2020 વેસ્ટ બોલપેનમાંથી માત્ર 360 રુપિયાના ખર્ચે બનાવ્યા ગણપતિ, જુઓ PHOTOS
મુંબઈ બાદ સુરત શહેરમાં ગણપતિ મહોત્સવ સૌથી ધામધૂમથી ઉજવાતો પર્વ છે. સુરતમાં અંદાજે 10 હજાર કરતા પણ નાની મોટી પ્રતિમાઓનું સ્થાપન કરવામાં આવે છે. ગણેશભક્તો દર વર્ષે આવતા ગણપતિ બાપ્પાની પ્રતિમા કે તેમના મંડપ અને ડેકોરેશન પાછળ લાખો રૂપિયાનો ખર્ચો કરતા હોય છે ત્યારે સુરતમાં એક ગણેશ મંડળ એવું પણ છે જે છેલ્લા પાંચ વર્ષથી […]
મુંબઈ બાદ સુરત શહેરમાં ગણપતિ મહોત્સવ સૌથી ધામધૂમથી ઉજવાતો પર્વ છે. સુરતમાં અંદાજે 10 હજાર કરતા પણ નાની મોટી પ્રતિમાઓનું સ્થાપન કરવામાં આવે છે. ગણેશભક્તો દર વર્ષે આવતા ગણપતિ બાપ્પાની પ્રતિમા કે તેમના મંડપ અને ડેકોરેશન પાછળ લાખો રૂપિયાનો ખર્ચો કરતા હોય છે ત્યારે સુરતમાં એક ગણેશ મંડળ એવું પણ છે જે છેલ્લા પાંચ વર્ષથી નજીવા રૂપિયા ખર્ચીને જ ઇકોફ્રેન્ડલી ગણપતિની સ્થાપના કરતા આવ્યા છે.
સુરતના રામપુરા વિસ્તારમાં આ વર્ષે વેસ્ટેજ બોલપેનમાંથી ગણપતિ તૈયાર કરવામાં આવ્યા છે. વર્ષ દરમ્યાન વિદ્યાર્થીઓ ખાલી બોલપેનોને ફેંકી દે છે તે બોલપેન બે વર્ષમાં ભેગી કરવામાં આવી હતી. આ રીતે 2020 જેટલી બોલપેનો ભેગી કરવામાં આવી હતી અને ગ્લુ સહિત માત્ર 360 રૂપિયાનો ખર્ચ કરીને ફક્ત 40 કલાકમાં આ ગણપતિ તૈયાર કરવામાં આવ્યા છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
આ પણ વાંચો : પંજાબના બટાલામાં ફટાકડાની ફેક્ટરીમાં ભીષણ વિસ્ફોટ, 18 લોકોના મોત 13થી વધુ ઈજાગ્રસ્ત
રામપુરામાં જ રહેતા મિનીએચર આર્ટિસ્ટ ડિમ્પલ જરીવાળા દ્વારા આ ગણપતિ તૈયાર કરવામાં આવ્યા છે. વેસ્ટેજ બોલપેનમાંથી પણ ગણપતિના ખોલા અને રંગનો ઉપયોગ પણ સારી રીતે કરવામાં આવ્યો છે. પીળી બોલપેનને ધોતિયામાં તો કાળા રંગની બોલપેનનો ઉપયોગ સૂંઢ અને ઉંદરમાં કરવામાં આવ્યો છે.
આમ આ ગણપતિ ઇકોફ્રેન્ડલી ગણપતિ હોવાની સાથે સાથે વેસ્ટમાંથી બેસ્ટ કેવી રીતે બનાવી શકાય તેનું પણ ઉત્તમ સ્વરૂપ છે. આ ગણપતિને જોવા માટે લોકોની ભીડ જામી રહી છે.