શકે છે. એટલું જ નહીં જસ્ટિસ જી.આર.સ્વામીનાથને કહ્યું કે જો એક વર્ષની અંદર ચાર્લ્સ સોશિયલ મીડિયાનો ઉપયોગ કરશે તો ફરિયાદી કોર્ટમાં વચગાળાના જામીન રદ કરવાની માગ કરી શકે છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ચાર્લ્સે જે દિવસે ફેસબુક પર આ ફોટો અપલોડ કર્યો હતો, તેના બીજા દિવસે જ ભાજપ કાર્યકર્તા નાનજિલ રાજાએ વાદાસેરે પોલીસ સ્ટેશનમાં ફરિયાદ દાખલ કરાવી હતી. ત્યારબાદ ચાર્લ્સે સોશિયલ મીડિયા પ્લેટફોર્મ પરથી વડાપ્રધાન મોદીનો મોર્ફ ફોટો હટાવી લીધો હતો.
તેમને કહ્યું કે કોઈ પણ નાગરિકને દેશના વડાપ્રધાનનો અનાદર કરવા માટે કોઈ હક્ક નથી. ચાર્લ્સ દૈનિક સમાચારપત્રમાં માફીનામું પણ આપવા માટે તૈયાર છે. ઉલ્લેખનીય છે કે ચાર્લ્સે સુપ્રીમ કોર્ટના નિર્ણય જણાવતા કહ્યું કે ફેસબુક જેવી સોશિયલ સાઈટસ પર પોતાનો અભિપ્રાય રાખવો ગુન્હો ગણાતો નથી, તેમ છતાં તેમને કરેલા કૃત્ય પર તે માફી માંગે છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]